Vidhimargaprapa 11

Vidhimārgaprapā 11

Language: Sanskrit

11.1

sattasu ya payakkhiṇāsu satta gaṃdhamuṭṭhīo havaṃti | anne akkhayadāṇāṇaṃtaraṃ egahelāe ciya satta gaṃdhamuṭṭhīo diṃti tti
davvārihaṃtasuyatthae paḍhamaṃ cautthaṃ, tao paṃca āyaṃbilāṇi, aṃte egā vāyaṇā dijjai

11.6

navaraṃ
ajjhayaṇāī tihiṃ rūvagehiṃ tinni, cauttharūvage dohiṃ pāehiṃ cautthamajjhayaṇaṃ, annehiṃ dohiṃ paṃcamaṃ

11.16

savvattha jattha jettiyāṇi aṃbilāṇi tattha tettiyāṇi ajjhayaṇāṇi bhavaṃti | siddhatthuīe uvahāṇaṃ
viṇāvi mālādiṇakaovavāsassa tiṇhaṃ gāhāṇaṃ vāyaṇā dijjai | na uṇa gāhādugassa | jeṇa coḍiyaparimāhiyaujjitatitthasaṃgahatthaṃ | dāhiṇadārapaviṭṭha-sirigoyamagaṇaharavaṃdiya-aṭṭhāvaya-sīhanisīhiicceiyaṭṭhiyajiṇabiṃbakamauvadaṃsaṇatthaṃ ca pacchā vuḍḍhehiṃ kayaṃ ti anne bhaṇaṃti | eyassa vi egā parivāḍī dijjai
vāyaṇā kira savvattha parivāḍītigeṇaṃ dijjai | eyassa puṇa gāhādugassa egā ceva parivāḍi tti bhāvattho
saṃpayaṃ puṇa jahottatavovihāṇaasāmatthā egavigaigahaṇa-egāsaṇa-pāraṇagaṃtariyā dasa uvavāsā
paṃcamaṃgalamahāsuyakkhaṃdhe kīraṃti | jao duvālasamaṭṭhamehiṃ aṭṭha uvavāsā, āyaṃbilaṭṭhageṇaṃ cattāri, miliyā
bārasa uvavāsā paṃcamaṃgalamahāsuyakkhaṃdhe | jayāvi dasa egāsaṇā, dasa uvavāsā, tayāvi cauhiṃ egāsaṇehiṃ
uvavāso tti duvālasovavāsā sāharegā jāyaṃti tti paramatthao so ceva tavovīhī | evaṃ ca vīsaṃ posahadiṇāī
bhavaṃti | ao ceva ‘vī sa ḍaṃ ti’ maṇṇai | jo ya asaddū pāraṇage dokāsaṇaṃ karei tassa ikkārasa uvavāsā
aṭṭhahiṃ dokāsaṇehiṃ ca ego uvavāso | evaṃ duvālasa || evaṃ ceva iriyāvahiyāsuyakkhaṃdhe vi
bhāvārihaṃtatthae paṇatīsaṃ posahadiṇāī uvavāsā iguṇavīsaṃ pāraṇaehiṃ saha pūrijaṃti
evaṃ ṭhavaṇārihaṃtatthae aṭṭhāijjā uvavāsā cattāri posahadiṇāī | eyaṃ ca uvahāṇadugaṃ egaṭṭhameva
vahijjai | ao ceva egūṇatte vi rūḍhīe ‘cā lī sa ḍaṃ’ti bhaṇṇai | ‡ukkheva-nikkhevā puṇa puḍho puḍho
kāyavvā
nāmārihaṃtatthae aṭṭhāvīsaposahadiṇā pannarasa uvavāsā pāraṇehiṃ saha pūrijjaṃti | ao ceva ‘a
ṭṭhā vī sa ḍaṃ’ti rūḍhaṃ | evaṃ suyatthae aṭṭhaṭṭha uvavāsā chapposahadiṇāī | ao ceva ‘cha kka ḍaṃ’ti bhaṇṇai
sāhu-sāhuṇīo ya nivigai-āyaṃbilovavāsehiṃ jahuttovavāsasaṃkhaṃ pūraṃti | na uṇa tesiṃ diṇasaṃkhāniyamo
vigaipaccemo vā
uvahāṇasāmāyārī samattā
§ 14. saṃpayaṃ eya ujjhamaṇarūvo mālārovaṇavihī bhaṇṇai | tattha puvvillo ceva naṃdikamo | nāṇattaṃ puṇa
eyaṃ | mālaggāhī bhaddo mālādiṇāo puvvadiṇe paramabhattīe vatthāsaṇāiṇā paḍilābhiyasāhu-sāhuṇivaggo,
vihiyasāhammiyavacchalo, pacce ya pasatthatihi-karaṇa-muhutta-nakkhatta-joga-lagga-caṃdabalovee mālādiṇe niyavihavāṇurūvaṃ kayajiṇapūovayārovakkharo-balinikkhevapuvvaṃ viraiyavisiṭṭha-uciyaṇevattho
meliyanīsemanāyā-piumāibaṃdhujaṇo kaya-sāhu-sāhammiyavaṃdaṇo sannihīkayapauragaṃdha-caṃdaṇa-akkhaya-nālikerāipagatthavatthū amaṃda-amlaya-nālikerasaṇāhakaraṃjalī tipayāhiṇīkayasamosaraṇo khamāsamaṇapuvvaṃ bhaṇai‘paṃcamaṃgalamahāsuyakkhaṃdha-paḍikkamaṇasuyakkhaṃdha-cīvaṃdaṇamuttaaṇujāṇāvaṇiyaṃ vāsanikkhevaṃ kareha, deve vaṃdāveha’
tti | tao guruṇā ahimattiyasirovinnatthagaṃdho jiṇapaḍimāniccalīkayadiṭhṭhī jiṇamuddāhavihiṇā pae pae
suttatthaṃ bhāvitto maddhāsaṃvegagabbhaneraggajutto paraṭṭhamāṇamuhapariṇāmo bhattimaranibbharo harisullasiyaromaṃco
guruṇā cauvvihasaṃghena ya saddhiṃ samosaraṇapuro bahumāṇapuvvaṃ deve vaṃdei | jāva paramiṭṭhithuyabhaṇaṇāṇaṃtaraṃ
raṭṭhiṇo paṃcamaṃgalamahāsuyakkhaṃdha-paḍikkamaṇasuyakkhaṃdha-bhāvārihaṃtatthaya-ṭhavaṇārihaṃtatthaya-cauvīsatatthaya-nāṇatthaya-siddhatthaya-aṇujāṇāvaṇiya naṃdimuttāvaṇiyaṃ sattārīgūmaggaṃ vāummaggaṃ do vi karaṃti | pāriṇa,
jo u akāūṇamimaṃ goyama ! giṇhejja bhattimaṃto vi
so maṇuo daṭṭavvo agiṇhamāṇeṇa sāriccho

11.17

āsāyai titthayaraṃ tavayaṇaṃ saṃgha-gurujaṇaṃ ceva
āsāyaṇabahulo so goyama ! saṃsāramaṇugāmī

11.18

paḍhamaṃ ciya kannāheḍaeṇa jaṃ paṃcamaṃgalamahīyaṃ
tassa vi uvahāṇaparassa sulahiyā bohi niddiṭṭhā

11.19

iya uvahāṇapahāṇaṃ niuṇaṃ savvaṃ pi vaṃdaṇavihāṇaṃ
jiṇapūyāpuvvaṃ ciya paḍhijja suyabhaṇiyanīīe

11.20

taṃ sara-vaṃjaṇa-mattā-biṃdu-pariccheyaṭhāṇaparisuddhaṃ
paḍhiūṇaṃ ciyavaṃdaṇasuttaṃ atthaṃ viyāṇijjā

11.21

tattha vi ya jattha ya siyā saṃdeho sutta-atthavisayaṃmi
taṃ bahuso vīmaṃsiya sayala nissaṃkiyaṃ kuṇasu

11.22

aha sohaṇatihi-karaṇe muhutta-nakkhatta-joga-laggaṃmi
aṇukūlaṃmi sasiyale sasse sasseyasamayaṃmi

11.23

niyayavihavāṇurūvaṃ saṃpāḍiyabhuvaṇanāhapūyaṇaṃ
phūḍabhattīe vihiṇā paḍilāhiyasāhuvaggeṇa

11.24

bhattibharanibbhareṇaṃ harisavasollasiyabahulapulaeṇaṃ
saddhā-saṃvega-vivega-paramaveraggajutteṇaṃ

11.25

niṭṭhiyaghaṇarāga-dosa-moha-micchatta-malakalakeṇaṃ
aiullasaṃtanimmalaajjhavasāeṇa aṇusamayaṃ

11.26

tihuyaṇagurujiṇapaḍimāviṇivesiyanayaṇamāṇaseṇa tahā
jiṇacaṃdavaṃdaṇāe ghanno'hmī mannamāṇeṇa

11.27

niyayasiraraiyakarakamalamauliṇā jaṃtuvirahiogāse
nissaṃkaṃ suttatthaṃ payaṃ payaṃ bhāvayaṃteṇa

11.28

jiṇanāhaddiṭṭhagaṃbhīrasamayakusaleṇa suhacaritteṇaṃ
apamāyāībahuvihaguṇeṇa guruṇā tahā saddhiṃ

11.29

cauvihasaṃghajueṇaṃ visesao niyayabaṃdhusahieṇaṃ
iya vihiṇā niuṇeṇaṃ jiṇardhiyaṃ vaṃdaṇijjaṃ ca1

11.30

tayaṇaṃtaraṃ guṇaḍḍhe sāhū vaṃdijja paramabhattīe
sāhammiyāṇa kujjā jahārihaṃ taha paṇāmāī

11.31

jāva ya mahaggha-māukka1-cokkha-vatthappayāṇapuvveṇaṃ
paḍivatti2vihāṇeṇaṃ kāyavvo guruyasammāṇo

11.32

eyāvasare guruṇā suvihiyagaṃbhīrasamayasāreṇa
avakhevaṇi-vikkhevaṇi-saṃveyaṇipamuhavihiṇā u