Pramāṇa · Search · About · API

Pramanamimamsa 1.1: prathamāhnika

Pramāṇamīmāṃsā 1.1

Language
Sanskrit

prathamāhnika

1.1.1

atha pramāṇamīmāṃsā .. 1 ..

1.1.2

samyagarthanirṇayaḥ pramāṇam .. 2 ..

1.1.3

svanirṇayaḥ sannapyalakṣaṇam, apramāṇe'pi bhāvāt .. 3 ..

1.1.4

grahīṣyamāṇagrāhiṇa iva gṛhītagrāhiṇo'pi nāprāmāṇyam .. 4 ..

1.1.5

anubhayatrobhayakoṭisparśī pratyayaḥ saṃśayaḥ .. 5 ..

1.1.6

viśeṣānullekhyanadhyavasāyaḥ .. 6 ..

1.1.7

atasmiṃstadeveti viparyayaḥ .. 7 ..

1.1.8

prāmāṇyaniścayaḥ svataḥ parato vā .. 8 ..

1.1.9

pramāṇaṃ dvidhā .. 9 ..

1.1.10

pratyakṣaṃ parokṣaṃ ca .. 10 ..

1.1.11

vyavasthānyadhīniṣedhānāṃ siddheḥ pratyakṣetarapramāṇasiddhiḥ .. 11 ..

1.1.12

bhāvābhāvātmakatvādvastuno nirviṣayo'bhāvaḥ .. 12 ..

1.1.13

viśadaḥ pratyakṣam .. 13 ..

1.1.14

pramāṇāntarānapekṣedantayā pratibhāso vā vaiśadyam .. 14 ..

1.1.15

tat sarvathāvaraṇavilaye cetanasya svarūpāvirbhāvo mukhyaṃ kevalam .. 15 ..

1.1.16

prajñātiśayaviśrāntyādisiddhestatsiddhiḥ .. 16 ..

1.1.17

bādhakābhāvācca .. 17 ..

1.1.18

tattāratamye'vadhimanaḥparyāyau ca .. 18 ..

1.1.19

viśuddhikṣetrasvāmiviṣayabhedāt tadbhedaḥ .. 19 ..

1.1.20

indriyamanonimitto'vagrahehāvāyadhāraṇātmā sāṃvyavahārikam .. 20 ..

1.1.21

sparśarasagandharūpaśabdagrahaṇalakṣaṇāni sparśanarasanaghrāṇacakṣuḥśrotrāṇīndriyāṇi dravyabhāvabhedāni .. 21 ..

1.1.22

dravyendriyaṃ niyatākārāḥ pudgalāḥ .. 22 ..

1.1.23

bhāvendriyaṃ labdhyupayogau .. 23 ..

1.1.24

sarvārthagrahaṇaṃ manaḥ .. 24 ..

1.1.25

nārthālokau jñānasya nimittamavyatirekāt .. 25 ..

1.1.26

akṣārthayoge darśanānantaramarthagrahaṇamavagrahaḥ .. 26 ..

1.1.27

avagṛhītaviśeṣākāṅkṣaṇamīhā .. 27 ..

1.1.28

īhitaviśeṣanirṇayo'vāyaḥ .. 28 ..

1.1.29

smṛtiheturddhāraṇā .. 29 ..

1.1.30

pramāṇasya viṣayo dravyaparyāyātmakaṃ vastu .. 30 ..

1.1.31

arthakriyāsāmarthyāt .. 31 ..

1.1.32

tallakṣaṇatvādvastunaḥ .. 32 ..

1.1.33

pūrvottarākāraparihārasvīkārasthitilakṣaṇapariṇāmenāsyārthakriyopapattiḥ .. 33 ..

1.1.34

phalamarthaprakāśaḥ .. 34 ..

1.1.35

karmasthā kriyā .. 35 ..

1.1.36

kartṛsthā pramāṇam .. 36 ..

1.1.37

tasyāṃ satyāmarthaprakāśasiddheḥ .. 37 ..

1.1.38

ajñānanivṛttirvā .. 38 ..

1.1.39

avagrahādīnāṃ vā kramopajanadharmāṇāṃ pūrvaṃ pūrvaṃ pramāṇamuttaramuttaraṃ phalam .. 39 ..

1.1.40

hānādibuddhayo vā .. 40 ..

1.1.41

pramāṇādbhinnābhinnam .. 41 ..

1.1.42

svaparābhāsī pariṇāmyātmā pramātā .. 42 ..

Commentaries (1)