[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Historical and legendary narratives (prabandhas, tīrthakalpas)](https://indike.org/pramana/in.jaina.post.prabandha) › [Historical anecdotes](https://indike.org/pramana/in.jaina.post.prabandha.prabandha) › [Bappabhatticaritra](https://indike.org/pramana/in.jaina.post.prabandha.prabandha.bappabhatticaritra) › 2.4 # Bappabhatticaritra 2.4 Bappabhaṭṭicaritra 2.4 - **Language:** Sanskrit ### [2.4](https://indike.org/pramana/in.jaina.post.prabandha.prabandha.bappabhatticaritra.2.4) tatastajjananī vanyaphalāni vicinvānā'smābhirbhaṇitā-vatse ! kā tvam ? | kiṃ ca" te kulam ? | \[ sā'vādīt nijaṃ kulam\] ahaṃ rājaputrī kanyakubjeśayaśovarmapatnī suyaśā nāma ahamasminsute garbhasthe sati dṛḍhakārbhaṇavaśīkṛtadhavayā kṛtapramāṇayā'kṛtyeyeva krūrayā sapatnyā mithyā parapuruṣadoṣamāropya gṛhānniṣkāsitā | abhimānena śvaśurakula-pitṛkule hitvā bhramantīha samāgatā vanyavṛttyā jīvāmi | bālaṃ ca pālayāmi | idaṃ śrutvā'smābhiḥ sā uktā-vatse ! asmaccaityaṃ samāgaccha | svaṃ vatsaṃ pravarddhaya | tayā tathā kṛtam | sapatnyapi bahusapatnīkṛtamāraṇaprayogaimamāra | tato viśiṣṭapuruṣaiḥ kanyakubjeśo yaśovarmā vijñaptaḥ-deva ! suyaśā rājñī nirdoṣā'pi tadā devena sapatnīvacasā niṣkāsitā sā pratyānīyate | rājñā sā svasaudhamānāyitā saputrā gauravitā ca anyadā viharanto vayaṃ tasyā deśaṃ gatāḥ | tayā pūrvapratipannaṃ smarantyā vayaṃ vanditāḥ pūjitāḥ anena āmanāmnā tatsutena bhāvyam | evaṃ ciraṃ vibhāvya sūrayastamūcuḥ-vatsa ! vasa niścinto nijena suhṛdā bappabhaṭṭināmnā samamasmatsannidhau | tvaṃ gṛhāṇa kalāḥ | kāstāḥ ?-likhitam 1. gaṇitam 2. gītam 3. nṛtyam 4. paṭhitam 5. vādyam 6. vyākaraṇam 7. chando 8. jyotiṣam 9. śikṣā 10. niruktam 11. kātyāyanam 12. nighaṇḍuḥ 13. patracchedayam 14. nakhacchedayam 15. ratnaparīkṣā 16. āyudhābhyāsaḥ 17. gajārohaṇam 18. turagārohaṇam 19. tayoḥ śikṣā 20. mantravādaḥ 21. yantravādaḥ 22. rasavādaḥ 23. khanyavādaḥ 24. rasāyanam 25. vijñānam 26. tarkavādaḥ 27. siddhāntaḥ 28. viṣavādaḥ 29. gāruḍam 30. śākunam 31. vaidyakam 32. ācāryavidyā 33. āgamaḥ 34. prāsādalakṣaṇam 35. sāmudrikam 36. smṛtiḥ 37. purāṇam 38. itihāsaḥ 39. vedaḥ 40. vidhiḥ 41. vidyānuvādaḥ 42. darśanasaṃskāraḥ 43. khecarīkalā 44. amarīkalā 45. indrajālam 46. pātālasiddhiḥ 47. dhūrttaśambalam 48. gandhavādaḥ 49. vṛkṣacikitsā 50. kṛtrimamaṇikarma 51. sarvakaraṇī 52. vaśyakarma 53. paṇakarma 54. citrakarma 55. kāṣṭhaghaṭanam 56. pāṣāṇakarma 57. lepakarma 58. carmakarma 59. yantrakarasavatī 60. kāvyam 61. alaṅkāraḥ 62. hasitam 63. saṃskṛtam 64. prākṛtam 65. paiśācikam 66. apabhraṃśam 67. kapaṭam 68. deśabhāṣā 69. dhātukarma 70. prayogopāyaḥ 71. kevalīvidhiḥ 72. etāḥ sakalāḥ kalāḥ śikṣitavān | lakṣaṇa-tarkādigranthān paricitavān | bappabhaṭṭinā sākamasthimajjanyāyena prītiṃ baddhavān 64. yataḥ-āraṃbhagurvī1 kṣayiṇī krameṇa hrasvā purā vṛddhimatī ca paścāt dinasya pūrvārddhaparārddhabhinnā chāyeva maitrī khalasajjanānām - [Previous: 2.3](https://indike.org/pramana/in.jaina.post.prabandha.prabandha.bappabhatticaritra.2.3) - [Next: 2.5](https://indike.org/pramana/in.jaina.post.prabandha.prabandha.bappabhatticaritra.2.5) - [Up: 2](https://indike.org/pramana/in.jaina.post.prabandha.prabandha.bappabhatticaritra.2) ## Linked texts (4) - [Subhāṣitaratnabhāṇḍāgāra](https://indike.org/pramana/in.lit.subhasita.subhasita.adhunika.subhasitaratnabhandagara.8.504) — Kāśīnātha Pāṇḍuraṅga Paraba 1886, Sanskrit - [Pūrvadhāricaritra](https://indike.org/pramana/in.jaina.post.prabandha.prabandha.purvadharicaritra.13.67) — Sanskrit - [Prabandhakośa](https://indike.org/pramana/in.lit.historical.jaina.prabandhakosa.7.4) — Rājaśekhara Sūri, Sanskrit - [Caturviṃśatikā (Bappabhaṭṭi)](https://indike.org/pramana/in.jaina.post.stotra.bappabhatti.8.1-5) — Bappabhaṭṭi, Sanskrit --- Source: [https://indike.org/pramana/in.jaina.post.prabandha.prabandha.bappabhatticaritra.2.4](https://indike.org/pramana/in.jaina.post.prabandha.prabandha.bappabhatticaritra.2.4) · Pramāṇa