Vidhimargaprapa 12
Vidhimārgaprapā 12
- Language
- Sanskrit
12.1
tao khamāsamaṇaṃ dāuṃ sīso bhaṇai-'tumhāṇaṃ paveiyaṃ, sāhūṇaṃ paveiyaṃ, saṃdisaha kāussaggaṃ
kāraveha' | gurū bhaṇai-'karāvemo' | tao khamāsamaṇaṃ dāuṃ-'paṃcamaṃgalamahāsuyakkhaṃdhāiaṇunnānimittaṃ
karemi kāussaggaṃ' | ujjoyaṃ ciṃtiya, taṃ ceva paḍhiya, khamāsamaṇaṃ dāuṃ bhaṇai-'icchākāreṇaṃ tumbhe amhaṃ
uvahāṇavihiṃ suṇāveha' | tao sūrī udvadvio uvahāṇavihiṃ vakkhāṇei
§ 15. so ya imopaṃca namokkāre kila, duvālasa tayo u hoi uvahāṇaṃ
aṭṭha ya āyāmāī, egaṃ taha aṭṭhamaṃ aṃte
12.2
eyaṃ ciya nissesaṃ iriyāvahipāi hoi uvahāṇaṃ
sakkatthayaṃmi aṭṭhamamegaṃ battīsa āyāmā
12.3
arahaṃtaceiyathae uvahāṇamiṇaṃ tu hoi kāyavvaṃ
egaṃ ceva cautthaṃ tinni a āyaṃbilāṇi tahā
12.4
egaṃ ciya kira chaṭṭhaṃ cautthamegaṃ ca hoi kāyavvaṃ
paṇavīsaṃ āyāmā cauvīsathayaṃmi uvahāṇaṃ
12.5
egaṃ ceva cautthaṃ paṃca ya āyaṃbilāṇi nāṇathae
ciivaṃdaṇāisutte uvahāṇamiṇaṃ viṇiddiṭṭhaṃ
12.6
addhāvāro vigahāvivajjio ruddajhāṇaparimukko
vissāmaṃ akuṇaṃto uvahāṇaṃ vahai uvajutto
12.7
aha kahavi hojja bālo vuḍḍho vā sattivajjio taruṇo
so uvahāṇapamāṇaṃ pūrijjā āyasattīe
12.8
rāībhoyaṇaviraī duvihaṃ tivihaṃ cauvihaṃ vāvi
navakārasahiyamāī paccakkhāṇaṃ viheūṇa
12.9
ekeṇa suddhaacchaṃbileṇa iyarehiṃ dohiṃ uvavāso
navakārasahiyaehiṃ paṇayālīsāe uvavāso
12.10
porasiyauvīsāe hoi avaḍḍhehiṃ dasahiṃ uvavāso
vigaīcāehiṃ chahiṃ egaṭṭhāṇehiṃ ya caūhiṃ
12.11
jīeṇa nidhiyatithaṃ purimaḍḍhā solaseya uvavāso
ekāsaṇagā cauro aṭṭha ya vinnāsaṇā taha ya
12.12
bhayavaṃ ! pabhūyakālo eva kareṃtassa pāṇiṇo hojjā
to kahavi hojja maraṇaṃ navakāraviyanniyassāvi
12.13
navakāravannio so nivāṇamaṇuttaraṃ kaha labhijjā
to paḍhamaṃ ciya giṇhai, uvahāṇaṃ hou vā mā vā
12.14
goyama ! jaṃ samayaṃ ciya suovayāraṃ karijja so pāṇī
taṃ samayaṃ ciya jāṇasu gahiyatayaṭṭaṃ jiṇāṇāe
12.15
evaṃ kayauvahāṇo bhavaṃtare sulabhabohio hojjā
evajjhavasāṇo vi hu goyama ! ārāhago bhaṇio
12.50
te jai no teṇaṃ ciya bhaveṇa nivvāṇamuttamaṃ pattā
tā'ṇuttaragevijjāsu suiraṃ abhirameuṃ
12.51
uttamakulaṃmi ukkiṭṭhalaṭṭhasavaṃgasuṃdarā payaḍī
sayalakalāpattaṭṭhā jaṇamaṇaāṇaṃdaṇā houṃ
12.52
deviṃdovamariddhī dayāvarā viṇayadāṇasaṃpannā
nivvinnakāmabhogā dhammaṃ sayala aṇuṭṭeuṃ
12.53
suhajjhāṇanalaniddaḍḍhāikkammiṃdhaṇā mahāsattā
uppannavimalanāṇā vihuyamalā jhatti sijjhaṃti
12.54
iya vimalaphalaṃ suṇiuṃ jiṇassa maha māṇadevasūrissa
vayaṇā uvahāṇamiṇaṃ sāheha mahānisīhāo
12.7-2
uvahāṇavihī samatto