[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Pramanamimamsa](https://indike.org/pramana/in.jaina.post.pramanamimamsa) › 1.1 # Pramanamimamsa 1.1: prathamāhnika Pramāṇamīmāṃsā 1.1 - **Language:** Sanskrit ### prathamāhnika ### [1.1.1](https://indike.org/pramana/in.jaina.post.pramanamimamsa.1.1.1) atha pramāṇamīmāṃsā .. 1 .. ### [1.1.2](https://indike.org/pramana/in.jaina.post.pramanamimamsa.1.1.2) samyagarthanirṇayaḥ pramāṇam .. 2 .. ### [1.1.3](https://indike.org/pramana/in.jaina.post.pramanamimamsa.1.1.3) svanirṇayaḥ sannapyalakṣaṇam, apramāṇe'pi bhāvāt .. 3 .. ### [1.1.4](https://indike.org/pramana/in.jaina.post.pramanamimamsa.1.1.4) grahīṣyamāṇagrāhiṇa iva gṛhītagrāhiṇo'pi nāprāmāṇyam .. 4 .. ### [1.1.5](https://indike.org/pramana/in.jaina.post.pramanamimamsa.1.1.5) anubhayatrobhayakoṭisparśī pratyayaḥ saṃśayaḥ .. 5 .. ### [1.1.6](https://indike.org/pramana/in.jaina.post.pramanamimamsa.1.1.6) viśeṣānullekhyanadhyavasāyaḥ .. 6 .. ### [1.1.7](https://indike.org/pramana/in.jaina.post.pramanamimamsa.1.1.7) atasmiṃstadeveti viparyayaḥ .. 7 .. ### [1.1.8](https://indike.org/pramana/in.jaina.post.pramanamimamsa.1.1.8) prāmāṇyaniścayaḥ svataḥ parato vā .. 8 .. ### [1.1.9](https://indike.org/pramana/in.jaina.post.pramanamimamsa.1.1.9) pramāṇaṃ dvidhā .. 9 .. ### [1.1.10](https://indike.org/pramana/in.jaina.post.pramanamimamsa.1.1.10) pratyakṣaṃ parokṣaṃ ca .. 10 .. ### [1.1.11](https://indike.org/pramana/in.jaina.post.pramanamimamsa.1.1.11) vyavasthānyadhīniṣedhānāṃ siddheḥ pratyakṣetarapramāṇasiddhiḥ .. 11 .. ### [1.1.12](https://indike.org/pramana/in.jaina.post.pramanamimamsa.1.1.12) bhāvābhāvātmakatvādvastuno nirviṣayo'bhāvaḥ .. 12 .. ### [1.1.13](https://indike.org/pramana/in.jaina.post.pramanamimamsa.1.1.13) viśadaḥ pratyakṣam .. 13 .. ### [1.1.14](https://indike.org/pramana/in.jaina.post.pramanamimamsa.1.1.14) pramāṇāntarānapekṣedantayā pratibhāso vā vaiśadyam .. 14 .. ### [1.1.15](https://indike.org/pramana/in.jaina.post.pramanamimamsa.1.1.15) tat sarvathāvaraṇavilaye cetanasya svarūpāvirbhāvo mukhyaṃ kevalam .. 15 .. ### [1.1.16](https://indike.org/pramana/in.jaina.post.pramanamimamsa.1.1.16) prajñātiśayaviśrāntyādisiddhestatsiddhiḥ .. 16 .. ### [1.1.17](https://indike.org/pramana/in.jaina.post.pramanamimamsa.1.1.17) bādhakābhāvācca .. 17 .. ### [1.1.18](https://indike.org/pramana/in.jaina.post.pramanamimamsa.1.1.18) tattāratamye'vadhimanaḥparyāyau ca .. 18 .. ### [1.1.19](https://indike.org/pramana/in.jaina.post.pramanamimamsa.1.1.19) viśuddhikṣetrasvāmiviṣayabhedāt tadbhedaḥ .. 19 .. ### [1.1.20](https://indike.org/pramana/in.jaina.post.pramanamimamsa.1.1.20) indriyamanonimitto'vagrahehāvāyadhāraṇātmā sāṃvyavahārikam .. 20 .. ### [1.1.21](https://indike.org/pramana/in.jaina.post.pramanamimamsa.1.1.21) sparśarasagandharūpaśabdagrahaṇalakṣaṇāni sparśanarasanaghrāṇacakṣuḥśrotrāṇīndriyāṇi dravyabhāvabhedāni .. 21 .. ### [1.1.22](https://indike.org/pramana/in.jaina.post.pramanamimamsa.1.1.22) dravyendriyaṃ niyatākārāḥ pudgalāḥ .. 22 .. ### [1.1.23](https://indike.org/pramana/in.jaina.post.pramanamimamsa.1.1.23) bhāvendriyaṃ labdhyupayogau .. 23 .. ### [1.1.24](https://indike.org/pramana/in.jaina.post.pramanamimamsa.1.1.24) sarvārthagrahaṇaṃ manaḥ .. 24 .. ### [1.1.25](https://indike.org/pramana/in.jaina.post.pramanamimamsa.1.1.25) nārthālokau jñānasya nimittamavyatirekāt .. 25 .. ### [1.1.26](https://indike.org/pramana/in.jaina.post.pramanamimamsa.1.1.26) akṣārthayoge darśanānantaramarthagrahaṇamavagrahaḥ .. 26 .. ### [1.1.27](https://indike.org/pramana/in.jaina.post.pramanamimamsa.1.1.27) avagṛhītaviśeṣākāṅkṣaṇamīhā .. 27 .. ### [1.1.28](https://indike.org/pramana/in.jaina.post.pramanamimamsa.1.1.28) īhitaviśeṣanirṇayo'vāyaḥ .. 28 .. ### [1.1.29](https://indike.org/pramana/in.jaina.post.pramanamimamsa.1.1.29) smṛtiheturddhāraṇā .. 29 .. ### [1.1.30](https://indike.org/pramana/in.jaina.post.pramanamimamsa.1.1.30) pramāṇasya viṣayo dravyaparyāyātmakaṃ vastu .. 30 .. ### [1.1.31](https://indike.org/pramana/in.jaina.post.pramanamimamsa.1.1.31) arthakriyāsāmarthyāt .. 31 .. ### [1.1.32](https://indike.org/pramana/in.jaina.post.pramanamimamsa.1.1.32) tallakṣaṇatvādvastunaḥ .. 32 .. ### [1.1.33](https://indike.org/pramana/in.jaina.post.pramanamimamsa.1.1.33) pūrvottarākāraparihārasvīkārasthitilakṣaṇapariṇāmenāsyārthakriyopapattiḥ .. 33 .. ### [1.1.34](https://indike.org/pramana/in.jaina.post.pramanamimamsa.1.1.34) phalamarthaprakāśaḥ .. 34 .. ### [1.1.35](https://indike.org/pramana/in.jaina.post.pramanamimamsa.1.1.35) karmasthā kriyā .. 35 .. ### [1.1.36](https://indike.org/pramana/in.jaina.post.pramanamimamsa.1.1.36) kartṛsthā pramāṇam .. 36 .. ### [1.1.37](https://indike.org/pramana/in.jaina.post.pramanamimamsa.1.1.37) tasyāṃ satyāmarthaprakāśasiddheḥ .. 37 .. ### [1.1.38](https://indike.org/pramana/in.jaina.post.pramanamimamsa.1.1.38) ajñānanivṛttirvā .. 38 .. ### [1.1.39](https://indike.org/pramana/in.jaina.post.pramanamimamsa.1.1.39) avagrahādīnāṃ vā kramopajanadharmāṇāṃ pūrvaṃ pūrvaṃ pramāṇamuttaramuttaraṃ phalam .. 39 .. ### [1.1.40](https://indike.org/pramana/in.jaina.post.pramanamimamsa.1.1.40) hānādibuddhayo vā .. 40 .. ### [1.1.41](https://indike.org/pramana/in.jaina.post.pramanamimamsa.1.1.41) pramāṇādbhinnābhinnam .. 41 .. ### [1.1.42](https://indike.org/pramana/in.jaina.post.pramanamimamsa.1.1.42) svaparābhāsī pariṇāmyātmā pramātā .. 42 .. ## Commentaries (1) - [Pramāṇamīmāṃsāvṛtti](https://indike.org/pramana/in.jaina.post.pramanamimamsa!svopajna.1.1.5) — Hemacandra, Sanskrit --- Source: [https://indike.org/pramana/in.jaina.post.pramanamimamsa.1.1](https://indike.org/pramana/in.jaina.post.pramanamimamsa.1.1) · Pramāṇa