[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Ritual, consecration and mantra](https://indike.org/pramana/in.jaina.post.vidhi) › [Mantras, diagrams and the cults of deities](https://indike.org/pramana/in.jaina.post.vidhi.mantra) › [Kalpah](https://indike.org/pramana/in.jaina.post.vidhi.mantra.kalpah) › 2.4.13.11 # Kalpah 2.4.13.11 Kalpaḥ 2.4.13.11 - **Language:** Sanskrit ### [2.4.13.11.6](https://indike.org/pramana/in.jaina.post.vidhi.mantra.kalpah.2.4.13.11.6) athāto rudra japasya vidhānakalpam̐ vyākhyāsyāmaḥ 1 uttarato grāmasya purastādvā śucau deśe nadīṣu devakhāteṣu taḍāge vā malāpakarṣaṇaṃ kṛtvā prāṇāyāmatrayaṃ kuryāt 2 rudra snānāṃ kurvīta 3 namaḥ śaṃbhave ceti snātvāsaṃkhyātā sahasrāṇīti daśabhirmārjanamuttīrya vastre ca paridhāyācamya rudraṃ nyasedyā te rudre ti śikhāyām̐ ye asminmahatyarṇava iti śirasya saṃkhyātā iti lalāṭe namo nīlakapardāyeti cakṣuṣornamaḥ śrutāya ca śrutasenāya ceti karṇayoravatatya dhanuṣṭvamiti mukhe namo nīlagrīvāyeti kaṇṭhe namastā āyudhāyānātatāyeti bāhvornamo girikebhya iti hṛdaye hiraṇyagarbha iti nābhyāṃ namo gaṇebhya iti puṣṭau namo mīḍhuṣṭarāya ceti kaṭyāmimā rudrā ya tavasa iti guhye mā no mahāntamityūrvorye pathāṃ pathirakṣaya iti pādayoradhyavocaditi kavacaṃ namo bilmine cetyupakavacaṃ pramuñca dhanvana ityastram 4 ya etāvanta iti digbandhaḥ 5 oṃ namo bhagavate rudrā yeti vinyaset oṃkāraṃ mūrdhni vinyasya nakāraṃ nāsike tathā . mokāraṃ tu lalāṭe vai bhakāraṃ mukhamadhyataḥ . gakāraṃ kaṇṭhadeśe tu vakāram̐ hṛdaye nyaset . tekāraṃ dakṣiṇe haste rukāram̐ vāmato nyaset . drā kāraṃ nābhimadhye tu yakāraṃ pādayostathā 6 ### [2.4.13.11.26](https://indike.org/pramana/in.jaina.post.vidhi.mantra.kalpah.2.4.13.11.26) trātāramindraṃ prācīdigadhipataya indrā ya namaḥ .. tvaṃ no agna āgneyadigadhi-pataye'gnaye namaḥ .. sugaṃ nu panthāṃ dakṣiṇādigadhipataye yamāya namaḥ .. asunva-ntamayajamānaṃ nairṛtyadigadhipataye nirṝtaye namaḥ .. tattvā yāmi paścima-digadhipataye varuṇāya namaḥ .. ā no niyudbhirvāyavyadigadhipataye vāyave namaḥ .. tvam̐ soma kratubhirudagdigadhipataye kuberāya namaḥ .. tamīśānamīśāna-digadhipataya īśānāya namaḥ .. imā rudrā ya tavasa ūrdhvādigadhipataye brahmaṇe namaḥ .. syonā pṛthivyadhodigadhipataye'nantāya nama ityetaddiksaṃpuṭam 7 eva-mevātmani raudrī karaṇaṃ kṛtvā tvagasthigataiḥ pāpaiḥ pramucyate 8 anena vidhinā na grāme na strīsravaṇe na śrāddha āmantrite na paśusaṃnidhau yakṣarākṣasabhūta-pretapiśācayamadūtaśākinītaskarādyupaghātāḥ 9 sarve te jvalantaṃ paśyanti 10 ātmānam̐ rudra rūpaṃ dhyāyet 11 trinetraṃ pañcavaktraṃ daśabhujam̐ saumyam̐ sarvābharaṇabhūṣitaṃ nīlagrīvam̐ śaśāṅkacihnam̐ śuddhasphaṭikasaṃkāśaṃ nāgayajñopavītinam̐ vyāghraca-rmottarīyakaṃ kamaṇḍalvakṣasūtrahastamabhayapradaṃ triśūlahastaṃ pināvapāṇinam̐ vṛṣabha-skandhasamārūḍhamumādehārdhadhāriṇaṃ jvalantaṃ kapilajaṭaṃ jaṭāmukuṭasam̐ yuktam̐ śi-khāmuddyotakāriṇamamṛtenāplutam̐ hṛṣṭam̐ surāsurairnamaskṛtaṃ digdevataiḥ samāyuktaṃ nityaṃ ca śāśvatam̐ śivaṃ dhruvamakṣayamavyayam̐ sarvavyāpinirañjanamīśānam̐ rudra m̐! viśva-rūpiṇamevaṃ dhyātvā dvijaḥ samyaktato japamārabhet 12 suguptadeśe gocarma-mātre'sthansvanulipte vā liṅgapadmākṛtiṃ prakalpya prokṣya mā no mahāntamiti sthāpayednamaḥ śaṃbhave cetyarcayet 13 sadyavāmāghoratatpuruṣeśāneti rudra syā-vāhanam̐ .. sadyo jāta ityasya sadyojāta ṛṣirbrahmā devatā triṣṭupchandaḥ ham̐ savāhanaḥ paścimavaktraḥ pṛthivītattvaḥ brahmarūpāya hrāṃ paścimavaktrāvāhane viniyogaḥ sadyo jātaḥ paścimavaktrāya nama ā vāhayāmi .. vāmamadya savitarityasya vāmadeva ṛṣiḥ viṣṇurdevatā triṣṭupchando garuḍavāhana uttaravaktra āpastattvo viṣṇurūpāya hrīmuttaravaktrāvāhane viniyogo vāmamadya savitaruttaravaktrāya nama ā vāhayāmi .. aghorebhya ityasyāghora ṛṣī rudro devatā bṛhatīchando vṛṣabhavāhano dakṣiṇavaktrastejastattvo rudra rūpāya hrūṃ dakṣiṇavaktrāvāhane viniyogo aghorebhyo dakṣiṇavaktrāya nama ā vāhayāmi .. tatpuruṣāyetyasya tatpuruṣa ṛṣiḥ sūryo devatā gāyatrīchando'śvavāhanaḥ pūrvavaktro vāyustattvaḥ sūryarūpāya hraiṃ pūrvavaktrā-vāhane viniyogastatpuruṣāya pūrvavaktrāya nama a vāhayāmi .. tamī-śānamityasyeśāna ṛṣiḥ śabdo devatā bṛhatīchandaḥ kūrmavāhana ūrdhvavaktra ākāśatattvaḥ śvetarūpāya hraumūrdhvavaktrāvāhane viniyogastamīśānamūrdhva-vaktrāya nama ā vāhayāmi .. ā tvā vahantviti rudra gāyatrīmaṣṭau kṛtvaḥ prayuñjīta 14 rudraṃ dhyāyet 15 nīlakaṇṭhaṃ mahādevaṃ kailāsastham̐ sahomayā trinetramīśvaraṃ caiva dhyātvā siddhimavāpnuyāt 16 tato japamārabhednamaste rudra manyava iti prabhṛtibhiraṣṭābhiranuvākaiḥ 17 prathamānuvāke gāyatrī chandastisra-striṣṭubhastisraḥ paṅktayaḥ saptānuṣṭubho'ntyānuvāke prathamā bṛhatī dve triṣṭubhau dvādaśānuṣṭubho dve jagatyau 18 śeṣānāṃ nānāchandasām̐ rudrā nām̐ rudro devatāghora ṛṣiḥ 19 śatarudri yāyām̐ sam̐ hitāyām̐ sarvapāpakṣayārthe jape viniyogaḥ 20 namaste rudra manyava ityādiraṣṭānuvākāḥ 21 asaṃkhyātā sahasrāṇīti yathā-liṅgam̐ sthāpanaṃ dhyātvā namo astu rudre bhyo ye divītyam̐ sadaghne dhyāyednamo astu rudre bhyo ye antarikṣa iti nābhidaghne namo astu rudre bhyo ye pṛthivyāmiti jānudaghne dhyāyet 22 aghorebhya iti japitvā yaḥ patha iti visarjayet 23 apratirathaṃ japangṛhamāvrajet 24 tenodakenātmānamabhiṣiñcet 25 dvipadaścatuṣpadaśceta-nnityajapasya vidhānam 26 ### [2.4.13.11.1](https://indike.org/pramana/in.jaina.post.vidhi.mantra.kalpah.2.4.13.11.1) iti mānavagṛhyapariśiṣṭe nityajapavidhānam 1 ## Linked texts (1) - [Mānavaśrautasūtra](https://indike.org/pramana/in.vedanga.kalpa.srauta.manava.11.7.1.4) — Sanskrit --- Source: [https://indike.org/pramana/in.jaina.post.vidhi.mantra.kalpah.2.4.13.11](https://indike.org/pramana/in.jaina.post.vidhi.mantra.kalpah.2.4.13.11) · Pramāṇa