Pramāṇa · Search · About · API

Pramanamimamsa 1.2: .. atha dvitīyamāhnikam ..

Pramāṇamīmāṃsā 1.2

Language
Sanskrit

.. atha dvitīyamāhnikam ..

1.2.1

aviśadaḥ parokṣam .. 1 ..

1.2.2

smṛtipratyabhijñānohānumānāgamāstadvidhayaḥ .. 2 ..

1.2.3

vāsanodbodhahetukā tadityākārā smṛtiḥ .. 3 ..

1.2.4

darśanasmaraṇasambhavaṃ tadevedaṃ tatsadṛśaṃ tadvilakṣaṇaṃ tatpratiyogītyādisaṅkalanaṃ pratyabhijñānam .. 4 ..

1.2.5

upalambhānupalambhanimittaṃ vyāptijñānam ūhaḥ .. 5 ..

1.2.6

vyāptirvyāpakasya vyāpye sati bhāva eva vyāpyasya vā tatraiva bhāvaḥ .. 6 ..

1.2.7

sādhanātsādhyavijñānam anumānam .. 7 ..

1.2.8

tat dvidhā svārthaṃ parārthaṃ ca .. 8 ..

1.2.9

svārthaṃ svaniścitasādhyāvinābhāvaikalakṣaṇāt sādhanāt sādhyajñānam .. 9 ..

1.2.10

sahakramabhāvinoḥ sahakramabhāvaniyamo'vinābhāvaḥ .. 10 ..

1.2.11

ūhāt tanniścayaḥ .. 11 ..

1.2.12

svabhāvaḥ kāraṇaṃ kāryamekārthasamavāyi virodhi ceti pañcadhā sādhanam .. 12 ..

1.2.13

siṣādhayiṣitamasiddhamabādhyaṃ sādhyaṃ pakṣaḥ .. 13 ..

1.2.14

pratyakṣānumānāgamalokasvavacanapratītayo bādhāḥ .. 14 ..

1.2.15

sādhyaṃ sādhyadharmaviśiṣṭo dharmī, kvacittu dharmaḥ .. 15 ..

1.2.16

dharmī pramāṇasiddhaḥ .. 16 ..

1.2.17

buddhisiddho'pi .. 17 ..

1.2.18

na dṛṣṭānto'numānāṅgam .. 18 ..

1.2.19

sādhanamātrāt tatsiddheḥ .. 19 ..

1.2.20

sa vyāptidarśanabhūmiḥ .. 20 ..

1.2.21

sa sādharmyavaidharmyābhyāṃ dvedhā .. 21 ..

1.2.22

sādhanadharmaprayuktasādhyadharmayogī sādharmyadṛṣṭāntaḥ .. 22 ..

1.2.23

sādhyadharmanivṛttiprayuktasādhanadharmanivṛttiyogī vaidharmyadṛṣṭāntaḥ .. 23 ..

Commentaries (1)