[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Hymns and devotional formulas](https://indike.org/pramana/in.jaina.post.stotra) › [Bappabhaṭṭi's Hymns to the 24 Jinas](https://indike.org/pramana/in.jaina.post.stotra.bappabhatti) › 8.1 # Bappabhaṭṭi's Hymns to the 24 Jinas 8.1 Caturviṃśatikā (Bappabhaṭṭi) 8.1 - **Language:** Sanskrit ### [8.1](https://indike.org/pramana/in.jaina.post.stotra.bappabhatti.8.1) –druta0 iti śrīśāradāstotraṃ bappabhaṭṭisūribhirviracitam kha-pariśiṣṭam śrībappabhaṭṭisūricaritam gurjaradeśe pāṭalipure jitaśatrurājā rājyaṃ karoti sma | tatra śrīsiddhasenanāmā sūrīṃśvaro'sti sma | sa moḍherakapuramahāsthāne śrīmanmahāvīranamaskārakaraṇāya āgataḥ, śrīmaṃhāvīraṃ natvā tīrthopavāsaṃ kṛtvā cātmārāmarato yoganidrayā sthitaḥ san svapnaṃ dadarśa, yathākeśarikṣiśorako devagṛhopari krīḍati | svapnaṃ labdhvā'jāgarīt | maṅgalyastavanānyapāṭhīt prabhāte ca caityaṃ gataḥ | tatra ṣaḍvārṣiko bāla eko bālāṃśumālisamadyutirājagāma sūriṇā pṛṣṭaḥ-bho armaka ! kastvam ? kuta āgataḥ ? | tenoktam-pañcāladeśe dra(du?)mbāudhīgrāme bappākhyaḥ kṣatriyaḥ, tasya bhaṭṭirnāma sadharmacāriṇī, tayoḥ sūrapālanāmā putro'ham | mattātāsya bahavo bhujavalagaviṃtāḥ saparicchadāḥ śatravaḥ santi, tān sarvān hantuṃ sannahya calannāsam, pitrā niṣiddhaḥ-vatsa ! bālastvaṃ nāsmai karmaṇe pragalbhase, alamudyogena | tato'haṃ kruddhaḥ-kimanena nirabhimānena pitrā'pi, yaḥ svayamarīn na nihanti māmapi ghnantaṃ nivārayati ? apamānena mātāpitarāvanapṛcchyātrāgataḥ | sūriṇā cintitamaho divyaṃ ratnam ! na mānavamātro'yam | "tejasāṃ hi na vayaḥ samīkṣyate" iti vimṛśya bāla ālāpitaḥ-vatsa ! asmākaṃ pārśve tiṣṭha nijagṛhādhikasukhena | bālenoktam-mahān prasādaḥ, (sa) svasthānamānītaḥ, saṅgho dṛṣṭaḥ | tadrūpavilokenena dṛṣṭayastuṣṭiṃ na manyante, pāṭhayitvā vilokitaḥ, ekāhena ślokasahasramadhyagīṣṭa | guravastuṣṭuvuḥ | ratnāni puṇyaprakaraprāpyāni | dhanyā vayam | tena bālakenāpyalpadinairlakṣaṇasāhityādīni bhūyāṃsi śāstrāṇi paryaśīliṣata, tato guravo drambāudhīgrāme jagmuḥ, bālasya pitarau āgatau vandituṃ, gurubhirālāpitau-putrā bhavanti bhūyāṃso'pi, kiṃ taiḥ saṃsārāvakarakṛmibhiḥ ? ayaṃ tu yuvayoḥ putro vradamīhate | dīyatāṃ naḥ, gṛhyatāṃ dharmam(rmaḥ), naṣṭaṃ mṛtaṃ sahanti(nte) hi pitaro nijatanayam, ślāghyo'yaṃ bhavatitīrṣuḥ | pitṛbhyāṃ uktam-bhagavan ! ayameka eva matkulatantuḥ kathaṃ dātuṃ śakyate ? | tāvatā savidhasthena sūrapālena uditam-ahaṃ cāritraṃ gṛhṇāmyeva | yataḥ"sā buddhiḥ pralayaṃ prayātu kuliśaṃ tasmin śrute pātyatāṃ valagantaḥ praviśantu te hutabhuji jvālākarāle guṇāḥ yaiḥ sarvaiḥ śaradindukundaviśadaiḥ prāptairapi prāpyate bhūyo'pyatra purandhrirandhranarakakroḍādhivāsavyathā - [Previous: 7.13](https://indike.org/pramana/in.jaina.post.stotra.bappabhatti.7.13) - [Next: 8.1-2](https://indike.org/pramana/in.jaina.post.stotra.bappabhatti.8.1-2) - [Up: 8](https://indike.org/pramana/in.jaina.post.stotra.bappabhatti.8) ## Linked texts (3) - [Pūrvadhāricaritra](https://indike.org/pramana/in.jaina.post.prabandha.prabandha.purvadharicaritra.13.28) — Sanskrit - [Prabandhakośa](https://indike.org/pramana/in.lit.historical.jaina.prabandhakosa.7.1) — Rājaśekhara Sūri, Sanskrit - [Bappabhaṭṭicaritra](https://indike.org/pramana/in.jaina.post.prabandha.prabandha.bappabhatticaritra.2.1) — Rājaśēkharasūri, Sanskrit --- Source: [https://indike.org/pramana/in.jaina.post.stotra.bappabhatti.8.1](https://indike.org/pramana/in.jaina.post.stotra.bappabhatti.8.1) · Pramāṇa