[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Ritual, consecration and mantra](https://indike.org/pramana/in.jaina.post.vidhi) › [Mantras, diagrams and the cults of deities](https://indike.org/pramana/in.jaina.post.vidhi.mantra) › [Kalpah](https://indike.org/pramana/in.jaina.post.vidhi.mantra.kalpah) › 2.6.4.p14 # Kalpah 2.6.4.p14 Kalpaḥ 2.6.4.p14 - **Language:** Sanskrit ### [2.6.4.p14](https://indike.org/pramana/in.jaina.post.vidhi.mantra.kalpah.2.6.4.p14) tānagnerbhasmāsīti sakṛdevottaranābhyāṃ nivapati . ūrṇāvantaṃ prathamaḥ sīda yonimityucyamāne yajña pratitiṣṭha sumatau suśevā ā tvā vasūni purudhā viśantu . dīrghamāyuryajamānāya kṛṇvannathāmṛtena jaritāramaṅdhi yajñaḥ pratyaṣṭhāditi saṃbhāreṣu pratiṣṭhāpayati . agneḥ kulāyamasīti dakṣiṇata upayamanīrupanivapati . manuṣvatvā nidhīmahi manuṣvatsamidhīmahi . agne manuṣvadaṅgiro devāndevāyate yajetyupasamindhe . agniryajñaṃ nayatu prajānanmainaṃ yajñahano'vidan . devebhyo yajñaṃ prabrūyātprapra yajñapatiṃ tira svāhā vāyurādityo yajño yajñaṃ nayatu prajānanmainaṃ yajñahano'vidan . devebhyo yajñaṃ prabrūtātprapra yajñapatiṃ tira svāheti cataso'timuktīrhutvā . juhūm̐ sruvaṃ ca saṃmṛjya caturgṛhītenāṣṭagṛhītena dvādaśagṛhītena vā srucaṃ pūrayitvā sapta ta iti pūrṇāhutiṃ juhoti .. 5 .. eṣo'trā''havanīyo yataḥ praṇīyate sa gārhapatyaḥ . āhavanīyaṃ gārhapatyaṃ dakṣiṇāgniṃ cānvādhāyedhmābarhirāharati . - [Previous: 2.6.4.p13](https://indike.org/pramana/in.jaina.post.vidhi.mantra.kalpah.2.6.4.p13) - [Next: 2.6.4.p15](https://indike.org/pramana/in.jaina.post.vidhi.mantra.kalpah.2.6.4.p15) - [Up: 2.6.4](https://indike.org/pramana/in.jaina.post.vidhi.mantra.kalpah.2.6.4) --- Source: [https://indike.org/pramana/in.jaina.post.vidhi.mantra.kalpah.2.6.4.p14](https://indike.org/pramana/in.jaina.post.vidhi.mantra.kalpah.2.6.4.p14) · Pramāṇa