Vikramacaritra (Pandit Somasuri) 2.45

2.45

evamādi bahudhā nivedya buddhisāgaro virarāma
jayapālastu purānnirgatya khaḍgavyāghraśarabhamṛgakulasaṅkulaṃ
mahadaraṇyaṃ praviśya yāvat paścādaddarśa, tāvat sarvo'pi sainyavargaḥ svanagaramārge lagnaḥ | svayamekākī saṃvṛttaḥ turagamātrasahāyaḥ puraḥ sarovaramadrākṣīt | tatrāśvādavatīrya vṛkṣaśākhāyāmaśvaṃ
nibadhya jalamavagāhya śāntapipāsastarucchāyāyāṃ viśaśrāma
tāvadatibhayaṅkaraḥ kaścidvyāghraḥ samāpatat | taṃ dṛṣṭvā'śvaśchinnabandho yathāgatamadhāvat | rājakumāro'pi bhayādvepamānāṅgaḥ
śākhāmālambya drumamāruroha | tatra pūrvārūḍhaṃ bhallūkaṃ dṛṣṭvā
dviguṇaṃ vibhyataṃ rājakumāraṃ bhallūkaḥ sasāntvamatravīt
‘bho rājakumāra ! mā bhaiṣīḥ | adya māṃ śaraṇaṃ gatastvam
atastvāhaṃ kimaniṣṭaṃ kariṣyāmi | mayi viśvasya vyāghrādapi na
bhe(tta)tavyam | ’tato rājakumāraḥ sabhayamidamabhāṇīt | ‘bho
ṛkṣarāja ! ahaṃ tvāṃ śaraṇaṃ gataḥ | viśeṣato bhītaśca | mahat
puṇyaṃ śaraṇāgatarakṣaṇena ! uktañca—
ekataḥ kratavaḥ sarve samagravaradakṣiṇāḥ
ekato bhayabhītasya prāṇinaḥ prāṇarakṣaṇam