Pramāṇa · Search · About · API

Aindrastuti 2

Aindrastuti 2

Language
Sanskrit

2.1-2

aindravrātanato yathārthavacanaḥ pradhvastadoṣo jagat,
sadyo gītamahodayaḥ śamavatāṃ rājyā'dhikārājitaḥ
ādyastīrthakṛtāṃ karotviha guṇaśreṇīrdadhannābhibhūḥ,
sadyogītamahodayaḥ śama'vatāṃ rājyā'dhikā rājitaḥ

2.2

udbhūtāpratirodhabodhakalitatrailokyabhāvavrajāstīrthe śastaraso mahoditabhayā'kāntāḥ sadā śāpadam
puṣṇantu smaranirjayaprasṛmaraprauḍhapratāpaprathāstīrtheśastarasāmahoditabhayā [:] kāntāḥ sadāśāpadam

2.3

jainendraṃ smaratātivistaranayaṃ nirmāya mithyādṛśāṃ,
saṅgatyāgama'bhaṅgamānasahitaṃ hṛdya'prabhāvita śrutam
mithyātvaṃ haradūrjitaṃ śucikathaṃ pūrṇa padānāṃ mithaḥ,
saṅgatyā gamabhaṅgamānasahitaṃ hṛdyaprabhāḥ ! viśrutam

2.4

yā jāḍyaṃ harate smṛtā'pi bhagavatya'mbhoruhe visphuratsaubhāgyā śrayatāṃ hitā nidadhatī puṇyaprabhāvikrabhau
vāgdevī vitanotu vo jinamataṃ prollāsayantī sadā'sau bhāgyāśrayatāṃ hitāni dadhatī puṇyaprabhāvikramau

2.1-3

iti śrīṛṣabhajinastutiḥ

2.1-4

munitatirapi yaṃ na ruddhamohā,
śamajitamāramadaṃ bhavanditā''pat
bhaja tamiha jayantamā''ptumīśaṃ,
śama'jitamā''rama'dambhaban ! ditāpat

2.2-2

niyattamupagatā bhave labhante,
paramattamohara ! yaṃ bhayā'nidānam
hara rucira ! dadad jinaugha ! taṃ drāk,
paramattamoharayaṃ bhayāni dānam

2.3-2

nayagahanama'tisphuṭānuyogaṃ,
• jinamatamudyatamānasā | dhutāram
jananabhayajihāsayā nirastā• ''ji namata mudyatamānasādhutāram

2.4-2

pavimapi dadhatīha mānasīndrairmahitama'dambhavatāṃ mahādhikāram
dalayatu nivahe surāṅganānāma'hitamadaṃ bhavatāṃ mahādhikā'ram

2.2-3

iti śrīajitajinastutiḥ

2.1-5

śambhava ! sukhaṃ dadat tvaṃ,
bhāvini bhāvāravāravāraṇa ! viśvam
vāsavasamūhamahitā'bhāvinibhā'vā'ravāravā'raṇa ! viśvam

2.2-4

yaddharmaḥ śaṃ bhavināṃ,
santatamuditodito'ditodārakaraḥ
sa jayatu sārvagaṇaḥ śucisantatamudito'ditodito'dārakaraḥ

2.3-3

jainī gīḥ sā jayatānna yayā śamitāmitā mitākṣararucyā
kiṃ santaḥ samayataraṅgayayā śamitāmitāmitākṣararucyā

2.4-3

dalayatu kāñcanakāntirjanatāmahitā hitā hi tārā''gamadā
iha vajraśṛṅkhalā durjanatāma'hitāhitāhitārāgamadā

2.3-4

iti śrīsambhavajinastutiḥ

2.1-6

tvamabhinandana ! divyagirā nirākṛtasabhājanasādhvasa ! hāribhiḥ
ahatadhairya ! guṇairjaya rājitaḥ,
kṛtasabhājana ! sādhvasahāribhiḥ

2.2-5

bhagavatāṃ jananasya jayannihā''śu bhavatāṃ tanutāṃ paramutkaraḥ
trijagatīduritopaśame paṭuḥ,
śubhravatāṃ tanutāṃ paramutkaraḥ

2.3-5

tridivamicchati yaścaturaḥ sphuratsurasamūhama'yaṃ matama'rhatām
smaratu cāru dadat padamuccakaiḥ,
surasamūhamayaṃ matamarhatām

2.4-4

dhṛtasakāṇḍadhanurghatu tejasā,
na rahitā sadayā rucirājitā
madahitāni parairiha rohiṇī,
narahitā sadayā rucirā'jitā

2.4-5

iti śrīabhinandanajinastutiḥ

2.1-7

nama namadamarasadamarasasumatiṃ sumatiṃ sadasadaramudāramudā
janitājanitāpadapadavibhavaṃ vibhavaṃ nara ! narakāntaṃ kāntam

2.2-6

bhavabhavabhayadā'bhayadāvalī balīyodayodayā'māyāmā
dadyādadyā'mitamitaśamā śamādiṣṭadiṣṭabījā'bījā

2.3-6

damadama'sugamaṃ sugamaṃ,
sadā sadānandanaṃ dayāvidyāvid
parama'parama'smara ! smara,
mahāmahā dhīradhī rasamayaṃ samayam

2.4-6

kālī kālīra'sarasabhāvābhāvāya nayanasukhadā'sukhadā
mahimahitanutā tanutāditāditāmānamānarucyā rucyā

2.1-8

padmaprameśa ! tava yasya rucirmate sadviśvāsamānasadyāpara ! bhāvi tasya
noccaiḥpadaṃ kimu pacelimapuṇyasampad,
viśvāsamāna ! sadayā'para ! bhāvitasya

2.2-7

mūrttiḥ śamasya dadhatī kimu yā paṭūni,
puṇyāni kācana sabhāsu rarāja navyā
sā stūyatāṃ bhagavatāṃ vitatiḥ svabhaktyā,
puṇyā'nikācana ! sabhā surarājanavyā

2.3-7

lipsuḥ padaṃ parigatairvinayena jainīṃ,
vācaṃ yamaiḥ satatamañcatu rocitārthām
syādvādamudritakutīrthanayāvatārāṃ,
vācaṃyamaiḥ satata maṃ caturocitārthām

2.4-7

sāhāyyamatra kuruṣe śivasādhane yā'pātā mudā rasamayasya nirantarāye !
gāndhāri ! vajramuśale jagatīṃ tavā'syāḥ,
pātāmudārasamayasya nirantarāye !

2.6

iti śrīpadmaprabhastutiḥ

Linked texts (4)