[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Hymns and devotional formulas](https://indike.org/pramana/in.jaina.post.stotra) › [Bappabhaṭṭi's Hymns to the 24 Jinas](https://indike.org/pramana/in.jaina.post.stotra.bappabhatti) › 11.1-10 # Bappabhaṭṭi's Hymns to the 24 Jinas 11.1-10 Caturviṃśatikā (Bappabhaṭṭi) 11.1-10 - **Language:** Sanskrit ### [11.1-10.1](https://indike.org/pramana/in.jaina.post.stotra.bappabhatti.11.1-10.1) " -iti | sūribhūpau sukhena kālaṃ gamayatau dharmaparau anyadā dharmanṛpeṇa prahitaḥ āmannṛpasya pārśve dūta etyāvocat-rājan ! tava vicakṣaṇatayā dharmanṛpaḥ saṃtuṣṭaḥ, punaḥ sa āha-bhavadbhirvayaṃ chalitāḥ, yato bhavadbhyo gṛhamāgatebhyo nāsmābhirmahānalpo'pi satkāraḥ kṛtaḥ | adhunā śṛṇuta-asmadrājye vardhanakuñjaro nāma mahāvādī bauddhadarśano videśādāgatastena saha saṃvādaṃ jighṛkṣuḥ yaḥ ko'pi vo rājye vādī bhavati sa ānīyatām | asmākaṃ bhavadbhiḥ saha ciraṃ vairam | yaḥ ko'pi vādī jayī bhaviṣyati tatprabhuraparasya rājyaṃ grahīṣyati | mama vādinā yadā jitaṃ tadā tvadīyaṃ rājyaṃ mayā grāhyam | yadi tava vādinā jitaṃ tadā madīyaṃ rājyaṃ tvayā grāhyam | ayaṃ paṇaḥ vāgyuddhamevāstu, kiṃ mānavakadarthanena ? | āmenoktam-dūta ! tvayā yaduktaṃ tad dharmeṇa kathāpitaṃ athavā svatuṇḍakaṇḍanimātreṇoktam ? | yadi me tava prabhuḥ saptāṅgaṃ rājyaṃ vāde jite samarpayiṣyati idaṃ satyaṃ tadā vayaṃ vādinamāmantrayāgacchāmaḥ | dūtenoktam-kāraṇavaśāt yudhiṣṭhireṇāpi droṇaparvaṇyasatyaṃ bhāṣitam | matprabhustu kāraṇe'pi na mithyā bhāṣate | āmena dūtaḥ praiṣi, uktadinopari bappabhaṭṭiṃ gṛhītvā ardhapathe uktasthāne agamat | dharmabhūpatirapi vardhanakuñjaraṃ vādīndramādāya tatrājagāma | paramārhaṃśanarendramahākavivākpatināmānaṃ svasevakaṃ sahādāya samāninye | ucitapradeśe āvāsān dāpayāmāsa | tato vādiprativādinau pakṣapratipakṣaparigraheṇa vādamārabhebhāte | sabhyāḥ kautukākṣikṣāḥ paśyanti | dvāvapyasāmānyapratibhau jñau ca | vāde ṣaṇmāsā gatāḥ | dvayormadhye ### [11.1-10.2](https://indike.org/pramana/in.jaina.post.stotra.bappabhatti.11.1-10.2) ko'pi na hārayati, ko'pi na jayate | āmena sūrayaḥ proktāḥ-sarvāṅgarājyakāryāṇāṃ pratyūhaḥ syāt (tasmāt) nirjīyatāmasau śīghram | sūriṇā bhaṇitam-prabhāte nigrahīṣyāmi, mā sma vo bhrāntirabhūt | rātrau sūrīśvareṇa mantraśaktyā maṇḍale hārārdhahāramaṇikuṇḍalamaṇḍitāṅgī dīptāṅgarāgavasanā divyakusumaparimalalulitabhavanodarā bhagavatī bhāratī sākṣādāgatā caturdaśabhiḥ kāvyaiḥ sārdhaśkairdinyaiḥ stutā| devyā uktam-vatsa ! kena kāraṇena smṛtā ? sūrivareṇa bhaṇitam-ṣaṇmāsā vāde lagnāḥ, tathā kuru yathā vāde niruttarībhavati | vāgdevyā gaditam-vatsa ! ahaṃ anena prāk saptabhavānārādhitā, mayā'tra bhave'smai akṣayavacanā guṭikā dattā | tatprabhāvāccakrinnidhidhanamiva nāsya vaco jñāyate | sūriṇoktam-tvaṃ devi ! jainaśāsanavirodhinī yena me jayaśriyaṃ na datse ? | bhāratyūce-vatsa ! jayopāyaṃ bruve, tvayā prātarvādārambhe sarve vadanaśaucaṃ kāraṇīyāḥ pārṣadyāḥ, gaṇḍūpaṃ kurvatastasya vadanācca guṭikā mamecchayā patiṣyati, tadā tvayā jepyati(te), ekaṃ tu yāce-me stuteḥ caturdaśaṃ kāvyaṃ kasyāpyagre na prakāśyam, tatpaṭhane hi mayā dhruvaṃ pratyakṣayā bhāvyam, kiyatāṃ pratyakṣā bhavāmi ? kleśenolam | evamuktvā devī vidyujjhaṅkāralīlayā tirodadhe | sūribhirniśi paramārhaḥ śiṣya eko vākpatirājasamīpe prahiṃtyoditam, yathā sūrayo vadanti-tvaṃ rājan ! vidyānidhiḥ, asmākaṃ lakṣaṇāvatīpurīparicitacaraḥ, tadā'vādīḥ-bhagavan ! nirīhā bhavantaḥ, kāṃ ### [11.1-10.3](https://indike.org/pramana/in.jaina.post.stotra.bappabhatti.11.1-10.3) bhavadbhaktiṃ darśayāmi ? | tadā vayaṃ avocāmaḥ-avasare kāmapi bhaktiṃ kārayiṣyāmaḥ | bhavadbhirbhaṇitaṃ tathā'stu | idānīṃ so'vasaro'tra samāyātaḥ | vākpatinā sūriśiṣyaḥ (bhaṇitaḥ)kiṃ sūrayaḥ samādiśanti me ? ādiṣṭaṃ karavai dhruvam | śiṣyo nyavedayat-rājan ! guravaḥ samādiśanti-prātaḥ dharmāmayoḥ sadaḥsthayoḥ satostvayā vācyaṃ yathā vadanaśaucaṃ vittama bhāratī na prasīdati, tasmād vādiprativādisabhyasabhyeśāḥ sarve śaucaṃ kurvantu, etāvati kṛte bhavatāṃ naḥ sarvasnehaḥ kṛta eva| vākpatinā tadaṅgīkṛtam| śiṣyeṇopaguruṃ gatvā tat saptatijñātaṃ kathitam | tuṣṭā guravaḥ | pratyūṣaṃ udayati bhagavati gabhastimālini lākṣālipta iva prācīmukhe rājānau sabhāyāmāgatām | vākpatinā sarve vadanaśaucaṃ kāritāḥ, bauddhavādīndro'pi, tasya vadanakamalād vigalitā guṭikā patadgrahe, bappabhaṭṭiśiṣyaiḥ patadgraho janaiḥ dūre kāritaḥ| guṭikā sūrīndrasāt jātā| bauddho guṭikāhīnaḥsūriṇā pārthena karṇa iva divyaśaktimukto niḥśaṅkaṃ vākpṛṣṭakairrhatoḥ niruttarīkṛto rāhugrastaścandra iva himānīvilusattarupaṇḍa iva bhṛśaṃ naistejasaṃ bheje| tadā śrībappabhaṭṭernirvaiivādaṃ vādukuñjarakesarīti virudaṃ svaiḥ paraiśca dattam| dharmeṇa saptāṅgaṃ rājyaṃ āmāya dattam | lāhīdaṃ, dharmāddhi rājyaṃ labhate, kā carcā ? āmena gṛhītaṃ, tadā sūriṇā āmaḥ proktaḥ-rājan ! punā rājyaṃ dharmāya dehi mahīdānamidaṃ śobhate ca te| rājasthāpanācāryāśca yūyam | pāramparyeṇa śrīrāmeṇa vanasthenāpi sugrīvavibhīṣaṇau rājīkṛtau | tvamapyaidaṃyugīnanṛpeṣu tattulyaḥ| etadvacanasamakālameva ### [11.1-10.4](https://indike.org/pramana/in.jaina.post.stotra.bappabhatti.11.1-10.4) āmena gāmbhīryādāryadhāgnā dharmāya tadrājyaṃ pratyarpi, sa paridhāpitaḥ | mattā ye dantinaste śataṃ, tuṅgāsturaṅgāḥ sahasraṃ sadrathā (plavāḥ) rathāḥ śataṃ vādinrāṇi iti prādāyi | tataḥ svaṃ svaṃ sthānaṃ gatāḥ sarve| sūribhūpau yaśodhavalitasaptabhuvanau gopagirau mahāvīramavandipātām; tadā sūrikṛtaṃ vīrastavanam- “śānto veṣaḥ śamasukhaphalī”tyādikānyaikadeśamayaṃ, adyāpi saṅghe paṭhyate| saṅghena prabhurvavande tuṣṭuve ca“raverevodayaḥ ślāghyaḥ, ko'nyeṣāmudayagrahaḥ ? na tamāṃsi na tejāṃsi, yasminnabhyudite sati ## Linked texts (2) - [Prabandhakośa](https://indike.org/pramana/in.lit.historical.jaina.prabandhakosa.7.47.1) — Rājaśekhara Sūri, Sanskrit - [Bappabhaṭṭicaritra](https://indike.org/pramana/in.jaina.post.prabandha.prabandha.bappabhatticaritra.2.47.1) — Rājaśēkharasūri, Sanskrit --- Source: [https://indike.org/pramana/in.jaina.post.stotra.bappabhatti.11.1-10](https://indike.org/pramana/in.jaina.post.stotra.bappabhatti.11.1-10) · Pramāṇa