Pathitasiddhasarasvatastotra (Paṭhitasiddhasārasvatastotra)
पठितसिद्धसारस्वतस्तोत्र
- Language
- Sanskrit
- Date
- 400–1700 CE
- Extent
- 10 passages, 194 words
- Text
- complete digital text
- Source
- sanskritdocuments · sanskritdocuments.org e-text (ITRANS) · sanskritdocuments.org terms: prepared by volunteers for personal study and research; not to be copied or…
Contents
Text
1
vyāptānantasamastalokanikaraiṅkārā samastā sthirā-yārādhyā gurubhirgurorapi gurudevaistu yā vandyate |
devānāmapi devatā vitaratāt vāgdevatā devatā svāhāntaḥ kṣipa oṃ yataḥ stavamukhaṃ yasyāḥ sa mantro vara ||
2
oṃ hrīṃ śrīprathamā prasiddhamahimā santaptacitte hi yā saiṃ aiṃ madhyahitā jagattrayahitā sarvajñanāthāhitā |
śrīm̐ klīm̐ blīm̐ caramā guṇānuparamā jāyeta yasyā ramā vidyaiṣā vaṣaḍindragīḥpatikarī vāṇīṃ stuve tāmaham ||
3
oṃ karṇe ! varakarṇabhūṣitatanuḥ karṇe'tha karṇeśvarī hrīṃsvāhāntapadāṃ samastavipadāṃ chettrī padaṃ sampadām |
saṃsārārṇavatāriṇī vijayate vidyāvadāte śubhe yasyāḥ sā padavī sadā śivapure devīvataṃsīkṛtā ||
4
sarvācāravicāriṇī pratariṇī naurvāgbhavābdhau nṝṇāṃ vīṇāveṇuvarakvaṇātisubhagā duḥkhādrividrāvaṇī |
sā vāṇī pravaṇā mahāguṇagaṇā nyāyapravīṇā'malaṃ śete yastaraṇī raṇīṣu nipuṇā jainī punātu dhruvam ||
5
oṃ hrīṃ bījamukhā vidhūtavimukhā saṃsevitā sanmukhā aiṃ klīm̐ saum̐ sahitā surendramahitā vidvajjanebhyo hitā |
vidyā visphurati sphuṭaṃ hitaratiryasyā viśuddhā matiḥ sā brāhmī jinavaktravajralalane līnā tu līlānu mām ||
6
oṃ arhanmukhapadmavāsini śubhe ! jvālāsahasrāṃśubhe pāpaprakṣayakāriṇi ! śrutadhare ! pāpaṃ dahatyā śubhe |
kṣām̐ kṣīm̐ kṣūm̐ varabījadugdhavale ! vaṃ vaṃ vahaṃ svāvahā śrīvāgdevyamṛtodbhave ! yadi bhave me mānase sā bhave ||
7
haste śarmadapustikāṃ vidadhatī satpātrakaṃ cāparaṃ lokānāṃ sukhadaṃ prabhūtavaradaṃ sajjñānamudraṃ param |
tubhyaṃ bālamṛṇālakandalalasallīlāvilolaṃ karaṃ prakhyātā śrutadevatā vidadhatī sūkṣmaṃ nṛṇāṃ sūnṛtam ! ||
8
haṃso haṃsotigarvaṃ vahati hi vidhṛtā yanmayaiṣā mayaiṣā yantraṃ yantraṃ yadetat sphuṭati sitatarāṃ saiva yakṣāvayakṣā |
sādhvī sādhvī śivāryā pravidhṛtabhuvanā durdharā yā dharāyā devī devījanārthyā ramatu mama sadā mānase mānase sā ||
9
spaṣṭapāṭhaṃ paṭhatyetat dhyānena paṭunāṣṭakam |
ajasraṃ yo janastasya bhavanayuttamasampadaḥ ||
9.p1
iti sādhvīśivāryāviracitaṃ paṭhitasiddhasārasvatastavaḥ sampūrṇaḥ ||