Aindrastuti 3

Language: Sanskrit

3.1

yadiha jina ! supārśva ! tvaṃ nirastākṛtakṣmāvanamada ! suravādhā hṛdyaśobhā'vatāram
tata uditamajasraṃ kairbudhairgīyate nā'ghanamadasura ! bādhāhṛd ! yaśo bhāvatāram

3.2

jagati śivasukhaṃ ye kāntibhirbhāsayanto'duritamadaratāpadhyānakāntāḥ sadā''śāḥ
jinavaravṛṣabhāste nāśayantu pravṛddhaṃ,
duritama'daratāpadhyānakāntāḥ sadāśāḥ

3.3

munitatirapaṭhad yaṃ varjayantī hatodyattamasama'hitadā'trāsā''dhimā''nditā'ram
samayamiha bhajā''ptenoktamuccairdadhānaṃ
tama'sama | hitadātrā sādhimānaṃ ditāram

3.4

avatu kariṇi yātā sā'rhatāṃ prauḍhabhaktyā,
muditamakalitāpāyā mahāmānasī mām
vahati yudhi nihatyā'nīkacakraṃ ripūṇāmuditamakalitāpā yā mahāmānasīmām

3.1-2

tubhyaṃ candraprabha ! bhavabhayād rakṣate lekhalekhānantavyā'pāpamadamahate ! san ! namo'hāsamāya !
śreyaḥśreṇīṃ bhṛśama'sumatāṃ tanvate dhvastakāmānantavyāpā'pamada ! mahate sannamohā'samāya

3.2-2

śreyo dattāṃ caraṇaviluṭhannamabhūpālabhūyomuktāmālā'samadamahitā bodhidānā'ma'hīnā
mohāpohāduditaparamajyotiṣāṃ kṛtsnadoṣairmuktāmālā'samadamahitā vo'ghidānā''mahīnā

3.3-2

raṅgadbhaṅgaḥ sphuṭanayamayastīrthanāthena cūlāmālāpīnaḥ śamadamavatā'saṅgatopāyahṛdyaḥ
siddhānto'yaṃ bhavatu gaditaḥ śreyase bhaktibhājā' mā''lāpī naḥ śamadamavatā saṅgato'pāyahṛdyaḥ

3.4-2

sā tvaṃ vajrāṅkuśi ! jaya munau bhūribhaktiḥ susiddhaprāṇāyāme'śuci matima'tāpā''padantā'valānām
datse vajrāṅkuśabhṛda'niśaṃ darpahantrī pradattaprāṇā yā me śucimatimattā pāpadāntāvalānām

3.8

iti śrīcandraprabhajinastutiḥ

Linked texts (3)

Endrastuti — Yaśovijaya, Sanskrit
Stuticaturviṃśatikā (Śobhana) — Śobhana, Sanskrit
Caturviṃśatikāstotra — Sanskrit