Kalpah 2.2.15
Kalpaḥ 2.2.15
- Language
- Sanskrit
2.2.15.1
atha pañcadaśaḥ praśnaḥ
some vāsiṣṭho brahmā bhavati 1 apyavāsiṣṭhaṃ kurvīta yaḥ kaśca sotmabhāgān vidyāditi vijñāyate 2 rājño mīyamānasya krīyamāṇasyeti dakṣiṇata āste 3 ohyamānasya dakṣinata eti 4 mahāvedyā uttaravedyā iti kriyamāṇāyā dakṣiṇata āste 5 yatra sadohavirdhānāni saṃmāsyanto bhavanti tadantareṇa cātvālotkarāvanvavetyottaraṃ vedyantamanuparītya pūrvayā dvārā prāgvam̐ śaṃ praviśyā-pareṇāhavanīyamatikramya pūrvayā dvāropaniṣkramya dakṣiṇaṃ vedyantamanuparītya dakṣiṇenottaravedimupaviśedityāśmarathyaḥ . antareṇa cātvālotkarāvanva-vetyāpareṇottaravedimatikramya dakṣiṇata upaviśedityālekhanaḥ 6 so'traivāsta ā vaisarjanānām̐ homāt 7 yatra vaisarjanāni hoṣyanto bhavanti dakṣiṇena havirdhāne dakṣiṇena mārjālīyaṃ dakṣiṇena sadaḥ parītya pūrvayā dvārā prāgvam̐ śaṃ praviśyāgreṇa śālāmukhīyamatikramya dakṣiṇata upaviśedityāśmarathyaḥ . apreṇottaravedimatikramyottareṇa havirdhāne uttareṇāgnīdhrīyamuttareṇa sadaḥ parītya pūrvayā dvārā prāgvam̐ śaṃ praviśyāpareṇa śālāmukhīyamatikramya dakṣiṇata upaviśedityālekhanaḥ 8 15.1
2.2.15.2
upasthe brahmā rājānaṃ kurute 1 hute vaisarjane'nvaṅṅagneḥ pratipadyate 2 āgnīdhrīyaṃ prāpya pratiprasthātre rājānaṃ pradāya yathetaṃ pratiparītya pūrvayā dvāropaniṣkramya dakṣiṇena sado dakṣiṇena mārjālīyaṃ parītya dakṣiṇenāgnīdhrīyamupaviśedi-tyāśmarathyaḥ . etamevāgnimuttarataḥ parītya dakṣiṇata upaviśedityālekhanaḥ 3 upasthe brahmā rājānaṃ kurute 4 hute vaisarjane pūrvaḥ pratipadyate 5 havirdhāne prāpya pratiprasthātre rājānaṃ pradāya dakṣiṇena havirdhāne parītya dakṣiṇenottara-vedimupaviśedityāśmarathyaḥ . uttareṇa havirdhāne'pareṇottaravedimatikramya da-kṣiṇata upaviśedityālekhanaḥ 6 so'traivāsta āgnīṣomīyasya vapāyā homāt 7 hutāyāṃ vapāyāṃ yatra mārjayante tanmārjayate 8 15.2
2.2.15.3
yatra vasatīvarīrgṛhīṣyanto bhavanti taddakṣiṇata eti 1 gṛhyamāṇānāṃ dakṣiṇata āste 2 yatra prātaranuvākāya budhyante tad budhyate 3 tasya sa eva saṃcaro yaḥ sadohavirdhānāni saṃmāsyatsu 4 prātaranuvāka upākṛte vācaṃ yacchatyā paridhānīyāyāḥ 5 yatra savanīyā apo gṛhīṣyanto bhavanti taddakṣiṇata eti 6 gṛhyamāṇānāṃ dakṣiṇata āste 7 āhriyamāṇānāṃ dakṣiṇata eti 8 yatra rājā-namabhiṣoṣyanto bhavanti tat pūrvayā dvārā havirdhānaṃ praviśyāgreṇa kharamatikramya dakṣiṇata upaviśati 9 rājño mīyamānasyābhiṣūyamāṇasyeti dakṣiṇata āste 10 graheṣu gṛhyamāṇeṣu vācaṃ yacchatyāgrayaṇāt 11 evameva savanesavane rājño'bhiṣūyamāṇasya dakṣiṇata āste graheṣu gṛhyamāṇeṣu vācaṃ yacchati 12 yatra bahiṣpavamānam̐ sarpanti tat samanvārabdhaḥ sarpati 13 stoṣyamāṇānāṃ dakṣiṇata upaviśati 14 15.3
2.2.15.4
yatrainamāmantrayate brahma stoṣyāmaḥ praśāstaḥ iti tat prasauti hiṃ deva savitaretatte prāha tat pra ca suva pra ca yaja bṛhaspatirbrahmāyuṣmatyā ṛco mā gāta tanūpātsāmnaḥ satyā va āśiṣaḥ santu satyā ākūtaya ṛtaṃ ca satyaṃ ca vadata stuta devasya savituḥ prasave . raśmirasi kṣayāya tvā kṣayaṃ jinvo m̐! stuta iti 1 evameva stotrestotre prasauti 2 evam̐ stomabhāgānāmuttaramuttaraṃ dadhāti 3 dvādaśāgniṣṭome . trayodaśātyagniṣṭome . pañcadaśokthye . ṣoḍaśe ṣoḍaśini . saptadaśa vājapeye . ekānnatri m̐! śatamatirātre . trayastri m̐! śatamaptoryāma iti vijñāyate 4 stute bahiṣpavamāne'pareṇottaravedimatikramya dakṣiṇata upaviśati . so'traivāsta ā savanīyasya vapāyā homāt 5 hutāyāṃ vapāyāṃ yatra mārjayante tanmārjayate 6 yatra prātaḥsavanāya saṃprasarpanti taddakṣiṇena havirdhāne dakṣiṇena mārjālīyaṃ dakṣiṇena sadaḥ parītyāparayā dvārā sadaḥ praviśyāpareṇa praśāstrīyamatikramya dakṣiṇata upaviśedityāśmarathyaḥ . apareṇottaravedimatikramyottareṇa havirdhāne dakṣiṇena mārjālīyaṃ parītya pūrvayā dvārā sadaḥ praviśyāgreṇa praśāstrīyamatikramya dakṣiṇata upaviśedityālekhanaḥ 7 15.4
etenottarayoḥ savanayoḥ 1
iti pañcadaśaḥ praśnaḥ
Linked texts (1)
- Bhāradvājaśrautasūtra — Sanskrit