<!-- Pramāṇa, a library of Indian primary sources · https://indike.org/pramana/in.jaina.post.vidhi.mantra.kalpah.2.6.1.p29 -->

[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Ritual, consecration and mantra](https://indike.org/pramana/in.jaina.post.vidhi) › [Mantras, diagrams and the cults of deities](https://indike.org/pramana/in.jaina.post.vidhi.mantra) › [Kalpah](https://indike.org/pramana/in.jaina.post.vidhi.mantra.kalpah) › 2.6.1.p29

# Kalpah 2.6.1.p29

Kalpaḥ 2.6.1.p29

- **Language:** Sanskrit

### [2.6.1.p29](https://indike.org/pramana/in.jaina.post.vidhi.mantra.kalpah.2.6.1.p29)

prātaragnihotram̐ hutvodita ādityepaurṇamāsyā- stantraṃ prakramayati prāgudayādamāvāsyāyāḥ .  
karmaṇe vāmiti pāṇī prakṣālya .  
yajñasya saṃtatirasi yajñasya tvā saṃtatyai stṛṇāmi saṃtatyai tvā yajñasyeti gārhapatyātsaṃtatāmulaparājīm̐ stṛṇātyāhavanīyāttūṣṇīṃ dakṣiṇāṃ tūṣṇīmuttarām .  
dakṣiṇenā''havanīyaṃ brahmayajayānayoḥ sadane karoti .  
pūrvaṃ brahmaṇe'paraṃ yajamānāya .  
uttareṇa gārhapatyaṃ darbhānsam̐stīrya dvaṃdvaṃ pātrāṇi prakṣālya nyañci prayunakti .  
sphyaṃ kapālāni .  
agnihotrahavaṇīm̐ śūrpam .  
kṛṣṇājinam̐ śamyām .  
ulūkhalaṃ musalam  
dṛṣadamupalām .  
khādiram̐ sruvaṃ pālāśīṃ juhūmāśvatthīmupabhṛtaṃ vaikaṅkatīṃ dhruvām .  
aratnimātryo bāhumātryo vā mukhavatyo haṃsamukha- prasecanā agrāgrā bhavanti tvaktobilā vāyasapucchya ityekeṣām̐ hastyoṣṭhya ityekeṣām .  
ājyasthālīṃ kuṭarum .  
pātrīṃ mekṣaṇam .  
vedaṃ prāśitraharaṇam .  
praṇītāpraṇayanamiḍāpātraṃ ca .  
ekāmanvāhāryasthālīm .  
teṣāṃ yānyanādiṣṭavṛkṣāṇi vikaṅkatasya tāni .  
ahomārthāni tu vāraṇasya .  
atra prātardohapātrāṇi prayunakti .  
atrāsaṃnayataḥ pavitre karoti .  
pūrvedyuḥkṛte saṃnayato dhāryete .  
dakṣāya tveti praṇītāpraṇayanaṃ camasamādāya .. 13 ..

- [Previous: 2.6.1.p28](https://indike.org/pramana/in.jaina.post.vidhi.mantra.kalpah.2.6.1.p28)
- [Next: 2.6.1.p30](https://indike.org/pramana/in.jaina.post.vidhi.mantra.kalpah.2.6.1.p30)
- [Up: 2.6.1](https://indike.org/pramana/in.jaina.post.vidhi.mantra.kalpah.2.6.1)

---
Source: [https://indike.org/pramana/in.jaina.post.vidhi.mantra.kalpah.2.6.1.p29](https://indike.org/pramana/in.jaina.post.vidhi.mantra.kalpah.2.6.1.p29) · Pramāṇa