<!-- Pramāṇa, a library of Indian primary sources · https://indike.org/pramana/in.jaina.post.vidhi.mantra.kalpah.2.4.13.4 -->

[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Ritual, consecration and mantra](https://indike.org/pramana/in.jaina.post.vidhi) › [Mantras, diagrams and the cults of deities](https://indike.org/pramana/in.jaina.post.vidhi.mantra) › [Kalpah](https://indike.org/pramana/in.jaina.post.vidhi.mantra.kalpah) › 2.4.13.4

# Kalpah 2.4.13.4

Kalpaḥ 2.4.13.4

- **Language:** Sanskrit

### [2.4.13.4](https://indike.org/pramana/in.jaina.post.vidhi.mantra.kalpah.2.4.13.4)

atha yamalaśāntiḥ 1 asya yamalau putrau gāvau vaḍave vāyāyātām 2 sam̐ vatsare pūrṇe dvādaśavatsare vā dvādaśarātre vā sapta karṣāyānāharedaśvatthamudumbaram̐ vikaṅkataṃ nyagrodhaplakṣaśamīśamakapriyaṅgugaurasarṣapām̐ śca 3 yadi tānna vindeddhiraṇyasnānam̐ .. hiraṇyavarṇāḥ śucaya iti catasṛbhiścatuṣpāde bhadra pīṭhe prāṅmukhānupaveśya mṛnmayena śatadhāreṇa baijalam̐ sahasradhāramantardhāya yā oṣadhayaḥ samanyā yantītyanuvākābhyāṃ catasro vidhavāḥ snāpayeyuścatvāro vā brahmacāriṇaḥ 4 snātāvalaṃkṛtau dampatī pradakṣiṇamagniṃ pariṇayet 5 paścādagnerdarbheṣūpaviśya mārutasya sthālīpākasya priyavatībhyām̐ sapta kṛtvo'vadyañjuhoti 6 ṛṣabhaikā gāvo dakṣiṇā 7 purastādagneḥ sapta karṣūnkhātvā tāngandhodakena pūrayitvā jayaprabhṛtibhiścājyasya purastātsviṣṭakṛto hiraṇyagarbha ityaṣṭābhiḥ pratyṛcamati-krāmedaṣṭamīṃ japet 8 āhitāgneścodanena vidhinā vyākhyāsyāmaḥ 9 mārutaṃ trayodaśakapālaṃ nirvapet 10 tasya gaurdhenurdakṣiṇā 11 yadi tāṃ na vindetsukṣetram̐ susamṛddhaṃ dadyādyavakṣetraṃ tilakṣetram̐ vā 12 yadi tāni na vindellomavastratvaga-vachanno vāḍavāgniṃ praviśetsa etasyānugrahaḥ 13  
iti yamalajātiśāntiḥ

- [Previous: 2.4.13.3](https://indike.org/pramana/in.jaina.post.vidhi.mantra.kalpah.2.4.13.3)
- [Next: 2.4.13.5](https://indike.org/pramana/in.jaina.post.vidhi.mantra.kalpah.2.4.13.5)
- [Up: 2.4.13](https://indike.org/pramana/in.jaina.post.vidhi.mantra.kalpah.2.4.13)

## Linked texts (1)

- [Mānavaśrautasūtra](https://indike.org/pramana/in.vedanga.kalpa.srauta.manava.11.3.3) — Sanskrit

---
Source: [https://indike.org/pramana/in.jaina.post.vidhi.mantra.kalpah.2.4.13.4](https://indike.org/pramana/in.jaina.post.vidhi.mantra.kalpah.2.4.13.4) · Pramāṇa