Aindrastuti 24
Aindrastuti 24
- Language
- Sanskrit
Contents
- 24.13 — 1 part
24.1
atha mūlapraśastiḥ
yasyāsan guravo'tra jītavijayaprājñāḥ prakṛṣṭāyā,
bhrājante sanayā nayādivijayaprājñāśca vidyāṃpradāḥ
premṇāṃ yasya ca saṅga padmavijayo jātaḥ sudhīḥ sodaraḥ,
so'yaṃ nyāyaviśāradaḥ sma tanute vijñaḥ stutīrarhatām
24.2
kṛtvā stutisrajamimāṃ, yadavāpi śubhāśayānmayā kuśalam
tena mama janmabīje, rāgadveṣau vilīyetām
24.3
mūlagraṃthāgraṃ-210
raṅganmaṅgalavṛttagītavijitānaṅgaprasaṅgaprathā
śreyaḥsaṅgabhṛdaṅgajaṅgamajagatkalpadrumastuṅgadhīḥ
durvyāsaṅgamattaṅgajavrajaharirnirbhaṅgasaubhāgyabhūḥ,
sa śrīmattapagacchamaṇḍanamabhūt śrīhīrasūrīśvaraḥ
24.4
tatpaṭṭaprathitaprabhutvanalinaprotlāsane bhāskaraḥ,
sūriśrīvijayādisenasugururvabhrāja rājastutaḥ
mohorājasabhātmake vilasitāṃ pratyarthikīrttisphuradūrvāprāsaparāṃ sma nityamiha yo gāṃ dogdhi dugdhaṃ yaśaḥ
24.5
tatpaṭṭaprabhuvālatājaholder: śiṣṭapriyo dyotate,
sūriśrīvijayādidevasugururmāhātmyalīlāgṛham
yasyā''cāmlapayaḥplute'pi hṛdaye citraṃ tadudvīkṣyate,
nābhūd yajja....tānapaṅkasahitā yacca kṣamā vartate
24.6
tatpaṭṭaprabhutaikakārmmaṇaguṇagrāmābhirāmākṛtiḥ,
sūriśrīvijayādisiṃhasugururjāgartti dhāmādhikaḥ
gaṅgāto yamunā vidhośca na bhidāṃ rāhurgataḥ sarvataḥ,
śubhre yasya yaśobhare prasṛmare śyāmā triyāmā'pi na
24.7
itaścagacche svacchatare teṣāṃ, paripāṭyopatasthuṣām
kavīnāmanubhāvena, navīnāṃ racanāṃ vyadhām
24.8
tathāhilāvaṇyaikamayī tanurnanu mukhe jihvā ca vidyāmayī,
kīrttiḥ sphūrttimayī matirdhṛtimayī yeṣāṃ kathā cinmayī
mūrtirbhāgyamayī sthitirnayamayī śobhāmayī saṅgatiḥ,
śrīkalyāṇavirājamānavijayāste vācakendrā babhuḥ
24.9
haimavyākaraṇaṃ dadhīva niyataṃ vyāloḍya buddhyā tathā,
yaiḥ sphītaṃ navanītamaddhṛtamaho ! śītāṃśuśubhraṃ yaśaḥ
te sārasvatasārasaṃgraharahaḥkrīḍānibaddhādarāḥ,
śrīlābhād vijayābhidhānavibudhā bhejuḥ prabhutvaṃ param
24.12
tannābhyāsanavāṅkuraḥ padavidhivyutpattisatpallavaḥ,
kāvyālaṅkṛtipuṣpitaḥ pariṇatīrānvīkṣikīhetubhiḥ
yeṣāṃ drāg mayi nandane'tra phalihaḥ kāruṇyakalpadrumaste vijñāḥ sma jayanti jītavijayāḥ kalyāṇakandāmbudāḥ 10
māmadhyāpayituṃ sadā''sanasamadhyāsīnakāśīmahāsannāśīriratiyogadurjayaparattāsī yadīyaḥ śramaḥ
āsīccinnaṛdinduśubhrayaśaso dāsīkṛtakṣmābhujo
nollāsī bhuvi tān nayādivijayaprājñānupāsīnna kaḥ ? 11
etaddattanideśapeśalalasatprācīnapuṇyodayādācīrṇocitasatpravandharacanālambhecchamudyacchatā
vyutpattyai viduṣāṃ sphuṭaṃ vivaraṇaṃ cakre stutīnāmadastatpādāmbujasevakena yatinā sāhityasindhoḥ supā
24.13
sūryācandramasau yāvaduddyete nabhastale
tāvannandatvayaṃ grantho, vācyamāno vicakṣaṇaiḥ
24.13.p1
samāpteyaṃ svopajñavivaraṇayutā aindrastutiścaturthikā
Linked texts (3)
- Endrastuti — Yaśovijaya, Sanskrit
- Caturviṃśatikāstotra — Sanskrit
- Stuticaturviṃśatikā (Śobhana) — Śobhana, Sanskrit