<!-- Pramāṇa, a library of Indian primary sources · https://indike.org/pramana/in.jaina.post.vidhi.mantra.kalpah.2.6.1.p27 -->

[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Ritual, consecration and mantra](https://indike.org/pramana/in.jaina.post.vidhi) › [Mantras, diagrams and the cults of deities](https://indike.org/pramana/in.jaina.post.vidhi.mantra) › [Kalpah](https://indike.org/pramana/in.jaina.post.vidhi.mantra.kalpah) › 2.6.1.p27

# Kalpah 2.6.1.p27

Kalpaḥ 2.6.1.p27

- **Language:** Sanskrit

### [2.6.1.p27](https://indike.org/pramana/in.jaina.post.vidhi.mantra.kalpah.2.6.1.p27)

1.4 atha caturthaḥ paṭalaḥ .  
anyām̐ śākhāmāhṛtya tenaiva kalpena tayā darbhairvā prātardohāya vatsānapākaroti yathā sāyaṃdohāya .  
upadhāya kapālāni prātardohaṃ dohayati tasya sāyaṃdohena kalpo vyākhyātaḥ .  
aprasram̐sāya yajñasyokhe upadadhāmyaham . paśubhiḥ saṃnītaṃ vibhṛtāmindrāya śṛtamiti mantrāntam̐ saṃnamati .  
udagagram̐ śākhāpavitramādadhāti .  
nā''tanakti .  
nāsomayājī saṃnayedato khalvāhuḥ kāpeyāḥ saṃneyamevāsomayājineti .  
aindram̐ sāṃnāyyam̐ someneṣṭvā mahendraṃ yajeta .  
api vā saṃvatsaraṃ dvau vendramiṣṭvā'gnaye vratapata- ye'ṣṭākapālaṃ nirupya kāmaṃ mahendraṃ yajeta .  
auvā gautamo bhāradvājaḥ śuśruvāngrāmaṇī rājanya iti sarvatra kāmaṃ mahendraṃ yajeran .  
paristṛṇīta paridhattāgniṃ parihito'gniryajamānaṃ bhunaktu . apām̐ rasa oṣadhīnām̐ suvarṇo niṣkā ime yajamānasya santu kāmadughā amutrāmuṣmim̐lloka iti saṃpreṣyati .  
darbhairagnīnparistṛṇāti .  
āhavanīyaṃ paristīrya gārhapatyamatha dakṣiṇāgniṃ gārha patyaṃ vā paristīrya dakṣiṇāgnimathā''havanīyam .  
udagagrāḥ paścātpurastācca bhavanti .  
etatkṛtvopavasatyamāvāsyāyām .  
paurṇamāsyāṃ tu .  
pūrvedyuragnyanvādhānamagniparistaraṇaṃ ca .  
śvo bhūta idhmābarhirvedaṃ ca karoti .  
sadyo vā .  
sarvaṃ kriyate. .. 12 ..

- [Previous: 2.6.1.p26](https://indike.org/pramana/in.jaina.post.vidhi.mantra.kalpah.2.6.1.p26)
- [Next: 2.6.1.p28](https://indike.org/pramana/in.jaina.post.vidhi.mantra.kalpah.2.6.1.p28)
- [Up: 2.6.1](https://indike.org/pramana/in.jaina.post.vidhi.mantra.kalpah.2.6.1)

---
Source: [https://indike.org/pramana/in.jaina.post.vidhi.mantra.kalpah.2.6.1.p27](https://indike.org/pramana/in.jaina.post.vidhi.mantra.kalpah.2.6.1.p27) · Pramāṇa