[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Shastravartasamuccaya](https://indike.org/pramana/in.jaina.post.sastravartasamuccaya) › 4.2 # Shastravartasamuccaya 4.2: (2) bhāva abhāva bana jātā hai isa mata kā khaṃḍana Śāstravārtāsamuccaya 4.2 - **Language:** Sanskrit ## Contents - [4.2.275](https://indike.org/pramana/in.jaina.post.sastravartasamuccaya.4.2.275) — 1 part ### (2) bhāva abhāva bana jātā hai isa mata kā khaṃḍana ### [4.2.248](https://indike.org/pramana/in.jaina.post.sastravartasamuccaya.4.2.248) nābhāvo bhāvatāṃ yāti śaśaśṛṅge tathāgateḥ bhāvo nābhāvam etīha tadutpattyādidoṣataḥ // ### [4.2.249](https://indike.org/pramana/in.jaina.post.sastravartasamuccaya.4.2.249) sato 'sattve tadutpādas tato nāśo 'pi tasya yat tannaṣṭasya punarbhāvaḥ sadā nāśo na tatsthitiḥ // ### [4.2.250](https://indike.org/pramana/in.jaina.post.sastravartasamuccaya.4.2.250) sa kṣaṇasthitidharmā ced dvitīyādikṣaṇasthitau yujyate hy etad apy asya tathā coktānatikramaḥ // ### [4.2.251](https://indike.org/pramana/in.jaina.post.sastravartasamuccaya.4.2.251) kṣaṇasthitau tadaivāsya nāsthitir yuktyasaṃgateḥ na paścād api sā neti sato 'sattvaṃ vyavasthitam // ### [4.2.252](https://indike.org/pramana/in.jaina.post.sastravartasamuccaya.4.2.252) na tad bhavati cet kiṃ na sadā sattva tad eva yat na bhavaty etad evāsya bhavanaṃ sūrayo viduḥ // ### [4.2.253](https://indike.org/pramana/in.jaina.post.sastravartasamuccaya.4.2.253) kādācitkamado yasmād utpādyasya tad dhruvam tucchatvān nety atucchasyāpy atucchatvāt kathaṃ nanu ? // ### [4.2.254](https://indike.org/pramana/in.jaina.post.sastravartasamuccaya.4.2.254) tadā bhūter iyaṃ tulyā tannivṛtter na tasya kim tucchatāpterna bhāvo 'stu nāsat sat sadasat katham ? // ### [4.2.255](https://indike.org/pramana/in.jaina.post.sastravartasamuccaya.4.2.255) svahetor eva tajjātaṃ tatsvabhāvaṃ yato nanu tadanantarabhāvitvād itaratrāpy adaḥ samam // ### [4.2.256](https://indike.org/pramana/in.jaina.post.sastravartasamuccaya.4.2.256) nāhetorasya bhavanaṃ na tucche tatsvabhāvatā tataḥ kathaṃ nu tadbhāva iti yuktyā kathaṃ samam ? // ### [4.2.257](https://indike.org/pramana/in.jaina.post.sastravartasamuccaya.4.2.257) sa eva bhāvas taddhetus tasyaiva tathāsthiteḥ svanivṛttiḥ svabhāvo 'sya bhāvasyeva tato na kim ? // ### [4.2.258](https://indike.org/pramana/in.jaina.post.sastravartasamuccaya.4.2.258) jñeyatvavat svabhāvo 'pi na cāyukto 'sya tadvidhaḥ tadabhāve na tajjñānaṃ tannivṛtter gatiḥ katham ? // ### [4.2.259](https://indike.org/pramana/in.jaina.post.sastravartasamuccaya.4.2.259) tat tadvidhasvabhāvaṃ yat pratyakṣeṇa tathaiva hi gṛhyate tadgatis tena naitat kvacid aniścayāt // ### [4.2.260](https://indike.org/pramana/in.jaina.post.sastravartasamuccaya.4.2.260) samāropādasau neti gṛhītaṃ tattvatas tu tat yathābhāvagrahāt tasyātiprasaṃgādado 'pyasat // ### [4.2.261](https://indike.org/pramana/in.jaina.post.sastravartasamuccaya.4.2.261) gṛhītaṃ sarvam etena tattvato niścayaḥ punaḥ mitagrahasamāropād iti tattvavyavasthiteḥ // ### [4.2.262](https://indike.org/pramana/in.jaina.post.sastravartasamuccaya.4.2.262) ekatra niścayo 'nyatra niraṃśānubhavād api na tathā pāṭavābhāvād ity apūrvam idaṃ tamaḥ // ### [4.2.263](https://indike.org/pramana/in.jaina.post.sastravartasamuccaya.4.2.263) svabhāvakṣaṇato hy ūrdhvaṃ tucchatā tannivṛttitaḥ nāsāv ekakṣaṇagrāhijñānāt samyag vibhāvyate // ### [4.2.264](https://indike.org/pramana/in.jaina.post.sastravartasamuccaya.4.2.264) tasyāṃ ca nāgṛhītāyāṃ tat tatheti viniścayaḥ na hīndriyam atītādigrāhakaṃ sadbhir iṣyate // ### [4.2.265](https://indike.org/pramana/in.jaina.post.sastravartasamuccaya.4.2.265) ante 'pi darśanaṃ nāsya kapālādigateḥ kvacit na tad eva ghaṭābhāvo bhāvatvena pratītitaḥ // ### [4.2.266](https://indike.org/pramana/in.jaina.post.sastravartasamuccaya.4.2.266) na tadgater gatis tasya pratibandhavivekataḥ tasyaivābhavanatve tu bhāvāvicchedato 'nvayaḥ // ### [4.2.267](https://indike.org/pramana/in.jaina.post.sastravartasamuccaya.4.2.267) tasmād avaśyam eṣṭavyaṃ tad ūrdhvaṃ tuccham eva tat jñeyaṃ sad jñāyate hy etad apareṇāpi yuktimat // ### [4.2.268](https://indike.org/pramana/in.jaina.post.sastravartasamuccaya.4.2.268) notpattyādes tayor aikyaṃ tucchetaraviśeṣataḥ nivṛttibhedataś caiva buddhibhedāc ca bhāvyatām // ### [4.2.269](https://indike.org/pramana/in.jaina.post.sastravartasamuccaya.4.2.269) etenaitat pratikṣiptaṃ yad uktaṃ nyāyamāninā na tatra kiñcid bhavati na bhavaty eva kevalam // ### [4.2.270](https://indike.org/pramana/in.jaina.post.sastravartasamuccaya.4.2.270) bhāve hy eṣa vikalpaḥ syād vidher vastvanurodhataḥ na bhāvo bhavatīty uktam abhāvo bhavatīty api // ### [4.2.271](https://indike.org/pramana/in.jaina.post.sastravartasamuccaya.4.2.271) etenāhetukatve 'pi hy abhūtvā nāśabhāvataḥ sattānāśitvadoṣasya pratyākhyātaṃ prasañjanam // ### [4.2.272](https://indike.org/pramana/in.jaina.post.sastravartasamuccaya.4.2.272) pratikṣiptaṃ ca yat sattā'nāśitvāgo 'nivāritam tuccharūpā tadāsattā bhāvāpternāśitoditā // ### [4.2.273](https://indike.org/pramana/in.jaina.post.sastravartasamuccaya.4.2.273) bhāvasyābhavanaṃ yat tad abhāvabhavanaṃ tu yat tattathādharmake hy uktavikalpo na virudhyate // ### [4.2.274](https://indike.org/pramana/in.jaina.post.sastravartasamuccaya.4.2.274) tad eva na bhavatyetad viruddhamiva lakṣyate tad eva vastusaṃsparśād bhavanapratiṣedhataḥ // ### [4.2.275](https://indike.org/pramana/in.jaina.post.sastravartasamuccaya.4.2.275) sato 'sattvaṃ yataś caivaṃ sarvathā nopapadyate bhāvo nābhāvametīha tataś caitad vyavasthitam // ### [4.2.275.p1](https://indike.org/pramana/in.jaina.post.sastravartasamuccaya.4.2.275.p1) isa mata kā khaṃḍana ## Linked texts (1) - [Pramāṇavārttika (ed. Rāhula Sāṅkṛtyāyana)](https://indike.org/pramana/in.bauddha.sanskrit.darsana.pramana.pramanavarttika*sankrtyayana.3.281) — Sanskrit --- Source: [https://indike.org/pramana/in.jaina.post.sastravartasamuccaya.4.2](https://indike.org/pramana/in.jaina.post.sastravartasamuccaya.4.2) · Pramāṇa