Kalpah 2.4.2.19

Kalpaḥ 2.4.2.19

Language: Sanskrit

2.4.2.19.1

pūtabhṛto'nte madhyataḥkāricamasānupasādayati hoturbrahmaṇa udgāturyajamānasya 1 hotṛkacamasām̐ ścānyānṛte'chāvākacamasādunnayati 2 unnīyamānebhyo'nubrūhī-tyanuvācayati 3 ubhayataḥ śukrānunnetonnayati 4 dro ṇakalaśādupastīrya pūtabhṛta upabilānkṛtvā dro ṇakalaśādabhipūrayati 5 tutho'si janadhāyā devastvā śukrapāḥ praṇayantviti śukramādatte .. tutho'si janadhāyā devāstvā granthipā praṇayantviti manthinaṃ pratiprasthātā 6 apanuttau śaṇḍāmarkāviti pām̐ sūna-padhvam̐ sayataḥ 7 adhastādyūpaśakalāvupayachete 8 prokṣitedhmaśakalā-bhyāmachinnasya te deva sometyapidhattaḥ 9 ādānābhyāmupaniṣkrāmataḥ 10 āyuḥ saṃdhattaṃ prāṇam̐ saṃdhattaṃ cakṣuḥ saṃdhattam̐ śrotram̐ saṃdhattaṃ manaḥ saṃdhattam̐ vācam̐ saṃdhattamiti paścāduttaravederavayamya grahāvaratnī saṃdhattaḥ 11 anādhṛṣṭāsītyaṅguṣṭhābhyāmuttarava-e!dimākrāmata upari likhantāvuttaravediṃ parikrāmataḥ 12 śukram̐ yajamāno'nvārabhate 13 suvīrāḥ prajā iti dakṣiṇenādhvaryuḥ .. suprajāḥ prajā ityuttareṇa pratiprasthātā 14 indre ṇa manyuneti yajamāno japati 15 purastātpratyañcāvavatiṣṭhete 16 saṃjagmānāvityaratnī saṃdhattaḥ 17 śukrasyādhiṣṭhānamasītīdhmaśakalamagnāvadhya-syati .. manthino'dhiṣṭhānamasīti pratiprasthātā 18 nirastaḥ śaṇḍa iti yūpaśakalaṃ bahirvedi nirasyati ..

2.4.2.19.2

nirasto marka iti pratiprasthātā 19 prāñcaścamasaiścaranti pratyañcau śukrāmanthibhyām 20 āśrāvyādhvaryuḥ prātaḥ prātaḥ-sāvasya śukravato manthivato madhuścuta indrā ya somānprasthitānpreṣya hotaryaja madhyataḥkāriṇāṃ canasādhvaryavo vaṣaṭkṛtānuvaṣaṭkṛte juhuta hotṛkāṇāṃ camasādhvaryavaḥ sakṛddhutām̐ ścamasānśukrasyābhyunnīyopāvartadhvamiti preṣyati 21 yathāpreṣitaṃ camasānām 22 śukrāmanthinau pratinigadya homau 23 yā prathamā sam̐ skṛtirityubhau nigadya tasmā indrā ya sutamājuhotetyadhvaryuḥ sarvahutaṃ karoti .. tasmai sūryāya sutamājuhoteti pratiprasthātā 24 hutvā rudrā ya svāheti śeṣamuttarārdhapūrvārdhe juhoti 25 praitu hotuścamasaḥ pra brahmaṇaḥ prodgātuḥ pra yajamānasyeti preṣyati 26 pratiparikramya yathāsthānaṃ pātre sādayataḥ 27 punarabhyunnītānāmekaikaṃ grāhamāśrāvaṃ praśāstaryaja brahmanyaja potaryaja neṣṭaryajā-gnīdyajeti preṣyati 28 vaṣaṭkṛtānuvaṣaṭkṛte hutvā harati bhakṣān 29 ayāḍagnīditi ceddhotā pṛcheda yāḍiti pratyāha 30 somabhakṣānsadasi bhakṣayanti vaṣaṭkartā homābhiṣavakārī camasinaścopahūtopahvayasvetyuktvopahūtā upahvaya-dhvamiti vā 31 dvidevatyānbhakṣayitvā hotā prayachati 32 bhakṣehi māviśa dīrghāyutvāya śaṃtanutvāyaihi vaso purovaso priyo me hito bhavāśvinostvā bāhubhyām̐ saghyāsamiti pratigṛhṇāti yam̐ yam̐ hotā prayachati 33 nṛcakṣasaṃ tvā deva soma sucakṣā avakśeṣamityavekṣate 34 hinva me gātrā harivo gaṇānme mā vitītṛṣat śivo me sapta ṛṣīnupatiṣṭha mā me'vāṅnābhimatigāḥ ..

2.4.2.19.3

iti dviraindra vāyavaṃ bhakṣayataḥ prāṇeṣūpaniyamya 35 avyatihāraṃ cakṣuṣorupaniyamya maitrāvaruṇaṃ mandrā vibhūtiḥ keturyajñiyā vāgjuṣāṇā somasya pibatviti bhakṣayataḥ 36 sarvata āśvinaṃ parihāram̐ śrotrayorupaniyamya pratiparyāhṛtya mandrā svarvācyaditiranāhataśīrṣṇī vāgjuṣāṇā somasya pibatviti bhakṣayataḥ 37 hotṛcamase saṃpātamavanayati bhakṣayitvā bhakṣayitvā 38 mā mā rājanvibībhiṣo mā me hārdiṃ dviṣā vadhīḥ vṛṣaṇam̐ śuṣmamāyuṣe varcase kṛdhi .. iti taṃtaṃ bhakṣayitvā hṛdayadeśamārabhya japati 39 nānavadhāyāvasṛjedaindra vāyave puroḍāśavṛgalaṃ maitrāvaruṇe payasyāṃ dhānā āśvine 40 dakṣiṇasya havirdhānasyottarasyā vartanyāḥ paścāddvidevatyapātrāṇi sādayati 41 hotre'vāntareḍāmavadyati 42 upahūyamānāyāmasam̐ sparśayantaścamasānupodyachanti 43 hotrā samudyamya samupahūya vasumadgaṇasya soma deva te matividaḥ prātaḥsavanasya gāyatrachandaso'gnihuta indra potasya madhumata upahūta upahūtaṃ bhakṣayāmīti camasānbhakṣayanti 44 śaṃ no bhava hṛda ā pīta indo piteva soma sūnave suśevaḥ . sakheva sakhya uruśam̐ sa dhīraḥ pra ṇa āyurjīvase soma tārīḥ ..

2.4.2.19.4

iti taṃtaṃ bhakṣayitvā hṛdayadeśamārabhya japati 45 āpyāyasva saṃ te payāṃsīti bhakṣaśeṣān 46 dakṣiṇasya havirdhānasya paścādakṣaṃ nārāśam̐ sacamasānsādayanti 47 upaviśatyachāvāko 'greṇa svaṃ dhiṣṇyaṃ bahiḥ sadasaḥ 48 tasmai puroḍāśavṛgalaṃ pradāyāchāvāka vadetyanuvācayati 49 upo asmānbrāhmaṇānbrāhmaṇā hvayadhvamityucyamāne puṇyamayaṃ brāhmaṇa upahavakāmo vadatīmam̐ hotarupahvayasveti preṣyati 50 unnīyamānāyānubrūhītyanuvācayati 51 ubhayataḥ śukramachāvākacamasamunnayati 52 āśrāvyāchāvāka yajeti preṣyati 53 vaṣaṭkṛtānuvaṣaṭkṛte hutvā harati bhakṣam 54 na tena saṃbhakṣayedyadyasminnupahavamichedbhakṣayeti brūyāt 55 vyā-khyātaṃ bhakṣaṇamāpyāyanaṃ ca 56 antarā neṣṭuścamasamāgnīdhrasya cāchāvākacamasam̐ sādayati 57 āgnīdhre savanīyānbhakṣayantyantarvedi bahirvedi mārjayante . bahirvadi vā bhakṣayitvāntarvedi mārjayante 58 anusavanaṃ brāhmaṇām̐ starpayeti preṣyati 59 2.4.1