[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Hymns and devotional formulas](https://indike.org/pramana/in.jaina.post.stotra) › [Bappabhaṭṭi's Hymns to the 24 Jinas](https://indike.org/pramana/in.jaina.post.stotra.bappabhatti) › 11.1-11 # Bappabhaṭṭi's Hymns to the 24 Jinas 11.1-11 Caturviṃśatikā (Bappabhaṭṭi) 11.1-11 - **Language:** Sanskrit ### [11.1-11](https://indike.org/pramana/in.jaina.post.stotra.bappabhatti.11.1-11) ” anyadā svaparasamayasūktaiḥ prabodhya rājā prabhubhirmadyamāṃsādisaptavyasananiyamaṃ grāhitaḥ, samyaktvamūlaikādaśavratanirataśca śrāvakaḥ kṛtaḥ| dvādaśaṃ vrataṃ cātithisaṃvibhāgarūpaṃ prathamacaramajinanṛpāṇāṃ niṣiddhaṃ siddhānte ekadā lakṣaṇāvatyāṃ bauddho vardhanakuñjaro dharmanṛpamāha sagadgadam-ahaṃ bappabhaṭṭinā jitastanme na dūṣaṇam | bappabhaṭṭirhi bhāratī nararūpā prajñāmayapiṇḍaḥ gīḥputraḥ, tanna dunoti, tat tu dunoti yat tava sabhyenāsau vākpatirājena sūrikṛtabhedāt mama mukhaśaucopāyena guṭīṃ hārayāmāsa | etāvadabhidhāya sa tāraṃ tāraṃ ruroda, sa nivāritaḥ kṣmāpena rodanāt | uktaṃ ca yena naścirasevako'nekasabharāṅgaṇalabdhajayapratiṣṭho mahāprabandhakaviḥ parābhavituṃ na rocate| kṣamasvedamasyāgaḥ| tato cauddho jopaṃ sthitaḥ itaredyuryaśodharmanāmnā samīpadeśasthena valavatā bhūpena lakṣaṇāvatīmetya raṇe dharmanṛpo vyāpāditaḥ, rājyaṃ jagṛhe | vākpatirapi vandīkṛtaḥ | tena kārāgṛhasthena gauḍavadhasaṃjñaṃ prākṛtaṃ mahākāvyaṃ racayitvā yaśodharmāya rājendrāya darśitam | tena guṇaviśeṣavidā sasatkāraṃ vandimuktaḥ kṣamitaśca (yataḥ) “vidvān sarvatra pūjyate”| tato vākpatirbappabhaṭṭisamīpaṃ gataḥ dvayostayormaitrī pūrvamevāsīt, tadānīṃ viśeṣato'vṛdhat | tena vākpatinā saṃha mahavijayākhyaṃ prākṛtaṃ mahākāvyaṃ baddham, āmāya darśitam | āmo haimaṭaṅkakaṃ lakṣamasmai vya(śi)śriyat “kiyatī pañcasahasrī, kiyatī lakṣā ca koṭirapi kiyatī ? audāryonnatamanasāṃ, ratnavatī vasumatī kiyatī ? - [Previous: 11.1-10.4](https://indike.org/pramana/in.jaina.post.stotra.bappabhatti.11.1-10.4) - [Next: 11.2-2](https://indike.org/pramana/in.jaina.post.stotra.bappabhatti.11.2-2) - [Up: 11](https://indike.org/pramana/in.jaina.post.stotra.bappabhatti.11) ## Linked texts (2) - [Prabandhakośa](https://indike.org/pramana/in.lit.historical.jaina.prabandhakosa.7.48) — Rājaśekhara Sūri, Sanskrit - [Bappabhaṭṭicaritra](https://indike.org/pramana/in.jaina.post.prabandha.prabandha.bappabhatticaritra.2.48) — Rājaśēkharasūri, Sanskrit --- Source: [https://indike.org/pramana/in.jaina.post.stotra.bappabhatti.11.1-11](https://indike.org/pramana/in.jaina.post.stotra.bappabhatti.11.1-11) · Pramāṇa