Aindrastuti 23

Language: Sanskrit

23.1

tvaṃ yenākṣatadhīrimā guṇanidhiḥ premṇā vitanvan sadā,
neme'kāntamahāmanā vilasatāṃ rājīmatīrāgataḥ
kuryāstasya śivaṃ śivāṅgaja ! bhavāmbhodhī na saubhāgyabhāg,
neme ! kāntamahāma'nāvila ! satāṃ rājīmatīrāgataḥ

23.2

jīyāsurjinapuṅgavā jagati te rājyarddhiṣu prollasaddhāmānekaparājitāsu vibhayāsannābhirāmoditāḥ
yodhālibhiruditvarā na gaṇitā yaiḥ sphātayaḥ prasphuraddhāmānekaparājitāsu vibhayā sannābhirāmoditāḥ

23.3

yā gaṅgeva janasya paṅkamakhilaṃ pūtā haratyañjasā,
bhāratyā''gamasaṅgatā nayatatā'māyācitā sā'dhunā
adhyetuṃ gurusannidhau matimatā kartuṃ satāṃ janmabhībhāratyāgama'saṅgatā na yatatāmā''yācitā sādhunā

23.4

vyoma sphāravimānatūraninadaiḥ śrīnemibhaktaṃ janaṃ,
pratyakṣāmarasālapādaparatāṃ vācālayantī hitam
dadyānnityamitā''mralumbilatikāvibhrājihastā'hitaṃ
pratyakṣāmarasālapādaparatā'mbā cālayantīhitam

23.1-2

saudhe saudhe rase sve rucirarucirayā hārilekhārilekhā,
pāyaṃ pāyaṃ nirastāghanayaghanayaśo yasya nāthasya nā'tha
pārśva pārśvaṃ tamodrau tama'hṛtamahama'kṣobhajālaṃ bhajā'laṃ, '
kāmaṃ kāmaṃ jayantaṃ madhuramadhuramābhājanatvaṃ jana ! tvam

23.1-3

tīrthe tīrtheśarājī bhavatu bhaghatuda'stārimīmārimīmālīkāḷīkālakūṭa'kalitakalitayollāsasamūhe samūhe
yā māyāmānahartrī bhavavibhavavidāṃ dattaviśvāsaviśvānāśānāsāmiśaṅkā vimadavimadanatrāsamohā'samohā 2
gaurā gaurātikīrteḥ paramaparamatahāsaviśvāsaviśvā''deyā deyānmudaṃ me janitajanitanūbhāvatārāvatārā
yā māyāmānahartrī bhavavibhavavidāṃ dattaviśvāsaviśvānāptānāptāmiśaṅkā vimadavimadanatrāsamohā'samohā 2
gaurāgaurātikīrteḥ paramaparamatahāsaviśvāsaviśvā''deyā deyānmudaṃ me janitajanitanūbhāvatārāvatārā
munijananikaraścaratre pavitre parikṣīṇakarmā sphurajjñānabhāk siddhaśarmāṇi lebhetarāmuditavibhavasannidhāne'samohasya siddhārthanāmakṣamābhṛtkumārā'paheyasya cā''cārataḥ

23.2-2

nayakamalavikāsane kā surī vismayasmeranetrā'jani prauḍhabhāmaṇḍalasya kṣatadhvānta ! he !,
na tava ravibhayā samānasya rucya'ṅgahārāhite'pārijātasya bhāsvan ! mahe lāsyabhārocite
kanakarajataratnaśālatraye deśanāṃ tanvato
dhvastasaṃsāra ! tīrtheśavāra ! dyusaddhoraṇīnata ! vara ! vibhayāsamānasa rucyaṅgahārā
hite pārijātasya bhāsvanmahelāsyabhārocite

23.3-2

vacanamucitamarhataḥ saṃśraya śreyase prīṇayad
bhavya ! bhīme dadhad dhvastatāpaṃ bhavāmbhonidhau,
paramataraṇahetulābhaṃ gurāvā''ryamānanditā'pāyaśo bhāvato bhāsamānasya mārājitam
dalitajagar̤hasaṅgrahaṃ hetudṛṣṭāntaniṣpiṣṭasandehasandohamadroha ! nirmoha ! niḥśeṣitāparamataraṇa ! he'tulābhaṅgurāvāryamānaṃ ditāpāya ! śobhāvato bhāsamānasra mārājitam

23.4-2

ahamahamikayā samārāddhumutkaṇṭhitāyāḥ
kṣaṇe vāṅmayasvāminī śaktimahāya dadyāttarāṃ,
sakalakalaśatā ramārājitā pāpahāne
kalābhā sthitā'sadvipakṣe'marāleravāryā gamam
dadhatamiha satāṃ diśantī sadaiṅkāravisphārasārasvatadhyānadṛṣṭā svayaṃ maṅgalaṃ tanvatī,
sakalakalaśatāramārājitāpāpahā'nekalābhāsthitā sadvipakṣe marāle ravāryāṅgamam

23.24

iti śrīmahāvīrajinastutiḥ

Linked texts (3)

Endrastuti — Yaśovijaya, Sanskrit
Caturviṃśatikāstotra — Sanskrit
Stuticaturviṃśatikā (Śobhana) — Śobhana, Sanskrit