Pramāṇa · Search · About · API

Pramanamimamsa 2.1: prathamāhnika

Pramāṇamīmāṃsā 2.1

Language
Sanskrit

prathamāhnika

2.1.1

yathoktasādhanābhidhānajaḥ parārtham .. 1 ..

2.1.2

vacanamupacārāt .. 2 ..

2.1.3

tad dvedhā .. 3 ..

2.1.4

tathopapattyanyathānupapattibhedāt .. 4 ..

2.1.5

nānayostātparye bhedaḥ .. 5 ..

2.1.6

ata eva nobhayoḥ prayogaḥ .. 6 ..

2.1.7

viṣayopadarśanārthaṃ tu pratijñā .. 7 ..

2.1.8

gamyamānatve'pi sādhyadharmādhārasandehāpanodāya dharmiṇi pakṣadharmopasaṃhāravat tadupapattiḥ .. 8 ..

2.1.9

etāvān prekṣaprayogaḥ .. 9 ..

2.1.10

bodhyānurodhātpratijñāhetūdāharaṇopanayanigamanāni pañcāpi .. 10 ..

2.1.11

sādhyanirdeśaḥ pratijñā .. 11 ..

2.1.12

sādhanatvābhivyañjakavibhaktyantaṃ sādhanavacanaṃ hetuḥ .. 12 ..

2.1.13

dṛṣṭāntavacanamudāharaṇam .. 13 ..

2.1.14

dharmiṇi sādhanasyopasaṃhāra upanayaḥ .. 14 ..

2.1.15

sādhyasya nigamanam .. 15 ..

2.1.16

asiddhaviruddhānaikāntikāstrayo hetvābhāsāḥ .. 16 ..

2.1.17

nāsannaniścitasattvo vā'nyathānupapanna iti sattvasyāsiddhau sandehe vā'siddhaḥ .. 17 ..

2.1.18

vādiprativādyubhayabhedāccaitadbhedaḥ .. 18 ..

2.1.19

viśeṣyāsiddhādīnāmeṣvevāntarbhāvaḥ .. 19 ..

2.1.20

viparītaniyamo'nyathaivopapadyamāno viruddhaḥ .. 20 ..

2.1.21

niyamasyāsiddhau sandehe vā'nyathāpyupapadyamāno'naikāntikaḥ .. 21 ..

2.1.22

sādharmyavaidharmyābhyāmaṣṭāvaṣṭau dṛṣṭāntābhāsāḥ .. 22 ..

2.1.23

amūrtatvena nitye śabde sādhye karma-paramāṇu-ghaṭāḥ sādhyasādhanobhayavikalāḥ .. 23 ..

2.1.24

vaidharmyeṇa paramāṇukarmākāśāḥ sādhyādyavyatirekiṇaḥ .. 24 ..

2.1.25

vacanādrāge rāgānmaraṇadharmakiñcijjñatvayoḥ sandigdhasādhyādyanvayavyatirekā rathyāpuruṣādayaḥ .. 25 ..

2.1.26

viparītānvayavyatirekau .. 26 ..

2.1.27

apradarśitānvayavyatirekau .. 27 ..

2.1.28

sādhanadoṣodbhāvanaṃ dūṣaṇam .. 28 ..

2.1.29

abhūtadoṣodbhāvanāni dūṣaṇābhāsā jātyuttarāṇi .. 29 ..

2.1.30

tattvasaṃrakṣaṇārthaṃ prāśnikādisamakṣaṃ sādhanadūṣaṇavadanaṃ vādaḥ .. 30 ..

2.1.31

svapakṣasya siddhirjayaḥ .. 31 ..

2.1.32

asiddhiḥ parājayaḥ .. 32 ..

2.1.33

sa nigraho vādiprativādinoḥ .. 33 ..

2.1.34

na vipratipattyapratipattimātram .. 34 ..

2.1.35

nāpyasādhanāṅgavacanādoṣodbhāvane .. 35 ..

Commentaries (1)