Kalpah 2.6.28

Kalpaḥ 2.6.28

Language: Sanskrit

2.6.28.2

puruṣāhutirhyasya priyatameti vijñāyate .. 2..

2.6.28.3

āhitāgnermaraṇasam̐śaye prācīnāvitī dahanadeśaṃ joṣayate .. 3..

2.6.28.4

dakṣiṇāpratyakpravaṇamaniriṇamasuṣiramanūṣaramabhaṅguramanūpahatamavisragdhāryamanupacchannaṃ pravaṇam .. 4 ..

2.6.28.5

yasmāddakṣiṇāpratīcyā apo niḥsṛtyodīcya etya mahānadīmupetya prācyaḥ saṃpadyante .. 5..

2.6.28.6

samaṃ vā sa(su)bhūmiṃ bahulauṣadhiṃ vanasyāvanaṃ kṣetrasya(syā) kṣetrīmīraṇasyāniriṇamityeke .. 6 ..

2.6.28.7

yasmādārātkṣīriṇo vṛkṣāḥ kaṇṭakinaśca .. 7 ..

2.6.28.9

tasmim̐stridhollikhyoddhṛ(ddha )tyāvokṣya gārhapatyamāthatvā''havanīyaṃ jvalantamuddharati .. 9..

2.6.28.10

antarā dāruciteravakāśam̐ śiṣṭvā'gnīnupavapati purastādāhavanīyaṃ paścādgārhapatyaṃ dakṣiṇato'nvāhāryapacanaṃ purastātsabhyāvasathyāvaupāsanaṃ ca ..28.1.10..

2.6.28.12

prāṇā vā etadāhitāgneryadagnayasta enam̐ susamiddhāḥ pālayantyagado ha bhavatīti vijñāyate .. 12 ..

2.6.28.13

tasyaitadagnihotroccheṣaṇaṃ nidadhāti .. 13 ..

2.6.28.14

grāme vā'syaitena kalpena juhuyāt .. 14 ..

2.6.28.15

yadi jīvetpibedagnihotroccheṣaṇam .. 15 ..

2.6.28.16

yadi maraṇasam̐śaye brahmavidāpnoti paraṃ bhṛgurvaivāruṇirityetāvanuvākau brahmavido dakṣiṇe karṇe japati .. itarasyā āyuṣaḥ prāṇam̐ saṃtanviti ..16..

2.6.28.17

yadi preti prete'mātyāḥ prācīnāvītino keśān prakīrya pām̐sūnāvapante .. 17 ..

2.6.28.18

taṃ jaghanena gārhapatyaṃ dakṣiṇāśirasaṃ darbheṣu saṃveśayanti sarvasya pratiśīvarīti .. 18 ..

2.6.28.19

sarveṣu saṃveśaneṣu dakṣiṇāśirāḥ .. 19..

2.6.28.20

pūrvayā dvāropanirhṛtyāntarā'gne(gnī) nipātyānvārabdhe mṛta āhavanīye sruvāhutiṃ juhoti pare yuvām̐samityevaṃ gārhapatye'nvāhāryapacane sabhyāvasathyayoraupāsane ca .. 28.1.20 ..

2.6.28.21

athāsya dakṣiṇena vihāraṃ pariśrite pretasya keśaśmaśrulomanakhāni vāpayitvā snāpayitvā grāmyeṇālaṃkṛtya śuklasūtreṇāṅguṣṭhau baddhvā naladamālāmābadhya .. 21 .. (kha0 1).

2.6.28.23

audumbaryāmāsandyāṃ kṛṣṇājinaṃ dakṣiṇāgrīvamadharalomā''stīrya tasminnevamuttānaṃ nipātya pattodaśenāhatena vāsasā prorṇotīdaṃ tvā vastramiti .. 22.. athāsyai(sye)taradapādatte'paitadūheti .. 23 ..

2.6.28.24

tatputro bhrātā vā'nyo vā pratyāsannabandhuḥ .. 24 ..

2.6.28.25

pratītaḥ paridhāyājarasovasītāthāpa upaspṛśya .. 25..

2.6.28.26

apareṇā''havanīyaṃ pratīcīstisra ulaparājīm̐ (jī)stīrtvā parāpūyāvahanānāṃ vrīhīṇāmanvāhāryapacane tūṣṇīmupacaritaṃ carum̐ śrapayati .. 26 ..

2.6.28.27

gārhapatye ca maitrāvaruṇīmāmikṣām .. 27..

2.6.28.29

pālāśaṃ kāṣṭhamagnyāgāratṛṇairgārhapatya ādīpya tenolmukena prathamā gacchantyajamanunayanti ..29..

2.6.28.30

rājagavīm̐ savye yadi baddhāmagnīnagnibhāṇḍamagnihotroccheṣaṇamiti ..28.1.30..

2.6.28.35

kṛṣṇagavam̐ syāditi śāṭyāyanakam .. 35..

2.6.28.36

imau yunajmītyeṣa yojana āmnātaḥ .. 36 ..

2.6.28.37

ādīyamānamanumantrayate pūṣā tvetaścāvayatviti .. 37..

turīyamadhvano gatvā nidhāya dakṣiṇato loṣṭānavarujya teṣu caruṃ pratiṣṭhāpyaikavāsaso dakṣiṇānkeśapakṣānudgrathya savyānvisrasya dakṣiṇānūrūnāghnānā sigbhiravadhūnvantastriḥ prasavyaṃ pariyantyapa naḥ śośucadaghamiti .. 38 ..

2.6.28.39

savyānudgrathya dakṣiṇānvisrasya savyānurūnāghnānā anabhidhūnvantastriḥ pratiparyantyapa naḥ śośucadaghamiti .. 39 ..

2.6.28.40

mekṣaṇena loṣṭeṣu carostriḥ prayauti .. 28.1.40 .. (kha0 2).

2.6.28.41

parītya parītya prayautītyeke .. 41 ..

2.6.28.42

ādīyamānamanumantrayate pūṣe mā āśā iti .. 42 ..

2.6.28.43

turīyamadhvano gatvā nidhāya pūrvavatkṛtvā''dīyamānamanumantrayata āyurviśvāyuriti .. 43 ..

2.6.28.44

turīyamadhvano gatvā nidhāya pūrvavatkṛtvā tṛtīyena saha caruṃ prakṣuṇuyāt .. 44 ..

2.6.28.45

athāsya kapālāni susaṃbhinnāni saṃbhinatti yathaiṣūdakaṃ na tiṣṭhet .. 45 ..

2.6.28.46

tūṣṇīṃ caturthamādāya gatvā jaghanena dahanadeśaṃ nidhāyodañcaḥ samutkrāmantītyeṣā vai devamanuṣyāṇām̐ śāntā diktāmevainānanūtkrāmayantīti vijñāyate .. 46 ..

2.6.28.47

pratyetya hariṇyā palāśaśākhayā śamīśākhayā vā śmaśānāyatanam̐ saṃmāryṭrapeta vīteti ..47..

2.6.28.48

dakṣiṇataḥ śākhāmudasixtvā'pa upaspṛśyoddhatyāvokṣya madhye hiraṇyaśakalaṃ nidhāya tasmindakṣiṇāgrāndarbhānsam̐stīrya teṣu dakṣiṇāgrairyājñikaiḥ kāṣṭhairdārucitiṃ citvā'gnīnupavapati purastādāhavanīyaṃ paścādgārhapatyaṃ dakṣiṇato'nvāhāryapacanaṃ purastātsabhyāvasathyāvaupāsanaṃ ca dakṣiṇāprāgagrairdabhairagniṃ dārucitiṃ ca paristīrya dakṣiṇataḥ paścādvā darbhānsam̐stīrya citerdakṣiṇato dakṣiṇāprāñcyekaikaśaḥ pātrāṇi prayunakti .. 48 ..

2.6.28.49

rajjūrapakṛṣyā''sandīmapavidhyanti .. 49 ..

2.6.28.50

rajjuṣu caiva kṛṣṇājine cottānaḥ śete .. 28.1.50 ..

2.6.28.51

ekapavitreṇa prokṣaṇīḥ sam̐skṛtya mṛtaṃ pātrāṇi dārucitiṃ ca prokṣyāthā''jyāni gṛhṇāti darśapūrṇamāsavattūṣṇīm .. 51 ..

2.6.28.52

agnihotroccheṣaṇamanyena dadhnā sam̐sṛjya pātrāṇi pūrayati yānyāsecanavantyabhyukṣatītarāṇyāriktatā iti vijñāyate .. 52 .. (kha0 3)..

2.6.28.52_1

iti satyāṣāḍhahiraṇyakeśiśrautasūtre(pitṛmedhāparaparyāye)'ṣṭāviṃśapraśne prathamaḥ paṭalaḥ..1..

2.6.28.52_2

28.2
atha dvitīyaḥ paṭalaḥ.
athainamudare vidārya nirāntraṃ niṣpurīṣaṃ kṛtvā'vaṭe purīṣamavadhāyāntrāṇi prakṣālya pratyavadhāya sarpiṣā pūrayatīti śāṭyāyani(na)kam .. 1..

2.6.28.52_3

api vā niṣpurīṣaṃ kuryāt . yadi kuryātprajā hāsya kṣodhukā bhavantīti vijñāyate .. 2..

2.6.28.52_4

atra rājagavi(vī)mupākaroti bhuvanasya pata iti . jaratīṃ mūrkhāṃ tajjaghanyāṃ kṛṣṇāṃ kṛṣṇākṣīṃ kṛṣṇavāhiṃ(lāṃ) kṛṣṇakhurām .. 3..

2.6.28.52_5

api vā'kṣibālakhurāmeva kṛṣṇām̐ syāt .. 4 ..

2.6.28.52_6

tāṃ jñātayo'nvārabhante .. 5..

2.6.28.52_7

athātyantapradeśo dhūnvane'nvārambhaṇe saṃgāhane sam̐sarpaṇa udakopasparśana ārohaṇa iti sarvatra kaniṣṭhaprathamā anupūrvā itare striyo'gre ..6..

2.6.28.52_8

tā ghnantyutsṛjanti vā .. 7..

2.6.28.52_9

yadyutsṛjantyapaśyāma yuvatimācarantī[ mi ]tyetābhistisṛbhistriḥ prasavyaṃ rājagavīmagniṃ dārucitiṃ ca pariṇīya ye jīvā ityabhimantrya mātā rudrāṇāmiti dvābhyāmutsṛjanti .. 8 .. ( kha0 4).

2.6.28.52_10

yadi ghnanti tatsaṃpreṣyatyapidhāya mukhaṃ dakṣiṇāpadīṃ pratyakśirasīṃ ghnantīti ..9..

2.6.28.52_11

nihanyamānāyāḥ savyāni jānūnyanunighnantaḥ pām̐sūnavamṛjanti puruṣasya sayāvarīti .. 28.2.10 ..

2.6.28.52_12

athā''ha visram̐saya( te )ti .. 11..

2.6.28.52_13

visraṃsyamānāmanumantrayate puruṣasya sayāvarī vi te prāṇamasi srasamiti .. 12..

2.6.28.52_14

[tataḥ] saṃpreṣyatyaṅgādaṅgādanasthikāni piśitānyutkhidyāprakvāthayanto'pracyāvayanta ulmukaiḥ śrapayatātprajñātahṛdayaṃ nidhattātprajñātau vṛkyā( kyau) prajñātameva prajñātāṃ vapāṃ prajñātam̐ sapādavālaśīrṣacarmeti .. 13 ..

2.6.28.52_15

atra patnīmupanipātayatīyaṃ nārīti .. 14 ..

2.6.28.52_16

tāmaviddha ekadhanenotthāpayatyanyo vā brāhmaṇa udīrṣva nārīti .. 15 ..

2.6.28.52_17

atra patnī sahasraṃ varaṃ dadāti .. 16..

2.6.28.52_18

pretasya hastau saṃmārṣṭi .. 17 ..

2.6.28.52_19

suvarṇena brāhmaṇasya suvarṇam̐ hastāditi .. 18 ..

2.6.28.52_20

dhanuṣā rājanyasya dhanurhastāditi .. 19..

2.6.28.52_21

maṇinā vaiśyasya maṇim̐ hastāditi .. 28.2.20 ..

2.6.28.52_22

athainaṃ citāvuparyadhyūhati .. 21..

2.6.28.52_23

atra vā patnyā saṃveśanādi kriyate .. 22..

2.6.28.52_24

athāsya prāṇāyataneṣu hiraṇyaśalkānpratyasyati .. 23..

2.6.28.52_25

ājyabindūnvā .. 24 ..

2.6.28.52_26

pātrāṇi cinoti .. 25..

2.6.28.52_27

sarvāṇyanulomāni dhruvāvarjam .. 26 ..

2.6.28.52_28

tasya dakṣiṇahaste syaṃvā juhuṃ(hūṃ) ca nidadhāti ..27..

2.6.28.52_29

savyamupabhṛtam .. 28..

2.6.28.52_30

urasi dhruvāmaraṇī ca .. 29 .. (kha05).
mukhe'gnihotrahavaṇīm .. 28.2.30..

2.6.28.52_31

nāsikayoḥ sruvau .. 31..

2.6.28.52_32

akṣṇorhiraṇyaśakalāvājyasthālīṃ pṛṣadājyasthālīṃ sruvau vā karṇayoḥ prāśitraharaṇe bhittvā ..32..

2.6.28.52_33

hanvorulūkhalamusale .. 33 ..

2.6.28.52_34

datsu grāvṇaḥ .. 34..

2.6.28.52_35

yadi grāvāṇo bhavanti .. 35..

2.6.28.52_36

śirasi kapālāni .. 36 ..

2.6.28.52_37

lalāṭa ekakapālam .. 37 ..
udare piṣṭasaṃyamanīṃ pātrīm .. 38..

2.6.28.52_38

nābhyāmājyasthālīṃ pṛṣadājyasthālīṃ ca .. 39..

2.6.28.52_39

pārśvayoḥ śūrpe chittvā vaikam .. 28.2.40 ..

2.6.28.52_40

akṣṇa(vaṅkṣaṇa)yoḥ sāṃnāyyakumbhyau ..41..

2.6.28.52_41

aṇḍayordṛṣadupale .. 42 ..

2.6.28.52_42

śiśne'śmānam̐ śamyāṃ ca .. 43 ..

2.6.28.52_43

ṣaṣṭha[pratiṣṭhayoḥ] agnihotrasthālīmanvāhāryasthālīṃ ca .. 44 ..

2.6.28.52_44

patta upāvaharaṇīyaṃ kūrcaṃ vedam .. 45 ..

2.6.28.52_45

śikhāyām̐ śirasta upasādanīyam .. 46 ..

2.6.28.52_46

iḍāpātraṃ ca ..47..

2.6.28.52_47

imamagne camasamiti madhye camasam .. 48..

2.6.28.52_48

avaśiṣṭānyantarā sakthīni .. 49..

2.6.28.52_49

eṣa yajñāyudhī yajamāno'ñjasā svargaṃ lokameteti vijñāyate .. 28.2.50 ..

2.6.28.52_50

ulmukairvyuṣṭānya(ke viyūṣkāṇya)vadānāni śrapayitvā hṛdaye'sya hṛdayaṃ nidadhāti .. 51 ..

2.6.28.52_51

dakṣiṇahaste dakṣiṇaṃ vṛkyaṃ savye savyaṃ śyāmaśabalābhyāṃ tviti .. 52..

2.6.28.53

hastayoreva maitrāvaruṇīmāmikṣāṃ mitrāvaruṇābhyāṃ tveti .. 53..

2.6.28.54

vapayā'sya mukhaṃ prorṇoti medasā śirasaṃ prorṇoti (ṇuṣva) medasaḥ pīvasā ceti (kha0 6). athainam̐ sapādavālaśīrṣacarmaṇottaralomnā prorṇotyagnervarmeti
.. 54..

2.6.28.55

athainamupoṣati mainamagne vidaha iti purastādāhavanīyena .. 55 ..

2.6.28.56

śṛtaṃ yadeti paścādgārhapatyena ..56..

2.6.28.57

tūṣṇīṃ dakṣiṇato'nvāhāryapacanena .. 57 ..

2.6.28.58

purastātsabhyāvasathyābhyāmaupāsanena ca .. 58 ..

2.6.28.59

athainamupatiṣṭhate sūryaṃ te cakṣuriti .. 59 ..

2.6.28.60

vijñānamupaiti yadyūrdhvaṃ dhūma udā(di)yādyutiloko bhavatīti vijñāyate . yadyantarikṣamantarikṣalokaḥ . yadi pṛthivīṃ pṛthivīlokaḥ.. 28.2.60 ..

2.6.28.61

jaghanena citimajamabalena śulbena saṃbadhnāti .. 61 ..

2.6.28.62

ajobhāgamityudra( ddra )vantamanumantrayate .. 62 ..

2.6.28.63

atraiva taddhaviścamasena juhoti-agnaye rayimate svāhati .. 63..

2.6.28.64

nava ca sruvāhutīrya etasya payo goptāra iti .. 64 ..

2.6.28.65

atrobhayaṃ praharati . yena juhoti .. 65..

2.6.28.66

apareṇāgniṃ prāṅmukha upaviśyāthainaṃ yāmyena sūktena navarcena parācā'nuśam̐sati praketuneti .. 66 ..

2.6.28.67

jaghanena dahanadeśamudīcīstisraḥ karṣūḥ khātvā'śmabhiḥ sikatābhiścāvakīryāyugbhirudukumbhairapaḥ pariplāvya tāsu jñātayaḥ saṃgāhante'śmanvatīrevatīriti .. 67 .. ( kha0 7).

2.6.28.68

jaghanena karṣūḥ palāśaśākhe śamīśākhe vā nighnanti .. 68..

2.6.28.69

athainaṃ(ne) darbhamayena śulbena saṃbadhyante( te )'ntareṇa prasarpanti yadvai devasya savituḥ pavitramiti .. 69 ..

2.6.28.70

jaghanyaḥ śākhe vyudasyati yā rāṣṭrātpannāditi .. 28.2.70 ..

2.6.28.71

udvayaṃ tamasasparītyādityamupasthāyānavekṣamāṇā ā(a) po'vagāhante--dhātā punātu savitā punātviti .. 71 ..

2.6.28.72

keśānprakīrya pām̐sūnopyaikavāsaso dakṣiṇāmukhāḥ sakṛdunmajjyottīrya savyaṃ jānvācya vāsa: pīḍayitvopaviśantyevaṃ tristatpratyaha( ya)m̐ gotranāmadheyaṃ tilamiśramudakaṃ trirutsicyāharaharañjalinaikottaravṛddhiraikādaśāhāt . apratīkṣā grāmametya yatpriya āhustatkurvanti .. 72 ..

2.6.28.73

aśanānadhyayanādhaḥ śayyodakopasparśanānyakālamanūcīneṣu dvyahaṃ tryaham̐ ṣaḍahaṃ dvādaśāhaṃ vā guruṣvaśanavarjam̐ saṃvatsaraṃ mātari pitaryācārya ityeke .. 73 ..

2.6.28.74

anaśanānadhyayanavarjaṃ yāvajjīvaṃ pretavatkṛto(patnyu)dekāpasparśanameke .. 74..

2.6.28.75

bhuktamadhaḥ śayyā brahmacaryaṃ kṣāralavaṇamadhumāṃsavarjanaṃ ca .. 75 .. (kha. 8)..

2.6.28.75_52

iti satyāṣāḍhahiraṇyakeśiśrautrasūtre (pitṛmedhāparaparyāye)'ṣṭāviṃśapraśne dvitīyaḥ paṭalaḥ ..2..

2.6.28.75_53

28.3
atha tṛtīyaḥ paṭalaḥ .
aparedyustṛtīyasyāṃ pañcamyām̐ saptamyāṃ vā'sthīni saṃcinvanti .. 1..

2.6.28.75_54

kṣīrosiktenodakenaudumbaraśākhayā prakvāthayañcharīrāṇyavokṣya yaṃ te agnimamanthāmeti pañcabhiḥ .. 2..

2.6.28.75_55

ata evāṅgārāndakṣiṇato nirvartya tisraḥ sruvāhutīrjuhotyavasṛjeti pratimantram .. 3..

2.6.28.75_56

ayugbhirudakumbhairavokṣitamavokṣyāyujaḥ striyaḥ saṃcinvanti ..4..

2.6.28.75_57

yasyāḥ punaḥ prajananaṃ na syātsā savye haste nīlalohitābhyāṃ sūtrābhyāṃ bṛhatīphalamābadhya savyena padā'śmānamāsthāya savyena pāṇinā prathamānanvīkṣamāṇā'sthīnyādatta uttiṣṭhata iti dadbhyaḥ śiraso vā .. 5..

2.6.28.75_58

tadvāsasi kumbhe vā nidadhāti .. 6 ..

2.6.28.75_59

idaṃ ta ekamiti dvitayyā(tīyās)m̐sābhyāṃ bāhubhyāṃ vā .. 7..

2.6.28.75_60

para u ta ekamiti tṛtīyā pārśvābhyāṃ śroṇībhyāṃ vā .. 8..

2.6.28.75_61

tṛtīyena jyotiṣeti caturthyūrubhyāṃ jaṅghābhyāṃ vā .. 9..

2.6.28.75_62

saṃveśana iti pañcamī padbhyām .. 28.3.10 ..

2.6.28.75_63

evamevāyujākāram̐ su[saṃ]citam̐ saṃcinvanti ..11..

2.6.28.75_64

bhasmābhisamūhya sam̐hatya śarīrākṛtiṃ kṛtvā śarīrāṇyādāyottiṣṭhaprehīti .. 12 ..

2.6.28.75_65

śamyāṃ palāśamūle vā kumbhaṃ nidhāya jaghanena kumbhaṃ karṣādi samānamā snānāt .. 13 ..

2.6.28.75_66

mṛdā snātītyeke .. 14 .. (kha0 9).

2.6.28.75_67

athāto haviryājino(yajñiyaṃ)nivapanam . yaṃ kāmayetānantalokaḥ syāditi .. 15 ..

2.6.28.75_68

samasyā uddhate'vokṣite sikatopopte pariśrite vāgyato'nanvīkṣamāṇo darbheṣvasthīni nivapati -- pṛthivyāstvā akṣityā apāmoṣadhīnām̐ rasena svarge loke nivapāmyasāviti .. 16 ..

2.6.28.75_69

anantaloko ha bhavatīti vijñāyate .. 17 ..

2.6.28.75_70

atha yadi punardhakṣyantaḥ syuḥ ( hṛdayaṃ nidadhāti ). agnihotrahavaṇīṃ kṛṣṇājinam̐ śamyāṃ dṛṣadupale ca nānuprahareyuḥ .. 18 ..

2.6.28.75_71

ata evāṅgārāndakṣiṇato nirvartya tisro rātrīriddhvā dahanavadavakāśaṃ joṣayitvā'gnimupasamādhāya saṃparistīryāpareṇāgniṃ dakṣiṇāgrāndarbhānsam̐stīrya teṣu kṛṣṇājine śamyāyāṃ dṛṣadupalābhyāṃ mavāñjanam̐ śarīrāṇi susaṃpiṣṭāni peṣayitvā'' jyakumbhe samudāyitvā'gnihotrahavaṇyā juhotyasmāttvamadhi jāto'sīti .. 19 ..

Linked texts (3)

Bhāradvājaśrautasūtra — Sanskrit
Āgniveśyagṛhyasūtra — Agniveśa, Sanskrit
Hiraṇyakeśiśrautasūtra (ed. Kāśīnāthaśāstrī Āgāśe, Ānandāśrama 1907, with Mahādeva's Vaijayantī) — Sanskrit