trayaścaturdaśarātrāḥ . yaṃ kāmaṃ kāmayante tamabhyaśnuvate. atirātraḥ pṛṣṭhyaḥ ṣaḍaha āvṛttaḥ pṛṣṭhyaḥ ṣaḍaho'tirātraḥ. sarvāmṛddhimṛdhnuvanti ya etā upayantyatirātraḥ . pṛṣṭhyaḥ ṣaḍahaḥ pṛṣṭhyaḥ ṣaḍahastrayastrim̐śārambhaṇo'tirātro dvitīyaṃ brahmavarcasakāmā upeyuḥ . atirātro jyotirgaurāyustryahaḥ pṛṣṭhyaḥ ṣaḍaha āyurgojyautiratirātrastṛtīyaṃ pratiṣṭhākāmā upeyuḥ. atirātro gauścā''yuśca dve ahanī dvādaśāhasya daśāhānyatirātraḥ .. (kha01) .. 16..

2.6.18.17

catvāraḥ pañcadaśarātrāḥ .. 17 ..

2.6.18.18

devatvaṃ gacchanti .. 18 ..

2.6.18.20

amāvāsyāyāṃ prāyaṇīyo'ṣṭamyāṃ mahāvratam . paurṇamāsyāmudayanīya itarathā yuktaṃ vopeyuḥ .. atirātraḥ pṛṣṭhyaḥ ṣaḍaho mahāvrataṃ pṛṣṭhyaḥ ṣaḍahastrayastrim̐śārambhaṇo'tirātraḥ .. 19 .. dvitīyaṃ yām̐stalpa udake vivāhe vā mīmām̐seran. atirātro jyotirgaurāyustryahaḥ pṛṣṭhyaḥ ṣaḍaho mahāvratamāyurgaurjyotiratirātraḥ . tṛtīyaṃ pratiṣṭhākāmā upeyuḥ . trivṛdagniṣṭomo jyotirgaurāyustryaho dvādaśāhasya daśāhānyatirātraḥ . caturtham̐ svargakāmā upeyuḥ . atirātro jyotirgaurāyustryaho dvādaśāhasya daśāhānyatirātraḥ. aindreṇa ṣoḍaśarātreṇa sarvābhijitīrvijayanto'bhipūrvamannādyamāyanti . etā eva samahāvratāḥ .. 18.1.20 ..

2.6.18.21

saptadaśarātramannādyakāmā upeyuḥ. atirātro jyotirgaurjyotirgaurāyuḥ pañcāhaḥ . dvādaśāhasya daśāhānyatirātraḥ .. 21 ..

2.6.18.22

aṣṭādaśarātraṃ brahmavarcasakāmā upeyuḥ . atirātro'bhiplavaḥ ṣaḍaho dvādaśāhasya daśāhānyatirātraḥ .. 22 ..

2.6.18.23

ekānnavim̐śatirātreṇa . sarveṣāṃ paśūnāmādhipatyaṃ gacchanti . etā eva samahāvratāḥ .. 23 ..

2.6.18.24

vim̐śatirātreṇa brahmavarcasino'nnādā bhavanti . ya etā upayanti . atirātro gauścā''yuśca dve ahanī . abhiplavaḥ ṣaḍaho dvādaśāhasya daśāhānyatirātraḥ .. (kha0 2) .. 24 ..

2.6.18.25

dvāvekavim̐śatirātrau . yaṃ kāmaṃ kāmayante tamabhyaśnuvate . sarvāmṛddhimṛdhnuvanti . vasīyām̐so bhavanti . ya etā upayantyatirātraḥ pṛṣṭhyaḥ ṣaḍahastrayaḥ svarasāmāno divākīrtyamahastrayaḥ svarasāmānaḥ pṛṣṭhyaḥ ṣaḍahastrayastrim̐śāramṇo'tirātro nidāgha upayanti saumāpauṣṇaṃ paśumālabhante . manorṛcaḥ sāmidhenyo bhavanti ..25..

2.6.18.26

dvitīyenobhayorlokayorṛdhnuvanti . asmim̐ścāmuṣmim̐śca. ya etā upayantyatirātro'bhiplavaḥ ṣaḍaho'bhiplavaḥ ṣaḍaho'tirātraḥ .. 26 ..

2.6.18.27

dvāvim̐śatirātraṃ brahmavarcasakāmā upeyuḥ . atirātro jyotirgaurāyustryaho'bhiplavaḥ . ṣaḍaho dvādaśāhasya daśāhāni mahāvrataṃ cātirātraḥ .. 27 ..

2.6.18.28

trayovim̐śatirātraṃ pratiṣṭhākāmā upeyuriti . atirātro jyotirgaurāyuḥ pañcāho'bhiplavaḥ. ṣaḍaho dvādaśāhasya daśāhānyatirātraḥ .. 28 ..

2.6.18.29

dvau caturvim̐śatirātrau . yaṃ kāmaṃ kāmayante tamabhyaśnuvate . sarvāmṛddhimṛdhnuvanti . vasīyām̐so bhavanti . ya etā upayantyatirātro dvāvabhiplavau . dvādaśāhasya daśāhānyatirātraḥ (kha0 3) .. 29 ..

2.6.18.29_1

iti satyāṣāḍhahiraṇyakeśisūtre'ṣṭādaśapraśne prathamaḥ paṭalaḥ .
18.2
athāṣṭādaśapraśne dvitīyaḥ paṭalaḥ .
sam̐sadā caturvim̐śatirātreṇa svarge loke sīdanti . ya etā upayantyatirātraścaturvim̐śa ukthya ārambhaṇīyastrivṛdvā pṛṣṭhyaḥ stomaḥ ṣaḍahaḥ . atha trayastrim̐śamaharniruktamuktamupahavyasya tantre klṛptaṃ tasya kaṇvarathaṃtaraṃ mādhyaṃdine savane yattrayastrim̐śamaharniruktaṃ triṇavaṃ dve ekavim̐śe triṇavaṃ trayastrim̐śamaharniruktaṃ pṛṣṭhyaḥ stomaḥ ṣaḍahaḥ pratyaṅtrivṛdaharniruktaṃ jyotirvaiśvānaro'tirātraḥ .. 1..

2.6.18.29_2

pañcavim̐śatirātramannādyakāmā upeyuḥ . atirātro dvāvabhiplavau . dvādaśāhasya daśāhāni mahāvrataṃ cātirātraśca .. 2..

2.6.18.29_3

ṣaḍvim̐śatirātraṃ svargakāmā upeyuḥ . atirātro gauścā''yuśca dve ahanī dvāvabhiplavau . dvādaśāhasya daśāhānyatirātraḥ .. 3 ..

2.6.18.29_4

saptavim̐śatirātreṇā''dityalokaṃ jayanti etā eva samahāvratāḥ .. 4..

2.6.18.29_5

aṣṭāvim̐śatirātraṃ brahmavarcasakāmā upeyuḥ . atirātro jyotirgaurāyustryaho dvāvabhiplavau . dvādaśāhasya daśāhāni mahāvrataṃ cātirātraśca ..5..

2.6.18.29_6

ekānnatrim̐śadrātram̐ śrīkāmā upeyuḥ . atirātro jyotirgaurāyurgaurāyuḥ pañcāho dvāvabhiplavau dvādaśāhasya daśāhānyatirātraḥ .. 6..

2.6.18.29_7

trim̐śadrātramannādyakāmā upeyuḥ . atirātrastrayo'bhiplavā dvādaśāhasya daśāhānyatirātraḥ.. ( kha0 4 .. ) 7..

2.6.18.29_8

ekatrim̐śadrātreṇābhipūrvamannādyamāpnuvantyetā eva samahāvratāḥ ..8..

2.6.18.29_9

dvātrim̐śadrātraṃ brahmavarcasakāmā upeyuḥ . atirātro gauścā''yuśca dve ahanī . trayo'bhiplavāḥ . dvādaśāhasya daśāhānyatirātraḥ .. 9..

2.6.18.29_10

trayastrim̐śadrātramṛddhikāmā upeyuḥ . atirātrastrayaḥ pañcāhā viśvajidatirātrastrayaḥ pañcāhā atirātraḥ . dvitīyena yāvadvayena satreṇarddhimāpnuvanti . tāvatā samṛddhiratirātro'bhiplavaḥ ṣaḍaho'tirātro'bhiplavaḥ ṣaḍaho'tirātro'bhiplavaḥ . ṣaḍaho dvādaśāhasya daśāhāni mahāvrataṃ cātirātraśca . tṛtīyaṃ pratiṣṭhākāmā upeyuḥ . atirātrastrayaḥ pañcāhā viśvajidatirātra ekaḥ pañcāho dvādaśāhasya daśāhānyatirātraḥ .. 18.2.10 ..

2.6.18.29_11

catustrim̐śadrātraṃ brahmavarcasakāmā upeyuḥ . atirātro jyotirgaurāyustryahastryaho'bhiplavāḥ. dvādaśāhasya daśāhāni mahāvrataṃ cātirātraśca.. (kha05)..11..

2.6.18.29_12

pañcatrim̐śadrātreṇa saṃvatsarādā'muṣmādādityādannādyamavarundhate . ya etā upayanti . atirātro jyotirgaurāyurgaurāyuḥ pañcāhastrayo'bhiplavāḥ. dvādaśāhasya daśāhānyatirātraḥ .. 12 ..
ṣaṭtrim̐śadrātram̐ svargakāmā upeyuḥ . atirātraścatvāro'bhiplavāḥ . dvādaśāhasya daśāhānyatirātraḥ .. 13 ..

2.6.18.29_13

saptatrim̐śadrātreṇā''dityaṃ lokaṃ jayantyetā eva samahāvratāḥ .. 14 ..

2.6.18.29_14

aṣṭatrim̐śadrātreṇa brahmavarcasakāmā upeyuḥ. atirātro gauścā''yuśca dve ahanī . catvāro'bhiplavāḥ. dvādaśāhasya daśāhānyatirātraḥ .. 15 ..

2.6.18.29_15

ekonacatvārim̐śadrātreṇa sarveṣāṃ paśūnāmādhipatyaṃ gacchanti . prajākāmā upeyuratirātro jyotirgaurāyustryahaścatvāro'bhiplavā dvādaśāhasya daśāhānyatirātraḥ .. 16 .. catvārim̐śadrātreṇa paramāyāṃ virāji pratiṣṭhāṃ gacchanti . etā eva samahāvratāḥ .. (kha0 6) ..17..

2.6.18.29_16

iti satyāṣāḍhahiraṇyakeśisūtre'aṣṭādaśapraśne dvitīyaḥ paṭalaḥ ..

2.6.18.29_17

18.3
athāṣṭādaśapraśne tṛtīyaḥ paṭalaḥ .
vidhṛtirekasmānna pañcāśo vipāpmanā bhrātṛvyeṇā''vartante . ya etā upayantyatirātrastrayastrivṛto'gniṣṭomā atirātro daśa pañcadaśā ukthyāḥ ṣoḍaśimaddaśamamaharatirātro dvādaśa saptadaśā ukthyā atirātraḥ pṛṣṭhyaḥ ṣaḍaho'tirātro dvādaśaikavim̐śā ukthyā atirātro'yamatirātraḥ .. 1..

2.6.18.29_18

dvitīyo'yamevaiteṣām̐ śrīrbhavati . mitraśca varuṇaśca dhātā cāryamā cām̐śaśca bhagaścendraśca vivasvām̐ścetyetāsāṃ devatānāmṛddhimṛdhnuvanti . vasīyām̐so bhavanti . ya etā upayantyatirātraḥ . dvāvabhiplavau . goāyuṣī dvau dvāvabhiplavāvabhijicca viśvajiccātirātrāveko'bhiplavaḥ sarvastomo nava saptadaśāścātirātrā dvādaśāhasya daśāhāni mahāvrataścātirātraśca .. (kha0 7) .. 2 ..

2.6.18.29_19

āñjanābhyañjanīyastṛtīyo yāṃ na jānīyuryadā vā'ñjate'bhi vā'ñjate śubhamevā''tmandadhate jānantyenān gaulgulavena prātaḥsavane . saugandhikena mādhyaṃdine savane . pautudāraveṇa tṛtīyasavane . ya etā upayantyatirātraścatvāro'bhiplavāḥ sarvastomo'tirātro navarātragarbhaśca dvāvabhiplavau dvādaśāhasya daśāhānyatirātro navarātragarbhaścaturthaḥ . saṃvatsarasaṃmitā saṃvatsarasya prasavaṃ gacchanti ya etā upayantyatirātraścaturvim̐śa ukthyaścā''rambhaṇīyastrivṛdvau dvāvabhiplavau pṛṣṭhyaḥ ṣaḍaho'bhijittrayaḥ svarasāmāno divākīrtyamahastrayaḥ svarasāmāno viśvajideko'bhiplavaḥ pratyaṅgo āyuṣī dvādaśāhasya daśāhāni mahāvrataṃ cātirātraśca .. ( kha0 8) .. savituḥ kakuhaḥ pañcamaḥ sarvasya prasavaṃ gacchanti . ya etā upayantyatirātrastrīṇi trivṛntyahānyagniṣṭomamukhaḥ ṣaḍaho'dhi yāni trīṇi trivṛntyahānyagniṣṭomāvabhita ukthyaṃ madhye tathaiva nava pañcadaśāni nava saptadaśāni navaikavim̐śāni dvādaśāhāni mahāvrataṃ cātirātraśca . ṛtūnām̐ ṣaṣṭhaṃ pratiṣṭhākāmā upeyuḥ. atirātraścatvāro'bhiplavā mahāvratam . dvāvabhiplavau dvādaśāhasya daśāhānyatirātram . indrāgnyoḥ saptamo'tyanyāḥ prajā bhavantyojiṣṭhā bhavanti . ya etā upayantyatirātraḥ . ṣaḍabhiplavā mahāvrataṃ dvāvabhiplavau dvādaśāhasya daśāhānyatirātraḥ .. (kha09) .. 3 ..

2.6.18.29_20

ekaṣaṣṭirātreṇa yaṃ kāmaṃ kāmayante tamabhyaśnuvate sarvāmṛddhimṛdhnuvanti vasīyām̐so bhavanti . ya etā upayanti atirātraścaturvim̐śa ukthya ārambhaṇīyastrivṛdvā trayo'bhiplavāḥ pṛṣṭhyaḥ ṣaḍaho'bhijittrayaḥ svarasāmāno divākīrtyamahastrayaḥ svarasāmāno'bhijittrayastrim̐śārambhaṇaḥ pṛṣṭhyaḥ ṣaḍaha eko'bhiplavaḥ pratyaṅgo āyuṣī dvādaśāhasya daśāhāni mahāvrataṃ cātirātraśca .. 4 ..

2.6.18.29_21

devānām̐ śatarātreṇa devatvaṃ gacchanti . ya etā upayantyatirātro jyotirgaurāyustryahaścaturdaśābhiplavāḥ dvādaśāhasya daśāhāni mahāvrataṃ cātirātra ścābhiprayantaḥ samānatra vā tiṣṭhanto'bhiṣuṇvanti ..(kha0 10)..5..

2.6.18.29_22

ādityānāmayanenaiṣu lokeṣu pratitiṣṭhanti .. 6..

2.6.18.29_23

gavāmayanena vyākhyātam .. 7..

2.6.18.29_24

sarve'bhiplavā māsāṃ madhye pṛṣṭhyaḥ pañcadaśastrivṛto'bhiplavāḥ .. 8 ..

2.6.18.29_25

abhijitaḥ sthāne trivṛdbṛhaspatisavaḥ ..9..

2.6.18.29_26

viśvajitaḥ sthāne pañcadaśa indrastomaḥ .. 18.3.10 ..

2.6.18.29_27

pṛṣṭhābhiplavāvupetya vyūḍhā agniṣṭomāstrivṛta udbhidbalabhidbhyāmiti . ū( dvyū )no māsa uttame saṃbhārye'bhiplavati . yāṃ madhye ṣaṣṭhyaḥ ṣaḍaha ūrdhvaṃ goāyuṣī .. 11 ..

2.6.18.29_28

chandomā daśarātraḥ .. 12 .

2.6.18.29_29

pratyaṅṅaṣṭācatvārim̐śaṃ catuścatvārim̐śaṃ ṣaṭtrim̐śaṃ dvātrim̐śaṃ trim̐śaṃ dve aṣṭāvim̐śe pañcavim̐śaṃ caturvim̐śamavivākyaṃ daśamaṃ mahāvratamudayanīyaścātirātra iti .. 13 ..

2.6.18.29_30

aṅgirasāmayanam̐ svargakāmā upeyuḥ .. 14 ..

2.6.18.29_31

ādityānāmayanena vyākhyātam . 15 ..

2.6.18.29_32

sarve'bhiplavā māsāḥ purastātpṛṣṭhyāḥ prāgviṣuvata upariṣṭātpṛṣṭhyā ūrdhvaṃ viṣuvataśchandomā daśarātraḥ . ūrdhvam̐ stomaḥ pañcavim̐śaṃ dve aṣṭāvim̐śe trim̐śaṃ dvātrim̐śam̐ ṣaṭtrim̐śaṃ catvārim̐śamaṣṭācatvārim̐śaṃ catuścatvārim̐śamaṣṭācatvārim̐śaṃ caturvim̐śamavivākyaṃ daśamaṃ mahāvratamudayanīyaṃ cātirātra iti .. 16 ..

2.6.18.29_33

dṛtivātavatorayanena yaṃ kāmaṃ kāmayante tamabhyaśnuvate sarvāmṛddhimṛdhnuvanti vasīyām̐so bhavanti . ya etā upayantyatirātraḥ .. (kha0 11). 17 ..

2.6.18.29_34

iti satyāṣāḍhahiraṇyakeśisūtre'ṣṭādaśapraśne tṛtīyaḥ paṭalaḥ ..

2.6.18.29_35

18.4
athāṣṭādaśapraśne caturthaḥ paṭalaḥ ..
trivṛtā māsaṃ pañcadaśena māsam̐ saptadaśena māsamekavim̐śena māsaṃ triṇavena māsaṃ trayastrim̐śena māsam . eta evottare māsāstrayastrim̐śārambhaṇastrivṛduttamā atirātraḥ..1..

2.6.18.29_36

kuṇḍapāyināmayane māsaṃ dīkṣitāḥ 2..

2.6.18.29_37

rājānaṃ krītvopanahya dvādaśabhirupasadbhiścaritvā haviryajñamāsairyajante .. 3.. māsamagnihotraṃ juhvati .. 4 ..

2.6.18.29_38

māsaṃ darśapūrṇamāsābhyāṃ yajante .. 5 ..

2.6.18.29_39

māsaṃ vaiśvadevena māsaṃ varuṇapraghāsairmāsam̐ sākamedhaiḥ māsam̐ śunāsīrīyeṇa . trivṛtā māsaṃ pañcadaśena māsamekavim̐śena māsaṃ triṇavena māsamaṣṭādaśa trayastrim̐śānyahāni dvādaśāhasya daśāhāni mahāvrataṃ cātirātraśca .. 6..

2.6.18.29_40

sarveṇa yajñena yajante .. 7 ..

2.6.18.29_41

sarve bhavanti .. 8 ..

2.6.18.29_42

atsarukaiścamasairbhakṣayanti ..9..

2.6.18.29_43

yo hotā so'dhvaryuḥ sa potā ya udgātā . sa neṣṭā so'cchāvāko yo maitrāvaruṇaḥ sa brahmā . sa pratihartā . yaḥ prastotā sa brāhmaṇāccham̐sī sa grāvastudyaḥ pratiprasthātā so'gnītsa unnetā gṛhapatirgṛhapatiḥ subrahmaṇyaḥ subrahmaṇyaḥ .. 18.4.10 ..

2.6.18.29_44

tapasvināmayane saṃvatsaraṃ dīkṣāḥ . saṃvatsaramupasadaḥ . saṃvatsaram̐ sutyāḥ .. 11 ..

2.6.18.29_45

prajāpaterdvādaśasaṃvatsaraṃ prajayā paśubhirjāyante .. 12 ..

2.6.18.29_46

ya etadupayanti trayastrivṛtaḥ saṃvatsarāstrayaḥ pañcadaśāstrayaḥ saptadaśāstraya ekavim̐śāḥ .. 13 ..

2.6.18.29_47

etadeva naimiṣīyāṇāṃ ( svargakāmā upeyuḥ . nava trivṛtaḥ saṃvatsarā nava pañcadaśā nava saptadaśā navaikavim̐śāḥ) śākyānām̐ ṣaṭtrim̐śatsaṃvatsaraṃ tarasapuroḍāśamagastyagṛhapatikam .. 14 ..

2.6.18.29_48

kāpyādhvaryavam̐ sam̐sthite sam̐sthite'hani gṛhapatirmṛgayāṃ prayāti .. 15 ..

2.6.18.29_49

sa yānmṛgānhanti . teṣāṃ tarasāḥ puroḍāśā bhavanti .. 16 ..

2.6.18.29_50

nava trivṛtaḥ saṃvatsarā nava pañcadaśā nava saptadaśā navaikavim̐śāḥ .. 17 ..

2.6.18.29_51

etena ha vai śākyo gauravītiḥ sarvāmṛddhimṛdhnotsarvāmṛddhimṛdhnuvanti . vasīyām̐so bhavanti . ya etadupayanti .. 18 ..

2.6.18.29_52

pañcavim̐śatistrivṛtaḥ saṃvatsarāḥ pañcavim̐śatiḥ pañcadaśāḥ pañcaviśatiḥ saptadaśāḥ pañcavim̐śatirekavim̐śāḥ .. 19 ..

2.6.18.29_53

agneḥ sahasrasādhyena sarvasya prasavaṃ gacchanti . . ya etadupayantyatirātraḥ sahasranāmāni trivṛto'gniṣṭomo'tirātraḥ .. 18.4.20 .. ( kha0 12 )..
trīṇi sārasvatāni .. 21 ..

2.6.18.29_54

mitrāvaruṇayoḥ prathamam . indrāgnyordvitīyam . aryamṇastṛtīyam .. 22 ..

2.6.18.29_55

sarasvatyā upamajjakena dīkṣante .. 23 ..

2.6.18.29_56

amāvāsyāyāṃ prāyaṇīyamahastadaharvatsānapākurvanti .. 24 ..

2.6.18.29_57

sam̐sthite'tirātre sāṃnāyyena yajante .. 25 ..

2.6.18.29_58

tasminsam̐sthite'dhvaryuḥ śamyāṃ parāsyati .. 26 ..

2.6.18.29_59

sā yatra nipatati tadgārhapatyaḥ . tataḥ ṣaṭtrim̐śatprakrameṣvāhavanīyam .. 27 ..

2.6.18.29_60

cakrīvanti sadohavirdhānānyāgnīdhraśca .. 28 ..

2.6.18.29_61

ulūkhalabudhno yūpaḥ prakṛṣya upopta eva .. 29 ..

2.6.18.30

noparavānkhananti .. 18.4.30 ..

2.6.18.31

ta etamāpūryamāṇapakṣamamāvāsyena yajanti ..31..

2.6.18.32

paurṇamāsyāṃ goṣṭoma ukthyo rathaṃtarasāmā .. 32 ..

2.6.18.34

tasminsam̐sthite paurṇamāsena yajante .. 33 ..
ta etamaparapakṣaṃ paurṇamāsena yajanti .. 34 ..

2.6.18.35

amāvāsyāyāmāyuṣṭoma ukthyo bṛhatsāmaivaṃ viparyāsayanti .. 35 ..

2.6.18.36

sarasvatyā dakṣiṇena tīreṇā''krośanto yānti .. 36..

2.6.18.37

dṛṣadvatyā apyaye'ponaptrīyaṃ ca nirupyātiyanti .. 37..

2.6.18.38

gavāṃ daśasu śate varṣabhamutsṛjanti .. 38 ..

2.6.18.39

yadā daśaśataṃ kurvantyathaikamutthānam . yadā śatam̐ sahasraṃ kurvantyathaikamutthānam . yadaiṣāṃ gṛhapatirmriyate'thaikamutthānam . yadā vā sarvaṃ jyāniṃ jīyantyathaikamutthānam . yadā plakṣaṃ prasravaṇaṃ prāpnuvantyathaikamutthānam . plakṣaṃ prasravaṇaṃ prāpyāgnaye kāmāyeṣṭiṃ nirvapanti .. 39 ..

2.6.18.40

tasyāmaśvāṃ puruṣīṃ ca dhenuke dattvā kārapacavaṃ (yaṃ) prati yamunāvabhṛthamabhyavayanti .. 18.4.40 ..

2.6.18.41

devamanuṣyebhyastiro bhavanti .. 41 ..

2.6.18.42

dvitīye'tirātre jyotirgaurāyurayanaṃ viśvajidabhijitā manuṣyebhyastirobhavanti .. 42 ..

2.6.18.43

dvitīye'tirātre jyotirgaurāyurayanaṃ viśvajidabhijitāvindrakukṣī . atyanyāḥ prajā bhavanti ..43..

2.6.18.44

ojiṣṭhā bhavanti .. 44..

2.6.18.45

tṛtīye'tirātrastrivṛtpañcadaśamapare goāyuṣī indrakukṣī .. 45 ..

2.6.18.46

aryamṇaḥ panthānaṃ yanti ..(kha)13.. devayānaṃ panthānaṃ gacchanti ..46..

2.6.18.47

dārṣadvate saṃvatsaraṃ brāhmaṇasya gā rakṣet .. 47..

2.6.18.48

saṃvatsaraṃ vyarṇe naitandhave'gnimindhīta .. 48 ..

2.6.18.49

saṃvatsare pariṇahyāgnīnādadhīta .. 49..

2.6.18.50

dṛṣadvatyā dakṣiṇena tīreṇā''gneyenāṣṭākapālena śamyāparāsā .. 18.4.50 ..

2.6.18.51

triḥ plakṣaṃ prati yamunāmavabhṛthamabhyavayanti .. 51..

2.6.18.52

tadeva manuṣyebhyastiro bhavati .. 52 ..

2.6.18.53

turāyaṇena sarvāmṛddhimṛdhnuvanti .. 53 ..

2.6.18.54

parameṣṭhitāṃ gacchanti .. 54 ..

2.6.18.55

āgneyo'ṣṭākapāla aindrāgna ekādaśakapālo vaiśvadevaṃ carum .. 55..

2.6.18.56

dīkṣitaḥ kṛṣṇājinaṃ pratimuñcate .. 56 ..

2.6.18.57

mānuṣi( ṣī )meva tena samṛddhimṛdhnoti .. 57 ..

2.6.18.58

yattapastapyate daivīṃ tena havirucchiṣṭavrato bhavati .. 58 ..

2.6.18.59

saṃvatsaramaharahariṣṭibhiryajate .. 59 ..

2.6.18.60

savanakalpo bhavati .. 18.4.60 ..

2.6.18.61

sarvasatreṇāpapunarmṛtyuṃ jayati .. 61 ..

2.6.18.62

ādityānāmivaiṣāṃ prakāśo bhavati .. 62 ..

2.6.18.63

atirātrāvagniṣṭomaṃ madhye .. 63 ..

2.6.18.64

sarvo daśadaśī saṃvatsaro dvādaśo viṣuvān .. 64 ..

2.6.18.65

trisaṃvatsaraṃ gavāmayanamādityānāmaṅgirasām . prajāpatiṃ bhūmānaṃ gacchantyabhisvargaṃ lokaṃ jayantyeṣu lokeṣu pratitiṣṭhanti .. 65 ..

2.6.18.68

prajāpateḥ sahasrasaṃvatsareṇa prajāpaterṛddhimṛdhnuvanti .. 66 ..
ya etadupayantyatirātraḥ sahasram̐ saṃvatsarāṃstrivṛto'gniṣṭomā atirātraḥ .. 67 ..
viśvasṛjām̐ sahasrasaṃvatsaraṃ viśvamenānanusṛjate . ya etadupayanti--pañcapañcāśatastrivṛtaḥ saṃvatsarāḥ pañcapañcāśataḥ pañcadaśāḥ paṃñcapaścāśataḥ saptadaśāḥ pañcapañcāśata ekavim̐śāḥ . viśvasṛjām̐ sahasrasaṃvatsaram . viśvamenānanusṛjate . ya etadupayanti . tatra śloko viśvasṛjaḥ prathamāḥ satramāsata sahasrasamaṃ prasutena yantaḥ . tato ha jajñe bhuvanasya gopā hiraṇmayaḥ śakunirbrahmanāmeti . tatra brahmaṇaḥ sāyujyam̐ salokatāṃ yanti ya etadupayanti ya etadupayanti .. (kha014) .. 68 ..

2.6.18.68_62

iti satyāṣāḍhahiraṇyakeśisūtre'ṣṭādaśapraśne caturthaḥ paṭalaḥ ..
iti satyāṣāḍhahiraṇyakeśisūtre'ṣṭādaśapraśnaḥ.

Linked texts (6)

Āpastambaśrautasūtra — Āpastamba, Sanskrit
Pañcaviṃśabrāhmaṇa — Sanskrit
Āśvalāyanaśrautasūtra (ed. Rāmanārāyaṇa Vidyāratna, Calcutta) — Sanskrit
Śāṅkhāyanaśrautasūtra — Śāṅkhāyana, Sanskrit
Taittirīyasaṃhitā — Sanskrit
Hiraṇyakeśiśrautasūtra (ed. Kāśīnāthaśāstrī Āgāśe, Ānandāśrama 1907, with Mahādeva's Vaijayantī) — Sanskrit