Kalpah 2.1.9

Kalpaḥ 2.1.9

Language: Sanskrit

2.1.9.1

apararātra ṛtvijaḥ prabodhayanti 1 apa upaspṛśya śālādvārye paristaraṇa pātrasaṃsādana prokṣaṇā'jyanirvapaṇā'dhiśrayaṇa sruksammārjanodvāsanā'vekṣaṇāni kṛtvā'gnīdhra utpūya paśvājyagrahaṇam 2 ājyānyādāya somaṃ cā'rthavaccā'havanīya idhmapraokṣaṇādi karoti 3 agnīṣomīyavatstaraṇam 4 ā'jyā'sādanāt kṛtveṣāntareṇā'rddhasomamadriṣu sammukheṣu nidadhāti hṛde tveti 5 viśvāstvāmiti visṛjyopatiṣṭhate 6 etenā'haraṇaṃ somārthasyā-'bhiṣave 7 noddhaharaṇaṃ tato bahirddhābhāvāt 8 abhiṣutasya cā'navaharaṇaṃ kṛtatvāt 9 prāgvācaṃ pravaditoḥ prātaranuvākopākaraṇaṃ devebhyaḥ prāta-ryāvabhyo'nubrūhīti samidhamādadhat 10 devebhya ityeke 11 subrahmaṇyāṃ ca preṣyati 12 prātaranuvākaṃ jāgradupāsītā'dhvaryuḥ 13 svapyādvā 14 agnīdaindra mekādaśakapālaṃ nirvapati haribhyāṃ dhānāḥ pūṣṇe karambhaṃ sarasvatyai dadhi mitrāvaruṇābhyāṃ payasyām 15 indrā ya vā haripūṣasarasvatimitrā-varuṇavate dhānādīni yathāsaṃkhyam 16 1 9.1

2.1.9.2

unnetuḥ pātrayojanam 1 kharottarapūrvārddha upāṃśvantaryāmayoḥ 2 tadapareṇa dvidevatyāni pratyañci 4 rāsnāvadaindra vāyavam 5 ajakāvaṃ maitrāvaruṇam 6 auṣṭhamāśvinam 7 dakṣiṇapūrvārddhe śukrāmanthinoḥ 8 dakṣiṇaṃ śukrasya 9 āgrayaṇasthālī madhye 10 dakṣiṇokthyasthālī sapātrā 11 tathā-'dityasthālyuttarā 12 ṛtupātre pūve srukpuṣkarākṛtī ubhayatomukhe kārṣmaryamaye āśvatthe vā 13 ūrdhvānītarāṇi prādeśamātrāṇi madhya-saṅgṛhītāni 14 āgrayaṇādaparāṃ pariplavāṃ srukpuṣkarām 15 adho'dho'kṣaṃ pratyañcaṃ dro ṇakalaśamatyuhyoparyuparyakṣaṃ pavitramasminkaroti . śuklaṃ jīvo-rṇānām 16 ubhayatodaśaṃ pariplavāyām 17 pūrveṇopastambhanamuttaraṃ dhruvasthālīmanantarhite 18 dhuri pracaraṇīm 19 pūrveṇā'kṣamupari pūtabhṛtam 20 pareṇā'dhavanīyam 21 prāgakṣāddaśacamasāntsaṃvṛntānadhaḥ 22 pratyagekadhanānayugmānudaharaṇāṃsriprabhṛtyāpañcadaśabhyaḥ 23 abhūduṣā ruśa-tpaśurityucyamāne 24 2 9.2

2.1.9.3

caturgṛhītaṃ pracaraṇyā juhoti śṛṇotvagniriti 1 aparaṃ gṛhītvodaṅ gacchannāhā'pa iṣya hotariti 2 preṣyati ca maitrāvaruṇasya camasādhvaryavehi neṣṭaḥ patnīrudānayaikadhanina etā'gnīccātvāle vasatīvarībhiḥ pratyupatiṣṭhāsai hotṛcamasena ceti 3 apo gatvā devīrāpa ityapsu juhoti 4 kārṣirasīti maitrāvaruṇacamasenā'jyamapohati 5 samudra sya tveti tena gṛhṇāti 6 ekadhanāṃśconnayanti 7 pānnejanāṃśca patnyo dvau dvau 8 pratyetya cātvālasyopari maitrāvaruṇacamasaṃ vasatīvarīśca saṃsparśayati samāpa iti 9 itaretarasmi-nvyānayantyeke maitrāvaruṇacamase prathamam 10 hotṛcamase vasatīvarīḥ kṛtvā yajamānāya prayacchati nigrābhyāḥ 11 hotrā pṛṣṭaḥ pratyāhoteva naṃnamuriti 12 pracaraṇīsaṃsravamagniṣṭome juhotyabhāve caturgṛhītaṃ yamagna iti 13 ukthye prathamaṃ paridhimālabhate 14 praviśatyevā'nyatra 15 rarāṭyā'lambhanaṃ vā ṣoḍaśini 16 chadiratirātre 17 atītya dakṣiṇena hotāraṃ maitrāvaruṇacamasamā-dhavanīye'vanayati vasatīvarītṛtīyaṃ ca agniḥ prātaḥsavane pātvasmānvaiśvānaro mahinā viśvaśambhaḥ . sa naḥ pāvako dra viṇaṃ dadhātvāyuṣmantaḥ sahabhakṣāḥ syāmeti 18 tāvaccaikadhanānām 19 ekadhanasthāna ubhayaśeṣannidhāya 20 3 9.3

2.1.9.4

adhiṣavaṇe paryupaviśanti 1 uttarato'dhvaryuyajamānau 2 pūrvo'dhvaryuḥ . apareṇa parītyetare trayaḥ 3 devasya tvetyadri mādāya vācaṃ yacchati prāgghiṅkārāt 4 sa upāṃśusavanaḥ 5 nigrābhyāsu vācayatyurasyenā nigṛhya nigrābhyā stheti 6 upāṃśusavane somaṃ mimīta indrā ya tvā vasumate rudra vata pañcakṛtvaḥ pratimantram 7 yatta iti mitālambhanam 8 pratiprasthā-tāṃ'śūnṣaḍādatte'ṅgulyantareṣu dvau dvau kurute 9 śvātrā sthetyāsiñcati nigrābhyāḥ 10 prahariṣyandveṣyaṃ manasā dhyāyedamuṣmā ahaṃ praharāmi na tubhyaṃ someti 11 abhāve tṛṇam 12 mā bheriti praharati 13 evaṃ trirabhiṣuṇotyāsecaṃ nigrābhyāḥ 14 aṣṭakṛtva ekādaśakṛtvo dvādaśakṛtvaḥ 15 sarve pañcavargāḥ paśukāmasya . aṣṭavargā brahmavarcasakāmasya 16 prativargaṃ nigrābhaṃ vācayati hotṛcamase'lpānaṃśūnavadhāya prāgapāgiti 17 adri ṇā caturtham 18 tūṣṇīṃ vā 19 upāṃśuṃ ca gṛhṇāti vācaspataye devo devebhyo madhumatīriti 20 pratiprasthātopagṛhṇāti pātram 21 āttānāṃ ca dvau dvāvantardadhāti grahaṇabhedāt 22 mantraliṅgācca 23 ṣaḍ vā śrutisāmarthyāt 24 yatta ityāttāntsome nidadhāti 25 parimṛjyā'sādanamupāṃśvantaryāmayoḥ 26 abhicarantsādayeda-visṛjannamuṣya tvā prāṇaṃ sādayāmīti . udānamityantaryāmam 27 pāṇinā cā'pidadhātyamuṣya tvā prāṇamapidadhāmīti . udānamantaryāmam 28 svā-hetyuktvorvantarikṣamiti niṣkramaṇam 29 anvārabhate'nyasmai pradāya hotṛ-camasam 30 varaṃ vṛtvā dadāti ca 31 svāṃkṛta iti hutvā pātramunmārṣṭi 32 prathame paridhā uttānaṃ pāṇiṃ prāgupamārṣṭi devebhyastveti 33 vāsa-urobāhuṣu śliṣṭamaṃśumabhicarañjuhuyāddevāṃśaviti 34 āgrayaṇasthālyāṃ śeṣaikadeśamāsicyāṃ'śuṃ prāsyati tṛtīyasavanāya 35 prāṇāya tveti pātrasādanam 36 upāṃśusavanaṃ pāṇinā pramṛjyodañcaṃ vyānāya tveti saṃspṛṣṭam 37 4 9.4

2.1.9.5

upaviṣṭayorabhiṣuṇvanti catvāraḥ paryupaveśanasāmarthyāt 1 āpyāya-nānto'bhiṣavastriparyāyaḥ 2 manyā 3 paryāyādiṣu nigrābhyāsecanam 4 prathame vā prabhūtvāt 5 nigrābhānte sarasānaṃśūntsambharaṇyā'dhavanīye-'vadhāyā'vadhūyā'harati 6 evaṃ dviraparam 7 pūrvavannigrābhyāḥ 8 pūrve vopāṃśuṃ gṛhītvā gṛhītvā'pyāyanasambharaṇe kṛtatvāt 9 dharmamātraṃ paryu-paveśanam 10 abhiṣavaviparyāso vā'bhimṛṣṭādaṃśūnapakṛṣya nigrābhyāścā'nu-pūrvyayogādanāttasya cā'bhimānasāmarthyāt 11 ṛjīṣabhāvācca 12 prohya dro ṇakalaśamṛjīṣamukheṣvadri ṣu nidadhātyugdātāraḥ 13 pavitraṃ ca vitanva-nyudak 14 svayaṃ vā'kurvatsu 15 ādhavanīyādunnetā nigrābhyāsvāsiñcati . tāḥ pavitre yajamānaḥ 16 tato grahagrahaṇamādhruvānmādhyandine ca pañca prathamān 17 śukro dro ṇakalaśe 18 tato'nye'nādeśe 19 sāvi-trapātnīvatahāriyojanopakṣīṇānāgrayaṇāt 20 pūtabhṛtaścamasān 21 tṛtīya-savane vaiśvadevam 22 anādiṣṭāṃccehonnayanaśruteḥ 23 daśāpavitreṇa parimṛjya parimṛjyaiva te yoniriti grahasādanam 24 nā'yonikeṣu 25 sarveṣviti vātsyo'viśeṣopadeśāt 26 sāvitrartugrahapratiṣedhācca 27 prativaṣaṭkāraṃ hutvā vaṣaṭkarturbhakṣaharaṇam 28 yathāsvaṃ camasān 29 vaṣaṭkarturvā pūvaṃ śrutisāmarthyāt 30 unnetonnayati samākhyānāt 31 5 9.5

2.1.9.6

udite'ntaryāmagrahaṇamupayāmagṛhīta iti 1 upāṃśuvadanāmnātavaraśeṣā-'secanavarjam 2 apamārṣṭyatra 3 prathame ca nyubjena pāṇinā pratyak 4 upāṃsusavanasaṃspṛṣṭasyodānāya tveti pātrasādanam 5 endra vāyavaṃ gṛhṇātyā vāyaviti 6 apagṛhya punarindra vāyū iti 7 maitrāvaruṇamayaṃ vāmiti 8 payasā śrīṇātyenaṃ kuśāvantardhāya rāyā vayamiti 9 evaṃ sarvatra śrayaṇeṣu 10 śukraṃ bailvena vā taṃ pratnatheti 11 ayaṃ vena ityeke 12 manthinamayaṃ vena iti 13 saktubhiḥ śrīṇātyenaṃ mano na yeṣviti 14 āgrayaṇaṃ dvayordhārayorye devāsa iti 15 daśāpavitreṇā'grayaṇamupagṛhya trirhiṃkṛtya somaḥ pavata iti sakṛccheṣam 16 prathamasthānena prāgdevatā'deśāt 17 prātaḥsavane coccaiḥ karmāṇi 18 madhyamena mādhyandine 19 uttamena tṛtīyasavane 20 ukthyamupayāmagṛhīta iti 21 dhruvaṃ mūrdhānaṃ diva iti 22 ā homādasya sunvanna mūtrapurīṣe kuryāt 23 vaiśvānaraṃ ca jānan 24 pūrṇān sthālīgrahānardhapūrṇaṃ dro ṇakalaśaṃ kṛtvā sarvamāsiñcati sunvan 25 adhvaryupratiprasthātṛprastotrudgātṛpratihartṛsunvantaḥ samanvārabdhā niṣkrāmanti 26 adhvaryuḥ prathamo yathāsaṃkhyamitare 27 hutvā vā samanvārabheran 28 yasta iti vipruṣāṃ homaṃ juhvati 29 adhvaryurvā 30 veditṛṇe adhvaryurādatte . prahvā udañcā gacchanti 31 anyatarattṛṇaṃ cātvāle prāsyati devānāmiti 32 udgātṝṇāṃ purastāditarattūṣṇīm 33 japatsu somaḥ pavata iti pavamānopākaraṇaṃ prastotre tṛṇe prayacchan 34 sarveṣu 35 atṛṇo vā 36 6 9.6

2.1.9.7

kuśamuṣṭiṃ vā 1 pratyaṅmukhāḥ upaviśataḥ purastāddakṣiṇo yajamānaḥ 2 stūyamāna unnetā'dhavanīyaṃ pavitramantardhāya pūtabhṛtyāsiñcati 3 stotrānte preṣyatyagnīdagnīnvihara barhistṛṇīhi puroḍāśām̐ alaṅkuru pratiprasthātaḥ paśunehīti 4 yathānyuptaṃ dhiṣṇyeṣvāgnīdhrādaṅgārānnivapati 5 anupṛṣṭhyāṃ barhistṛṇāti 6 āśvinaṃ gṛhṇātyanvārabdhe vā yā vāmiti 7 grahānavekṣayati yathāgṛhītamavakāśānvācayanprāṇāya ma iti pratimantram 8 upāṃśusavanaṃ dvitīyam 9 āśvinaṃ ṣaṣṭham . śukrāmanthinau yugapat . pūtabhṛdādhavanīyau ca viśvābhyo ma iti 10 ko'sīti dro ṇakalaśam 11 bhūrbhuvaḥsvariti japati 12 jñātāpriyā'nūcānānavakāśayet 13 7 9.7

2.1.9.8

dhruvagopaṃ kṛtvā parivyayaṇādi karoti raśanāmuduhya pūrvām 1 āgneyo'gniṣṭome savanīyaḥ paśuraindrā gnaścokthye dvitīyaḥ 2 aindro vṛṣṇiḥ ṣoḍaśini tṛtīyaḥ . sarasvatyai caturtho'tirātre meṣī vā 3 etatstomāyanam 4 hotṛnāmagrahaṇāntaṃ kṛtvetarāṃścā'śrāvyā'śrāvya pravṛṇīte yathāliṅgam 5 āśvinā'dhvaryū ādhvaryavāt 6 mitrāvaruṇau praśāstārau prāśāstrāt 7 indro brahmā brāhmaṇāditi brāhmaṇācchaṃsinam 8 marutaḥ potrād gnāvo neṣṭrād agnirāgnīdhrāt agnirha daivīnāmiti yajamānam 9 yathāpravṛttaṃ pravṛttahomau juhvati juṣṭo vāce bhūyāsaṃ juṣṭo vācaspataye devi vāgyatte vāco madhumattamaṃ juṣṭatamaṃ tasminmā dhāḥ svāhā sarasvatyā iti 10 pāvakā na iti dvitīyām 11 vapāmārjanāntaṃ kṛtvā sayajamānā dhiṣṇyānupatiṣṭhante vibhūrasīti pratimantram 12 utkarāntaṃ kṛtvā vāgasīti sado'bhimarśanam . ṛtasya dvārāviti dvārye 13 abhimantraṇamuttaraiḥ 14 adhvanāmadhvapata iti sūryam 15 mitrasya tvetyṛtvijaḥ 16 agnayaḥ sagarā iti dhiṣṇyān 17 etatsarpaṇam 18 8 9.8

2.1.9.9

sado'bhimarśanādi vottarayoḥ savanayoḥ 1 puroḍāśaiścarati 2 ekaṃ pradānam 3 ekapātr! yāmāsādya madhye puroḍāśaḥ purastāddhānāḥ pratidiśamitarāṇi yathāsaṃkhyaṃ pradakṣiṇam 4 prātaḥ prātaḥsavasyendrā ya puroḍāśānāmanuvācayati 5 āśrāvyā'ha prātaḥ prātaḥ savasyendrā ya puroḍāśānprasthitātpreṣyeti 6 evaṃ yathāsavanamanuvācanapreṣau 7 upṛbhṛti cā'vadyati . paśupuroḍāśavat 8 ubhayaṃ hutvā hotṛdhiṣṇye puroḍāśānnidadhāti 9 niravatāṃ veḍām 10 dvidevatyaiścarati 11 vāyava indra vāyubhyāmanuvācayati . pratiprasthātā-'dityapātreṇa dro ṇakalaśādupayāmagṛhīto'sīti gṛhītvā gṛhītvā dvideva-tyānanu juhotyuttarārdhe 12 anuvaṣaṭkṛte'pi 13 āśrutapratyāśrutapraiṣāśca samatvāt 14 nā'nantaryāt 15 syādavirodhāt 16 śeṣaṃ śeṣamādityasthā-lyāmāsiścatyādityebhyastveti 17 samāsicya tenā'pidadhāti viṣṇa uru gāyeti 18 unnīyamānebhyo'nuvācayati 19 camaseṣūnnayati navasva-pareṇottaravediṃ nidhāya 20 śukrādupastaraṇābhighāraṇe 21 hotṛcamase prathamam 22 9 9.9

2.1.9.10

śukrāmanthibhyāṃ carataḥ 1 śukreṇā'dhvaryurmanthinā pratiprasthātā 2 prokṣitā-'prokṣitau yūpaśakalāvādāyā'pidhānaṃ prokṣitābhyām apamārjanamaprokṣitā-bhyāmapamṛṣṭaḥ śaṇḍa ityadhvaryurapṛmṛṣṭo marka iti pratiprasthātā 3 devāstveti niṣkrāmato yathāliṅgam 4 apareṇottaravedimaratnī sandhāyottaravediśroṇyo-rnidhatto'visṛjantau dakṣiṇasyāmadhvaryuruttarasyāṃ pratiprasthātā'nādhṛṣṭā'sīti 5 suvīra iti dakṣiṇaṃ yūpadeśaṃ gacchatyadhvaryuḥ suprajā iti pratiprasthātottaram 6 apreṇa yūpamaratnī sandhattaḥ sañjagmāna iti yathāliṅgam 7 pūrveṇā'śaktau 8 aprokṣitau nirasyato nirastaḥ śaṇḍa ityadhvaryurnirasto marka iti pratiprasthātā 9 āhavanīye prokṣitau prāsyataḥ śukrasyā'dhiṣṭhānamitya-dhvaryurmanthina iti pratiprasthātā 10 acchinnasyeti japitvā'śrāvyā'ha prātaḥsavasya śukravato madhuścuta indrā ya somānprasthitānpreṣyeti 11 10 9.10

2.1.9.11

ubhayato yūpaṃ pratyaṅmukhau juhutaḥ . sā prathametyadhvaryuḥ prathamam 1 tamanu pratiprasthātā 2 camasādhvaryavaśca 3 preṣyati ca 4 praitu hotuścamasaḥ prabrahmaṇaḥ progdātṛṇāṃ prayajamānasya prayantu sadasyānāṃ hotrāṇāṃ camasādhvaryava upā-varttadhvaṃ śukrasyā'bhyunnayadhvamiti 5 āgatya pratiprasthātā śeṣaṃ śukra-pātre'vanayati 6 taṃ sa hotṛcamase 7 pañcasūnnayanti 8 tānāśrāvyā'śrāvya preṣyati nāmagrāhaṃ yaja yajeti praśāstrādīn 9 brahmanyajeti brāhmaṇācchaṃsinam 10 prathamaṃ hutvottamaṃ vā tṛmpantviti japati 11 hotāraṃ pratyaṅṅupa-sīdatyayāḍagnīditi 12 dvidevatyān bhakṣayati pūrvaḥ prathamacodanā-ddhomābhiṣavakārī bhakṣayediti śruteḥ 13 hotā vā vacanamantravarṇakāraṇebhyaḥ 14 nā'dhvaryuḥ samabhivyāhārāt 15 mantrāṇāṃ cā'vidhānāt 16 kāraṇasya ca samatvāt 17 aindra vāyavaṃ pratigṛhṇātyaitu vasuḥ puruvasuriti 18 hotṛvadbhakṣaṇam vāgdevī juṣāṇā somasya tṛpyatu saha prāṇena svāhetyevaṃ sarvatra somānāṃ bhakṣaṇam 19 vacanādanyat 29 bhakṣe hi meti vā yathāliṅgam 21 evamitarau pratimantramaitu vasurvidadvasuraitu vasuḥ saṃyadvasuriti 22 śeṣaṃ śeṣaṃ hotṛcamase'vanayati 23 puroḍāśamātrāmaindra vāyave prāsyati payasyāṃ maitrāvaruṇa āśvine dhānāḥ 24 tāni pratiprasthātā dakṣiṇasya havirdhāna-syottare vartmani nidadhāti 25 iḍāmādadhāti 26 camasāṃścodyacchanti 27 11 9.11

2.1.9.12

mārjite vājinena caranti sūktavākaśaṃyorvākayoranyārthatvāt 1 yathoktaṃ vā'prasaṅgāt 2 hotṛcamasena somaṃ bhakṣayataḥ 3 hinva me gātrāṇi harivaḥ śivo me saptarṣīnupatiṣṭhasvordhve me nābheḥ sīda mā me'vāṅnābhimati gā iti gātrāṇi saṃspṛśante 4 āpyāyasveti dvābhyāṃ camasānālabhante 5 somaṃ vā siñcanti mantreṇā'sambhavāt 6 asarvabhakṣāṃstān 7 dakṣiṇassya havirdhānasya paścādakṣaṃ nidadhāti camasānadhaḥ 8 te nārāśaṃsā ā vaiśvadevāt 9 puroḍāśaśakalamādāya samupahūtāḥ sma ityuktvottiṣṭhati 10 acchāvākāyainatprayacchannāhā'cchāvāka vadasva yatte vādyamiti 11 upo asmāniti bruvati hotāramāhopahavamayaṃ brāhmaṇa icchate taṃ hotarupahvayasveti 12 upahūta unnīyamānāyā'nuvācayati 13 acchāvākacamasamunnayati hotrācamasavatsarvam 14 ānidhānātkṛtvā 15 pūrvaścā'gnīdhrādataḥ 16 āgnīdhre haviryajñartvija iḍāṃ prāśnanti 17 patnī cā'nyacchālāyām 18 upaviṣṭe'cchāvāke 19 12 9.12

2.1.9.13

ṛtugrahaiścarato dro ṇakalaśādupayāmagṛhīto'si madhave tveti dvādaśa pratimantram 1 adhvaryoḥ pūrvaḥ pūrvo mantraḥ 2 uttara uttaraḥ pratiprasthātuḥ 3 yugapatprathamau gṛhṇīta uttamau ca vyatyāsaṃ madhye pracaraṇam ca sarveṣām 4 niṣkrāmatyekaḥ praviśatītaraḥ 5 uttara uttaraḥ pratiprasthātā'parakālatvāt 6 ubhayato'dhvaryuṃ pātreṇa parigṛhṇāti 7 sarvahutāḥ prāguttamābhyām 8 ṛtuneti ṣaṭ preṣyataḥ 9 ṛtubhiriti caturaḥ pātramukhe viparyasya 10 ṣaḍvaduttamau 11 yajamānaḥ preṣito hotaretadyajeti brūyāt 12 adhvaryū ca 13 trayodaśaṃ gṛhṇīyādicchannupayāmagṛhīto'syaṃhasaspataye tveti 14 pratiprasthātāramanu juhoti 15 anyatarasmiñccheṣau kṛtvā vaśinaidrā gnaṃ gṛhṇāti prati-prasthātendrā gnī iti 16 āharati bhakṣaṃ hotṛpotṛneṣṭragnīdbrāhmaṇācchaṃsi-praśāstṛbhyaḥ 17 viparyasya pātraṃ hotṛpotṛneṣṭracchavākānām 18 yāvaduktaṃ hoturyajamānayogādvaraṇavat 19 kāraṇādvā hotṛbhakṣaḥ 20 aprāptervaraṇam 21 viparyasya pātraṃ hoturdvirbhakṣaṇam 22 tāvadvā sarvahutatvātpūrveṣām 23 nirhatya pātraṃ hotuḥ purastātprāṅāste 24 abhihutaḥ śaoṃsāvetyāvṛtyothāmodaiveti pratigṛṇāti praṇavā'vasānayoḥ 25 omiti vā 26 śastrānte nityam 27 vāganto vā pūrvaḥ 28 aindrā gnamādāyā'śrāvyā'hokthaśā yaja somasyeti 29 eṣa praiṣaḥ saśastrāṇām 30 nārāśaṃsānāṃ ca kampanaṃ hūyamāne 31 nihiteṣu ceddhomaḥ saśastrasya 32 bhakṣaprabhṛtyānidhānātkṛtvā 33 13 9.13

2.1.9.14

vaiśvadevaṃ gṛhṇāti 1 śukrapātreṇa dro ṇakalaśādanvārabdhe vaumāsa iti 2 śukraṃ pūtabhṛtyāsicya dro ṇakalaśe pavitrayojanam 3 paśupuroḍāśaprathamāntsavanī-yānnirvapati payasyāvarjam 4 stotramupākaroti tṛṇābhyāṃ grahamupaspṛśyo-pāvarttadhvamiti 5 evaṃ dhuryeṣu sarvatra 6 sarvabhakṣāścamasāḥ 7 mārjālīye pātraprakṣālanam 8 ukthyaṃ vigṛhṇāti traidhaṃ devebhyastveti sarvebhyaḥ 9 mitrāvaruṇābhyāṃ tveti vā praśāstre 10 tūṣṇīṃ sādanam 11 stotramupākaroti 12 ukthaśā yaja somānāmiti praiṣo'nārāśaṃseṣu 13 yasya vigrahastasya prathamaṃ camasamunnayati 14 grahaśeṣaṃ cā'sminnāsiñcati 15 evaṃ prati-prasthātottarābhyām 16 indrā ya tveti brāhmaṇācchaṃsine 17 indrā gnibhyāṃ tvetyacchāvākāya 18 prāgacchāvākavigrahātsomopāvaharaṇam 19 vasa-tīvaryarddhaṃ cā'siñcatyādhavanīye viśve devā maruta indro asmānasmin dvitīye savane na jahyuḥ . āyuṣmantaḥ priyameṣāṃ vadanto vayaṃ devānāṃ sumatau syāmeti 20 ekadhanārdhaṃ ca 21 carite sarvaiḥ praśāstaḥ prasuhīti brūyāt 22 prasūtānāṃ sarpaṇaṃ prasūtānāṃ sarpaṇam 23 14 9.14

2.1.9.15

iti kātīye śrautasūtre navamo'dhyāyaḥ

Linked texts (3)

Kātyāyanaśrautasūtra — Kātyāyana (Vājasaneyi sūtrakāra), Sanskrit
Mādhyandina — Sanskrit
Kauṣītakibrāhmaṇa — Kauṣītaki, Sanskrit