[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Historical and legendary narratives (prabandhas, tīrthakalpas)](https://indike.org/pramana/in.jaina.post.prabandha) › [Historical anecdotes](https://indike.org/pramana/in.jaina.post.prabandha.prabandha) › [Bappabhatticaritra](https://indike.org/pramana/in.jaina.post.prabandha.prabandha.bappabhatticaritra) › 2.7 # Bappabhatticaritra 2.7 Bappabhaṭṭicaritra 2.7 - **Language:** Sanskrit ### [2.7](https://indike.org/pramana/in.jaina.post.prabandha.prabandha.bappabhatticaritra.2.7) § 37) tato rājñā'sau tuṅge dhavalagṛhe sthāpitaḥ | prātaḥ sabhāmāgatāya bappabhaṭṭaye nṛpeṇa siṃhāsanaṃ maṇḍāpitam | tena gaditam-ūrvīpate ! ācāryapadaṃ vinā siṃhāsanaṃ na yuktam | gurvāśātanā bhavet | tato rājñā bappabhaṭṭiḥ pradhānasacivaiḥ saha gurvantike prahitaḥ | vijñaptikā ca¹ dattā-yadi mama prāṇaiḥ kāryaṃ tadā prasadya sadyo'yaṃ maharṣiḥ sūripade sthāpyaḥ yogyaṃ sutaṃ ca śiṣyaṃ ca nayanti guravaḥ śriyam sthāpitamātrāccātra śighraṃ preṣaṇīyaḥ | anyathā'haṃ na bhavāmi | mā vilambyatāmiti | akhaṇḍaprayāṇakairmoḍherakaṃ prāptaḥ² | sacivaiḥ sūrayo vijñaptāḥ-prabho ! rājavijñaptyartho'nusāryaḥ | ucitajñā hi bhavādṛśāḥ atha śrīsiddhasenācāryairbappabhaṭṭiḥ sūripade sthāpitaḥ | tadaṅge śrīḥ sākṣādiva saṅkrāmantī dṛṣṭā rahaśca śikṣā dattā-vatsa ! tava rājasatkāro bhṛśaṃ bhāvī | tataśca lakṣmīḥ pravartsyati | tata indriyajayo duṣkaraḥ | tvaṃ mahābrahmacārī bhaveḥ³ vikārahetau sati vikriyante yeṣāṃ na cetāṃsi ta eva dhīrāḥ⁴ anena mahāvratena mahattaraḥ sphuriṣyasi 67. ekādaśādhike tatra jāte varṣaśatāṣṭake | vikramātso'bhavatsūriḥ kṛṣṇacaitrāṣṭamīdine - [Previous: 2.6](https://indike.org/pramana/in.jaina.post.prabandha.prabandha.bappabhatticaritra.2.6) - [Next: 2.8](https://indike.org/pramana/in.jaina.post.prabandha.prabandha.bappabhatticaritra.2.8) - [Up: 2](https://indike.org/pramana/in.jaina.post.prabandha.prabandha.bappabhatticaritra.2) ## Linked texts (4) - [Subhāṣitaratnabhāṇḍāgāra](https://indike.org/pramana/in.lit.subhasita.subhasita.adhunika.subhasitaratnabhandagara.8.1277) — Kāśīnātha Pāṇḍuraṅga Paraba 1886, Sanskrit - [Pūrvadhāricaritra](https://indike.org/pramana/in.jaina.post.prabandha.prabandha.purvadharicaritra.13.115) — Sanskrit - [Prabandhakośa](https://indike.org/pramana/in.lit.historical.jaina.prabandhakosa.7.7) — Rājaśekhara Sūri, Sanskrit - [Caturviṃśatikā (Bappabhaṭṭi)](https://indike.org/pramana/in.jaina.post.stotra.bappabhatti.8.1-8) — Bappabhaṭṭi, Sanskrit --- Source: [https://indike.org/pramana/in.jaina.post.prabandha.prabandha.bappabhatticaritra.2.7](https://indike.org/pramana/in.jaina.post.prabandha.prabandha.bappabhatticaritra.2.7) · Pramāṇa