[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Pramanamimamsa](https://indike.org/pramana/in.jaina.post.pramanamimamsa) › 1.2 # Pramanamimamsa 1.2: .. atha dvitīyamāhnikam .. Pramāṇamīmāṃsā 1.2 - **Language:** Sanskrit ### .. atha dvitīyamāhnikam .. ### [1.2.1](https://indike.org/pramana/in.jaina.post.pramanamimamsa.1.2.1) aviśadaḥ parokṣam .. 1 .. ### [1.2.2](https://indike.org/pramana/in.jaina.post.pramanamimamsa.1.2.2) smṛtipratyabhijñānohānumānāgamāstadvidhayaḥ .. 2 .. ### [1.2.3](https://indike.org/pramana/in.jaina.post.pramanamimamsa.1.2.3) vāsanodbodhahetukā tadityākārā smṛtiḥ .. 3 .. ### [1.2.4](https://indike.org/pramana/in.jaina.post.pramanamimamsa.1.2.4) darśanasmaraṇasambhavaṃ tadevedaṃ tatsadṛśaṃ tadvilakṣaṇaṃ tatpratiyogītyādisaṅkalanaṃ pratyabhijñānam .. 4 .. ### [1.2.5](https://indike.org/pramana/in.jaina.post.pramanamimamsa.1.2.5) upalambhānupalambhanimittaṃ vyāptijñānam ūhaḥ .. 5 .. ### [1.2.6](https://indike.org/pramana/in.jaina.post.pramanamimamsa.1.2.6) vyāptirvyāpakasya vyāpye sati bhāva eva vyāpyasya vā tatraiva bhāvaḥ .. 6 .. ### [1.2.7](https://indike.org/pramana/in.jaina.post.pramanamimamsa.1.2.7) sādhanātsādhyavijñānam anumānam .. 7 .. ### [1.2.8](https://indike.org/pramana/in.jaina.post.pramanamimamsa.1.2.8) tat dvidhā svārthaṃ parārthaṃ ca .. 8 .. ### [1.2.9](https://indike.org/pramana/in.jaina.post.pramanamimamsa.1.2.9) svārthaṃ svaniścitasādhyāvinābhāvaikalakṣaṇāt sādhanāt sādhyajñānam .. 9 .. ### [1.2.10](https://indike.org/pramana/in.jaina.post.pramanamimamsa.1.2.10) sahakramabhāvinoḥ sahakramabhāvaniyamo'vinābhāvaḥ .. 10 .. ### [1.2.11](https://indike.org/pramana/in.jaina.post.pramanamimamsa.1.2.11) ūhāt tanniścayaḥ .. 11 .. ### [1.2.12](https://indike.org/pramana/in.jaina.post.pramanamimamsa.1.2.12) svabhāvaḥ kāraṇaṃ kāryamekārthasamavāyi virodhi ceti pañcadhā sādhanam .. 12 .. ### [1.2.13](https://indike.org/pramana/in.jaina.post.pramanamimamsa.1.2.13) siṣādhayiṣitamasiddhamabādhyaṃ sādhyaṃ pakṣaḥ .. 13 .. ### [1.2.14](https://indike.org/pramana/in.jaina.post.pramanamimamsa.1.2.14) pratyakṣānumānāgamalokasvavacanapratītayo bādhāḥ .. 14 .. ### [1.2.15](https://indike.org/pramana/in.jaina.post.pramanamimamsa.1.2.15) sādhyaṃ sādhyadharmaviśiṣṭo dharmī, kvacittu dharmaḥ .. 15 .. ### [1.2.16](https://indike.org/pramana/in.jaina.post.pramanamimamsa.1.2.16) dharmī pramāṇasiddhaḥ .. 16 .. ### [1.2.17](https://indike.org/pramana/in.jaina.post.pramanamimamsa.1.2.17) buddhisiddho'pi .. 17 .. ### [1.2.18](https://indike.org/pramana/in.jaina.post.pramanamimamsa.1.2.18) na dṛṣṭānto'numānāṅgam .. 18 .. ### [1.2.19](https://indike.org/pramana/in.jaina.post.pramanamimamsa.1.2.19) sādhanamātrāt tatsiddheḥ .. 19 .. ### [1.2.20](https://indike.org/pramana/in.jaina.post.pramanamimamsa.1.2.20) sa vyāptidarśanabhūmiḥ .. 20 .. ### [1.2.21](https://indike.org/pramana/in.jaina.post.pramanamimamsa.1.2.21) sa sādharmyavaidharmyābhyāṃ dvedhā .. 21 .. ### [1.2.22](https://indike.org/pramana/in.jaina.post.pramanamimamsa.1.2.22) sādhanadharmaprayuktasādhyadharmayogī sādharmyadṛṣṭāntaḥ .. 22 .. ### [1.2.23](https://indike.org/pramana/in.jaina.post.pramanamimamsa.1.2.23) sādhyadharmanivṛttiprayuktasādhanadharmanivṛttiyogī vaidharmyadṛṣṭāntaḥ .. 23 .. ## Commentaries (1) - [Pramāṇamīmāṃsāvṛtti](https://indike.org/pramana/in.jaina.post.pramanamimamsa!svopajna.1.1.155) — Hemacandra, Sanskrit --- Source: [https://indike.org/pramana/in.jaina.post.pramanamimamsa.1.2](https://indike.org/pramana/in.jaina.post.pramanamimamsa.1.2) · Pramāṇa