<!-- Pramāṇa, a library of Indian primary sources · https://indike.org/pramana/in.jaina.post.vidhi.mantra.kalpah.2.6.1.p22 -->

[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Ritual, consecration and mantra](https://indike.org/pramana/in.jaina.post.vidhi) › [Mantras, diagrams and the cults of deities](https://indike.org/pramana/in.jaina.post.vidhi.mantra) › [Kalpah](https://indike.org/pramana/in.jaina.post.vidhi.mantra.kalpah) › 2.6.1.p22

# Kalpah 2.6.1.p22

Kalpaḥ 2.6.1.p22

- **Language:** Sanskrit

### [2.6.1.p22](https://indike.org/pramana/in.jaina.post.vidhi.mantra.kalpah.2.6.1.p22)

1.3 atha tṛtīyaḥ paṭalaḥ .  
antarvedi śākhāyāḥ palāśāni praśātya sarvāṇi mūlataḥ parivāsya .  
upaveṣo'si yajñāya tvāṃ pariveṣamadhārayan . indrāya haviḥ kṛṇvantaḥ śivaḥ śagmo bhavāsi na iti tamupabeṣaṃ karoti .  
tasyāṃ trivṛddarbhamayaṃ pavitramavidalaṃ karoti .  
trivṛtpalāśe darbha iyānprādeśasaṃmitaḥ . yajñe pavitraṃ potṛtamaṃ payo havyaṃ karotu ma iti mūle mūlamupasṛjatyagre'graṃ na granthiṃ karoti .  
vasūnāṃ pavitramasi śatadhāramiti vā .  
sāyam̐ hute'gnihotre .  
dvaṃdvam̐ sāṃnāyyapātrāṇi prakṣālya nyañci prayunakti .  
agnihotrahavaṇīmukhāmupaveṣam̐ śākhāpavitramabhidhānīṃ nidāne dohanamayaspātraṃ dārupātraṃ vā pidhānārtham .  
samāvapracchinnāgrau darbhau prādeśamātrau pavitre karoti .  
pavitre stho vaiṣṇavī vāyurvāṃ manasā punātviti tṛṇaṃ kāṣṭhaṃ vā'ntardhāya chinatti .  
na nakhenemau prāṇāpānau yajñasyāṅgāni sarvaśaḥ . āpyāyayantau saṃcaratāṃ pavitre havyaśodhana ityabhimantrya .  
viṣṇormanasā pūte stha ityadbhirunmārṣṭi .  
agnihotrahavaṇyāṃ pavitrāntarhitāyāmapa ānīya .  
devo va iti paccho gāyatryodagagrābhyāṃ pavitrābhyāṃ trirutpunāti .  
āpo devīrityanumantryate .. 8 ..

- [Previous: 2.6.1.p21](https://indike.org/pramana/in.jaina.post.vidhi.mantra.kalpah.2.6.1.p21)
- [Next: 2.6.1.p23](https://indike.org/pramana/in.jaina.post.vidhi.mantra.kalpah.2.6.1.p23)
- [Up: 2.6.1](https://indike.org/pramana/in.jaina.post.vidhi.mantra.kalpah.2.6.1)

## Linked texts (1)

- [Taittirīyabrāhmaṇa](https://indike.org/pramana/in.veda.brahmana.taittiriya.3.7.4.11) — Sanskrit

---
Source: [https://indike.org/pramana/in.jaina.post.vidhi.mantra.kalpah.2.6.1.p22](https://indike.org/pramana/in.jaina.post.vidhi.mantra.kalpah.2.6.1.p22) · Pramāṇa