[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Poetry and campū by Jain authors](https://indike.org/pramana/in.jaina.post.kavya) › [Yashastilaka](https://indike.org/pramana/in.jaina.post.kavya.yasastilaka) › 4.474 # Yashastilaka 4.474 Yaśastilaka 4.474 - **Language:** Sanskrit ### [4.474](https://indike.org/pramana/in.jaina.post.kavya.yasastilaka.4.474) api cākhaṇḍalaśuṇḍālagaṇḍamaṇḍalīmaṇḍanamadamalinaruci, śiśirakarakuraṅgekṣaṇacchāye, jāhnavījalajambālamañjarī jālajayini, puraṃdarapurapuraṃdhrīpayodharābhogasaṃgatamṛgamadapatrabhaṅgasubhage, kriṃpuruṣakāminīkucacūcukapaṭalaśyāmasaṃpadi, pratyaṅgamambaratalāddviraṭipāṃśupramāthapāṃsule, digdevatāniketananīlopalakalaśaprakāśabhāsini, dikkanyakālakavallarīvilāsaprasare, dikpālapuraprāsādapracalākinīkulakalāpakelikale, digantarakāntāramadhukarīnikaraśyāmale, pratyantaralagnāśāvalayataṭinītaṭatamāladaladyotakānte, śikharāntaracaracchabarasīmantinīcikuracayarociṣi, nikuñjakuñjarakāyakāntikrāle, girīśagalagarlakalmāṣatviṣi, sānusārasāraṅgāṅganāpāṅgakṛṣṇe, pratipradeśamacalacakravālādamisārikāvijṛmbhaṇāndhapaṭapratānatarale, dharāghariṇīdhammilladhāmadhāvini, mahīmahilāmaulimecakamaṇimahaumānye, pārthivapatipastyaprāntamacāricīnāṃśukadhvajāḍambaraviḍambini, smarekṣukodaṇḍapalāśapeśale, pratipratīkamilācakrādvijadvijivhāśramahomaghūmodgamaspardhini, virahavegāgatabhujaṅgīśvāsānilamalīmase, bhoginagaropavanapallavollāsalīlāpahāsini, lelihānānilāvalehajihvājihvakāluṣye, kāliyāhiprabhāprabhāvapāṭavasphuṭi, pratyavayavaṃ pātālamūlācca tāpicchagucchottaṃsa ivāntarikṣalakṣmyāḥ, saiṃhikeyasaṃcara iva nakṣatrakṣetrasya, nīlikopadeha iva tridivadīrghikāyāḥ, kajjaladravopadrava iva nabhaścaravimānānām, kavacopacaya iva bhūbhṛtakaṭakasya, jaladharajavanikāgama iva kandaraparisarāṇām, indranīlanicolaka iva bhuvanavalabhīmaṇḍalasya, mahāmoharasaprasarpa iva kīṭakakuṭīrakāṇām, paripatpūra iva kakubāmogasya, kālindītaraṅgasaṃgama iva viśvaṃbharābhāgānām, rerihāṇanivahavihāra iva vanasthalīdeśasya, śabarasainyasaṃgama iva kānanaviṣayāṇām, asurasamājasaṃparka iva dharādhrarandhrasthānasya, kuvalayākara iva nimnāvanītalānām, cañcarīkaparicaya iva praphullitārāmasya, kṛṣṇakalāpaparigraha iva jalanidhīnām, kācakapāṭapuṭopagama iva ca sakalalokavilokanavyāpārasya, durjanajanaceṣṭitamiva samastamuccamavacaṃ ca vastu samatāṃ nayati, vijṛmbhamāṇe tamasi, vilīna iva, apahṛta iva adṛśyatopagata iva, deśāntaranīta iva, nimagna iva, saṃhṛta iva, prajāpatipāṇipuṭapihita iva, ca kṣaṇamātraṃ jāte jagati sati, yaivāśeṣajagacchiromaṇibhuvāṃ dhāmnāmabhūdāspadaṃ tasyā eva diśo malīmasaruciprāyaṃ tamastāyate āpāṇḍu prathamaṃ tataḥ suranadīsaṃbhedarekhānibhaṃ paścādātasapuṣpakānti tadanu śrīkaṇṭhakaṇṭhadyuti - [Previous: 4.473](https://indike.org/pramana/in.jaina.post.kavya.yasastilaka.4.473) - [Next: 4.475](https://indike.org/pramana/in.jaina.post.kavya.yasastilaka.4.475) - [Up: 4](https://indike.org/pramana/in.jaina.post.kavya.yasastilaka.4) ## Commentaries (1) - [Yaśastilakacandrikā](https://indike.org/pramana/in.jaina.post.kavya.yasastilaka!srutasagara.4.473.2) — Śrutasāgara, Sanskrit --- Source: [https://indike.org/pramana/in.jaina.post.kavya.yasastilaka.4.474](https://indike.org/pramana/in.jaina.post.kavya.yasastilaka.4.474) · Pramāṇa