Kalpah 2.1.5

Kalpaḥ 2.1.5

Language: Sanskrit

2.1.5.1

cāturmāsyaprayogaḥ phālgunyām 1 vaiśvānarapārjanyau nirūpyecchan 2 vaiśvānaro dvādaśakapālaścaruruttaraḥ 3 vaiśvadevaparvan āgneyaḥ saumyaścaruḥ sāvitro dvādaśakapālo'ṣṭākapālo vā sārasvataścaruḥ pauṣṇaścaruḥ prapiṣṭānām 4 dvidevato'pi niyamasāmarthyāt 5 arddhapiṣṭaṃ vobhayasāmarthyāt 6 saumāpauṣṇadarśanācca 7 apiṣṭo vā devatā'nyatvāt 8 saumāpauṣṇe vacanāt 9 etāni sarvatra 10 marudbhyaḥ svatavadbhyaḥ saptakapālaḥ 11 maruto vā 12 vaiśvadevī payasyā 13 dyāvāpṛthivīya ekakapālaḥ 14 etadvaiśvadevam 15 prācīnapravaṇe 16 ahatavāsāḥ patnī ca 17 ta eva varuṇapraghāseṣvapi 18 tredhā barhiḥ sannahya punarekadhā 19 kuśaprasvaḥ prastara upasannaddha 20 āsādyā'gnimanthanam 21 agnerjanitramiti śakalamādāya tūṣṇīṃ vedyāṃ karoti 22 vṛṣaṇāviti kuśataruṇe tasmin 23 urvaśyasītyadharāraṇiṃ tayoḥ 24 āyurasītyuttarayā'jyasthālīṃ saṃspṛśya pururavā ityabhinidhānaṃ tayā 25 1 5.1

2.1.5.2

agnaye mathyamānāyā'nuvācayati 1 manthati gāyatreṇeti pratimantraṃ triḥ pradakṣiṇam 2 jāte jātāyeti 3 prahiriyamāṇāyeti prāsyan 4 bhavatanna iti prāsyati 5 agnāvagniriti juhoti sthālyāḥ sruveṇa 6 navaprayājaṃ navā'nuyājam 7 varuṇapraghāsā mahāhaviśca 8 trīṇi samiṣṭayajūṃṣi juhoti devā gātuvido yajña yajñameṣa ta iti 9 paśau ca 10 yām̐ āvaha iti vā paśau 11 ekaṃ vā vaiśvadeve 12 pavasaṃsthāsu vapanaṃ vā prāgantyāt 13 apareṇa dakṣiṇāgniṃ dakṣiṇaṃ godānamundati savitrā prasūtā daivyā āpa undantu te tanūṃ dīrghāyutvāya varcasa iti 14 tr! yeṇyā śalalyā vinīya trīṇi kuśataruṇānyantardadhātyoṣadha iti 15 tr! yāyuṣamiti yajamāno japati 16 śivo nāmeti lohakṣuramādāya nivarttayāmīti vapati 17 evaṃ paścāduttarataśca 18 gṛheṣu paurṇamāsaṃ samārūḍhanirmathitayostathā cet 19 prajākāmasyā'pi vaiśvadevam 20 eke'dhaḥprāṅśāyī madhvāśyṛtujāyopāyī 21 māṃsa-str! yanṛtāni varjayedudakābhyavāyaṃ ca prāgavabhṛthāt 22 2 5.2

2.1.5.3

varuṇapraghāsaparvan

2.1.5.4

āṣāḍhyāmayante yoniriti samārohyodavasāya nirmathya varuṇapraghāsāḥ 1 pūrvedyurdakṣiṇāgnau nistuṣā'mabhṛṣṭayavānāṃ karambhapātrakaraṇam 2 yāvanto yajamānagṛhyā ekādhikāni 3 prajāyāṃ vā jātaśruteḥ 4 trīṇi vā nityatvāt 5 meṣamithunaṃ ca 6 anaiḍakīrūrṇāḥ prakṣālyā'śleṣayettayoḥ 7 kuśorṇā vā'bhāve 8 āhavanīyasya purastātvedī karoti 9 prādeśo'ntarā pṛtho vā 10 rathamātr! yuttarā 11 caturaratnirvā paścāt sapta prācī ṣaḍ vā trayaḥ purastāt 12 teṣāṃ madhye śaṅkuḥ 13 aparimitā vā 14 sphyādyāsammarśanātkaroti 15 ubhayoreka utkaraḥ 16 apareṇa vediṃ pratiprasthātuḥ sañcaraḥ 17 uttaravediṃ nivapatyuttarasyām 18 śamyāmādāya cātvālaṃ mimīte pūrveṇotkaraṃ sañcaraṃ parihāpya 19 śamyāmudīcīṃ nidadhāti purastācca 20 dakṣiṇataḥ prācīmuttaraśca 21 sphyenā'ntarlikhati taptāyanīti pratimantram 22 vidade'gniriti cātvāle praharati sphyenā'nvārabdhe 23 agre aṅgira iti purīṣaṃ harati hastena ca 24 yo'syāmiti nivapati pūrvārddhe śaṅkusahitam 25 agnīdutkaravattūṣṇīṃ hṛtam 26 evaṃ dviraparaṃ dvitīyasyāṃ tṛtīyasyāmiti viśeṣaḥ 27 anutveti caturthaṃ yathārthamāhṛtya siṃhyasi iti vyūhatyuttaravedim 28 śamyāmātrīṃ vitṛtīyāmaparimitāṃ yugamātrīṃ yajamāna-daśapadyāṃ vā 29 some vottare vyapasphuraṇaśruterasambhavācca 30 madhye nābhiṃ karoti prādeśasamāṃ catuḥsraktim 31 prokṣatyuttaravediṃ sikatāśca prakirati siṃhyasi iti pratimantram 32 3 5.3

2.1.5.5

channā vasati 1 prātaḥ pañcagṛhītaṃ gṛhītvā'gnī praṇayatīdhmābhyāmupayamya 2 sarvaṃ vā vibhajya prākṛtatvāt 3 praṇayanaṃ somādvācyatvāt 4 prakṛte-rvā'nāmatvāt 5 grahaṇaṃ guṇārthamuttaravedyagnividhānāt 6 ājyaprokṣa-ṇīrudyamyā'gnī cā'hā'gnibhyāṃ prahriyamāṇābhyāmanubrūhi ekasphyayā-'nūdehīti 7 triruktāyāṃ yathāvedi haraṇam 8 pratiprasthātā sphyena likhatyāvediśroṇeruttavedervā 9 vedyantare sthitvodaṅṅuttaravediṃ prokṣa-tīndra ghoṣastveti pratimantraṃ pratidiśaṃ . yathāliṅgam 10 dakṣiṇāṃsasahitaṃ bahirvedi śeṣaṃ niṣiñcatīdamahaṃ taptaṃ vārityamumabhicaran 11 nābhyāḥ śroṇyaṃseṣu pañcagṛhītaṃ juhotyakṣṇayā dakṣiṇe'seṃ! śroṇyāṃ śroṇyāmaṃse madhye ca hiraṇyaṃ paśyansiṃhyasīti pratimantram 12 bhūtebhyastveti srucamudyacchati 13 nābhiṃ paitudāravaiḥ paridadhāti pūrvavad dhruvo'si iti pratimantram 14 agneḥ purīṣamiti nivapati guggulusugandhitejanavṛṣṇestukāścopari śīrṣaṇyā abhāve'nyāḥ 15 teṣvagniṃ nidadhāti 16 uddhatāvokṣite dakṣiṇam 17 upayamanīrupanivapati 18 praṇītādyataḥ 19 vratopāyanaṃ vā'kṛtaṃ cet 20 nityebhyo'dhikānyaindrā gnaḥ payasye vāruṇī mārutī kāya ekakapālaḥ 21 nānā''jyanirvapaṇam 22 dakṣiṇaṃ pratiprasthātuḥ 23 dhruvāyāḥ purastā-tpṛṣadājyamājyaṃ dadhimiśraṃ pañcagṛhītaṃ jyotirasīti samidantena 24 anuyājārthaṃ sarvatra 25 aupabhṛtāsādanam 26 priyeṇa dhāmneti vā'vi-śeṣopadeśāt 27 uttaraṃ vā'parakālaparatvāt 28 pratiprasthātā ca 29 na vā 30 praṇītāpatnīsannahanā'gnimanthanā''śrutapratyāśrutapraiṣayajamāna-vācanahotṛṣadanavaraṇaprāśitrā'ṅguliparvāñjanā'vāntareḍābhāgā'parāgnyavabhṛthānna pratiprasthātā 31 kṛtānukaro'nyatra dakṣiṇasyām 32 4 5.4

2.1.5.6

vājine niṣicya 1 ubhayoḥ karīrānyāvapati śamīpalāśamiśrāṇi . meṣamithunaṃ ca 2 mārutyāṃ meṣam 3 sarvāṇi havīṃṣyuttarasyāmāsādayati mārutīṃ sahājyāṃ pratiprasthātā dakṣiṇasyām 4 sammārjanāya preṣite'sagmṛṣṭe pratiprasthātā patnīmāneṣyannāha kena carasīti 5 saṃstutānācaṣṭe 6 tṛṇāni vodgṛhṇāti pratisaṃstutam 7 anākhyātamahitaṃ jñātibhya iti śruteḥ 8 ākhyāte praghāsina ityenāṃ vācayati nayan 9 karambhapātrāṇi juhoti śūrpeṇa mūrddhani kṛtvā dakṣiṇe'gnau pratyaṅmukhī jāyāpatī vā dakṣiṇenā'hṛtya tīrthena pūrveṇa vedimaparena vā yad grāma iti 10 moṣūṇa iti yajamāno japati 11 akrankarmetyenāṃ vācayati pratinayan 12 āgate sammārjanādyājyabhāgābhyām 13 srukpāṇirāste pratiprasthātā 14 havirbhiścarati 15 payasyāpracaraṇakāle meṣau vyatiharataḥ 16 anyatareṇā'vadānena saha meṣam 17 savyena srucau gṛhītvā pratiprasthāturvāso dakṣiṇena marudbhyo'nuvācayati 18 vāruṇī-vadavadānam 19 havirbhiścarata ubhau sviṣṭakṛtprabhṛti 20 iḍāmavadāya pratiprasthātre 21 tatra pratiprasthātā mārutyāḥ 22 srucau vyūhato'dhvaryū 23 samāsicya vājinabhakṣaḥ 24 adhvaryuvikārātpratisthātā bhakṣeṣu 25 maitrāvaruṇaśca hotradhvaryuvikārāt 26 samiṣṭayajūṃṣi tūṣṇīṃ dakṣiṇasyām 27 vāruṇīniṣkāṣeṇā'vabhṛtham 28 tūṣṇīmetya'bhyavetya majjayatyavabhṛtheti 29 jāyāpatī snāto'majjantau 30 anyo'nyasya pṛṣṭhe dhāvataḥ 31 anye vāsasī paridadhāti 32 pūrve dadyādadhikṛtebhyo yasmā icchet 33 yathetametyā-'havanīye samidādhānaṃ devānāṃ samidasīti 34 patnī ca gārhapatye tūṣṇīm 35 dhenurdakṣiṇā'śvaḥ ṣaḍ vā daśa vā 36

2.1.5.7

sākameśvaparvan

2.1.5.8

kārtikyāṃ sākamedhā dvyaham 1 pūrvedyuḥ pūrvāhṇe'gnaye'nīkavate puroḍāśaḥ 2 marudbhyaḥ sāntapanebhyo madhyandine caruḥ 3 samiṣṭayajurantaṃ bhavati 4 barhiranupraharaṇavarjaṃ vā 5 idhmasthāne śakalaparidhi nidhāya marudbhyo gṛha-medhibhyaḥ sāyaṃ caruḥ payasi 6 sānnāyyavat 7 tūṣṇīṃ vā 8 ekacodanācca 9 śrapayitvā'bhighāryodvāsya śarāvayoruddharati pātr! yorvā 10 āsecane madhye kṛtvā sarpirāsiñcatyājyārtham 11 yāvaduktamataḥ 12 staraṇayajuṣā vedimabhimṛśya tūṣṇīṃ vā kṛtatvātparidhiparidhānam 13 śakalānyādhāya matyoddhṛtāvāsādayati 14 sruksruvaṃ ca sammārṣṭyanudvāsya vā sammārjanam 15 ājyabhāgābhyāṃ caratyāgneyaṃ dakṣiṇātsaumyamuttarāt 16 gṛhamedhisviṣṭakṛtau cā'jyabhāgavatsamāvadānau 17 apratyabhighāraṇaṃ ca 18 anuddhṛtya vā sahitamājyamadhiśrayati 19 udvāsyobhayamāsādayati 20 na prāśitramiḍāntaṃ bhavati 21 pūrve mārjanamupahūya 22 prāśnanti yuktāḥ 23 yajamānagṛhyā havirucchiṣṭāśā ṛtvijo brāhmaṇāścā'nye bahuścet 24 ariktāṃ sthālīṃ nidadhāti 25 sāntapanīyāṃ saṃsthāpya 26 prātarvā śeṣabhāvāt 27 mātṛbhirvatsāntsaṃsṛjya nivānyā vatsaṃ badhnāti 28 yavāgvā'gnihotrahomaḥ 29 prātarhutvā'hutvā vā sthālyā darvyādatte pūrṇā darvīti 30 ṛṣabhā'hvayitavai brūyāt 31 rute juhoti 32 avyāharati brahmā juhudhītyāha 33 dehi ma iti juhoti 34 ṛṣabho dakṣiṇā 35 6 5.6

2.1.5.9

marudbhyaḥ krīḍibhyaḥ saptakapālaḥ 1 adityai caruranyatrā'pi 2 samānabarhiṣī vā kālakarmaikatvāt 3 mahāhavirudavasāya nirmathya 4 pūrvedyurvā 5 nityebhyo'dhikānyaidrā gnau māhendra ścarurvaiśvakarmaṇa ekakapālaḥ 6 uttaravedya-gnipraṇayanamanthanapṛṣadājyaṃ ca varuṇapraghāsavat 7 ṛṣabho dakṣiṇā 8

2.1.5.10

pitryeṣṭiḥ

2.1.5.11

pitṛyajña upāṃśu caraṇam 1 purastādupacāraḥ 2 brahmayajamānayośca 3 pūrvavadvā 4 apatnīkaḥ 5 dakṣiṇāgnirāhavanīyavat 6 pūrveṇā'havanīyaṃ praṇītāḥ pariharati 7 arthavacca 8 pitṛbhyaḥ somavadbhyaḥ ṣaṭkapālaḥ 9 somāya vā pitṛmate 10 pitṛbhyo barhiṣadbhyo dhānāḥ 11 pitṛbhyo'gniṣvāttebhyo manthaḥ 12 caturvā grahaṇam 13 gārhapatyasya purastādavahananapeṣaṇe 14 dakṣiṇārddhe kapālopadhānam 15 dhānābharjanaṃ dakṣiṇāgnau 16 śrapaṇaviparyāse'pi dharmāḥ 17 abhimṛśyā'rdhāḥ piṣṭvā nivānyā dugdhe sakṛnmathita ekaśalākayā manthaḥ 18 agrahaṇaṃ manthasya tato'rddhāḥ piṃṣantīti śruteḥ 19 grahaṇaṃ vā coditatvāt 20 dakṣiṇena dakṣiṇāgniṃ parivṛtamudagdvāraṃ tanmadhye vediṃ karotyavāntara-diksraktimāpyānte 21 dakṣiṇāgniṃ madhye'syāḥ karoti 22 praṇītā'nuharaṇaṃ brahmayajamānau cā'nugacchataḥ 23 sphyā'dānādi karoti 24 yajñopa-vītyājyagrahaṇe 25 dvirvopabhṛti 26 prāggranthi barhiḥ 27 visraṃsya yūnaṃ cā'gre gṛhītvā triḥ stṛṇannagniṃ paryeti 28 prastaramātraṃ śiṣṭvā tāvatpratiparyeti 29 taṃ stṛṇātyavidhṛtim 30 prāksaṃsthaṃ havirāsādanam 31 sāmi-dhenīpraiṣādyājyabhāgābhyāṃ yajñopavītinaḥ sarve 32 paścātparīto brahmayajamānau purastādagnīt 33 āśrāvya sīda hotarityeva brūyāt 34 apabarhiṣaḥ prayājā anuyājāśca 35 asamānayanaṃ vā barhiḥsaṃyogāt 36 8 5.8

2.1.5.12

pratyagatītya juhoti 1 havirbhiścarantaḥ prativiparyanti 2 sarvebhyo'vadyati yathāpūvaṃ somavadbhyo madhyātsakṛtsakṛtsahāvadadhāti 3 dvirabhighāraṇa-manatikramaṇaṃ ca 4 somāya vā pitṛmate 5 evaṃ barhiṣadbhya uttarato dhānāmanthapuroḍāśānām 6 agniṣvāttebhyo dakṣiṇato manthapuroḍāśa-dhānānām 7 purastādagnaye kavyavāhanāya yathāpūrvaṃ sa sviṣṭakṛt 8 oṃ svadhetyastu svadheti vā'śrutapratyāśrute svadhā nama iti vaṣaṭkāraḥ 9 manthamupahūya hotā'dhvaryurbrahmā'gnīdavaghrāyaṃ nidadhāti 10 prāśitramavadāya iḍāṃ vā sarve prāśnanti 11 vediṃ triḥ pariṣiñcatyudapātreṇā'dhvaryuryajamāno vā 12 sraktiṣu pitravanejanaṃ pariṣicya pūrvavaduttarāparasyāṃ prathamam 13 savye samavadāya sarvebhyo yathāvaniktaṃ piṇḍāndadātyasāvetatta iti 14 uttarapūrvasyāṃ pāṇī nimṛṣṭe'tra pitara iti 15 yajñopavītinaḥ sarve niṣkramyodañco'kṣannamīmadantetyāhavanīyamupatiṣṭhate 16 mano nvāhvāmaha iti gārhapatyaṃ tisṛbhiḥ 17 prācīnāvītī praviśya amīmadanteti dātā japati 18 avanejya pūrvavatpradakṣiṇam 19 nīvīṃ visraṃsya namo va ityañjaliṃ karoti ṣaḍ vā namaskārān 20 gṛhānnaḥ pitaro datta iti ca 21 brahmā''mantraṇādi prāksrugvyūhanātprayājavat 22 yajñopavītiviparyayam 23 na prastaramādatte 24 anupraharetyukte na kiñcanā'nupraharati 25tūṣṇīmātmānaṃ saṃspṛśati 26 upaspṛśya paridhīnnā'nupraharati 27 śaṃyvantaṃ bhavati 28 barhiḥ paridhyagnau prāsyati 29 havirucchiṣṭaṃ ca 30 apsu prāśyaṃ vā 31 9 5.9

2.1.5.13

traiyambakeṣṭiḥ

2.1.5.14

traiyambakānnirvapati raudrā nekakapālān yāvanto yajamānagṛhyā ekā'dhikān 1 caturo vā 2 udaṅmukhaḥ sarvam 3 deśāṃśca 4 juhotayo'vaṣaṭkārān 5 aktānvā 6 pātr! yāṃ kṛtvā dakṣiṇāgnyulmukamādāya catuṣpathe palāśapatramadhyamena homaḥ 7 sarveṣāmavadānāni sakṛtsakṛdatiriktavarjam 8 akteṣu miśraṇam 9 eṣa ta iti juhoti 10 atiriktamākhūtkara upakiratyeṣa ta iti 11 āgamya ava rudra madīmahīti japanti 12 agniṃ triḥ pariyanti pitṛvatsavyorūnāghnānāstr! yambakamiti 13 devavaccaitenaiva dakṣiṇānāghnānāḥ 14 kumāryaścottareṇobhayatra patikāmā bhagakāmā vā 15 raudrā nyajamāno'ñjalinodasyatyagoḥ prāpaṇam 16 pratigṛhṇātyenānaśakya upasparśanam 17 mūtayoḥ kṛtvā veṇuyaṣṭyāṃ kuā!'sajyobhayataḥ sthāṇu-vṛkṣavaṃśavalmīkānāmanyatamasminnutkṣepaṇavadāsajati etatta iti 18 kṛtti-vāsā iti 19 anapekṣametyopaspṛśantyapaḥ 20 10 5.10

2.1.5.15

śunāsīrīyamataḥ 1 yadecchet 2 paurṇamāsadharmā barhirvarjam 3 nityebhyo-'dhikāni śunāsīrībhyāṃ dvādaśakapāla indrā ya vā śunāsīrāya 4 vāyavyaṃ payaḥ 5 laukikam 6 pratidhukśruteḥ 7 nā'virodhāt 8 prakṛtidarśanācca 9 yavāgūrvā 10 saurya ekakapālaḥ 11 sīraṃ ṣaḍyogaṃ dakṣiṇā 12 oṣṭārau vā 13 śveto'śvaḥ sauryasya 14 abhāve gauḥ 15 saṃvatsarepsoḥ phālgunyuddṛṣṭe śunāsīrīyeṇeṣṭvā somena paśuneṣṭyā vā yajeta paurṇamāsyām 16 āvṛttiranījānasya 17 phālgunyupavasathe śunāsīrīyaṃ prātarvaiśvadevam 18 sapaśuṣu paśutantraṃ prādhānyāt 19 pūrvedyurvaiśvadeve pāśukam 20 sadyo vā 21 vaiśvadevaḥ paśuḥ 22 paśupuroḍāśamanu havīṃṣi nirvapati 23 teṣāṃ svi-ṣṭakṛd bhūyastvāt 24 yathoktamaviruddham 25 hṛdayaśūlānte vapanam 26 varuṇapraghāseṣu vāruṇaḥ 27 mahāhaviṣi māhendra ḥ! 28 śanāsīrābhyāṃ caturthaḥ 29 purastādvā parvaṇaḥ parvaṇo'nte vā 30 11 5.11

2.1.5.16

mitravindeṣṭiḥ

2.1.5.17

mitravindā śrīrāṣṭramitrā'yuṣkāmasya 1 daśahaviḥ 2 āgneyaḥ saumyaścarurvāruṇo daśakapālaścarurvā yāvo maitraścaruraindra ekādaśakapālo bārhaspatyaścaruḥ sāvitro dvādaśakapālo'ṣṭākapālo vā pauṣṇaścaruḥ sārasvataścarustvāṣṭro daśakapāla ekaṃ pradānam 3 samasyā'nuvācanam 4 yajeti ca 5 praiṣāśca 6 uttare nigamā yatheṣṭaṃ joṣaṇāśruteḥ 7 anulomā vā codanāguṇatvāt 8 pañcadaśa sāmidhenyaḥ . puṣṭimantāvājyabhāgau-agninā rayimaśnavatpoṣameva divedive . yaśasaṃ vīravattamam 9 gayasphāno amīvahā vasuvitpuṣṭivardhanaḥ . sumitraḥ soma no bhaveti 10 haviṣo'nuvākyā agniḥ somo varuṇo mitra iṃdro bṛhaspatiḥ savitā yaḥ sahasrī . pūṣā no gobhiravasā sarasvatī tvaṣṭā rūpāṇi samanaktu yajñairiti 11 yājyā tvaṣṭā rūpāṇi dadatī sarasvatī pūṣā bhagaṃ savitā me dadātu . bṛhaspatirdadadindro balaṃ me mitraḥ kṣatraṃ varuṇaḥ somo'gniriti 12 5.12

2.1.5.18

hutvā sthālyāḥ sruveṇopajuhoti .. agnirannādo'nnapatirannādyamasminyajñe mayi dadhātu svāhā somo rājā rājapatī rājyamasminyajñe mayi dadhātu svāhā varuṇaḥ samrāṭ samrāṭpatiḥ sāmrājyamasminyajñe mayi dadhātu svāhā mitraḥ kṣatraṃ kṣatrapatiḥ kṣatramasminyajñe mayi dadhātu svāhā indro balaṃ balapitirbrahmavarcasamasminyajñe mayi dadhātu svāhā bṛhaspatirbrahma brahmapatirbrahmavarcasamasminyajñe mayi dadhātu svāhā savitā rāṣṭraṃ rāṣṭrapatī rāṣṭramasminyajñe mayi dadhātu svāhā pūṣā bhagaṃ bhagapatirbhagamasminyajñe mayi dadhātu svāhā sarasvatī puṣṭiṃ puṣṭipatiḥ puṣṭimasmio!yajñe mayi dadhātu svāhā tvaṣṭā rūpāṇāṃ rūpakṛdrupapatī rūpeṇa paśūnasminyajñe mayi dadhātu svāheti 1 virājau saṃyājye 2 sahasravatyau vā--nū no rāsva sahasravattoka-vatpuṣṭimadvasu . dyuadagne suvīrye varṣiṣṭhamanupakṣitam .. ata no brahmannaviṣa uktheṣu devahūtamaḥ . śaṃ naḥ śocā marudvṛdho'gne 3 daśa dakṣiṇā sahasraṃ vā sahasraṃ vā 4 13 5.13

2.1.5.19

iti kātīye śrautasūtre pañcamo'dhyāyaḥ 5

Linked texts (3)

Kātyāyanaśrautasūtra — Kātyāyana (Vājasaneyi sūtrakāra), Sanskrit
Kauṣītakibrāhmaṇa — Kauṣītaki, Sanskrit
Śāṅkhāyanagṛhyasūtra — Śāṅkhāyana, Sanskrit