Vidhimargaprapa 14
Vidhimārgaprapā 14
- Language
- Sanskrit
14.1
§ 17. ittha keī udaggakuggāhagahiyacittā mahānisīhasiddhaṃtamavamannaṃtā uvahāṇatavaṃ na mannaṃti ceva
tao ya tesiṃ juttiābhāsehiṃ bhāviyamaiṇo sīsā mā micchattaṃ gamihiṃti tti paribhāviya puvvāyariehiṃ
uvahāṇapaiṭṭhāpaṃcāsayaṃ nāma pagaraṇaṃ viraiyaṃ taṃ ca sīsāṇamaṇuggahaṭṭāe ittha patyāve lihijjai
namiūṇa vīranāhaṃ, vocchaṃ navakāramāi uvahāṇe
kiṃ pi paiṭṭhāṇamahaṃ vimūḍhasaṃmohamahaṇatthaṃ
14.2
jaṃ sutte niddiṭṭhaṃ pamāṇamiha taṃ suovayārāi
āyārāīṇaṃ jaha jahuttamuvahāṇanivvahaṇaṃ†
14.3
juttaṃ ca sue navakāra-iriya-paḍikkamaṇa-sakkathayavisayaṃ
ceiya-cauvīsatathaya-suyatathaesuṃ' ca uvahāṇaṃ
14.4
kiṃ puṇa suttaṃ taṃ iha jattha namokāramāiuvahāṇaṃ
uvaiṭṭhaṃ āha gurū, mahānisīhakkhasuyakhaṃdhe
14.5
eso vi kaha pamāṇaṃ naṃdīe haṃdi kittaṇāo tti
jaṃ tattheva nisīhaṃ mahānisīhaṃ ca saṃlattaṃ
14.6
aha taṃ na hoi evaṃ evaṃ āyāramāivi tayannaṃ'
tuhme vi naṃdipāḍhe ko heū visarisattammi
14.7
aha duvvalisūrīṇāṃ, parābhavatthaṃ kayaṃ sabuddhīe
goṭṭheṇaṃ ti mayaṃ no imaṃ pi vayaṇaṃ aviṇṇūṇaṃ
14.8
puṭṭhamavaddhaṃ kammaṃ apparimāṇaṃ ca saṃvaraṇasuttaṃ'
jaṃ teṇa dugaṃ evaṃ taṃ viya apamāṇamakkhāyaṃ
14.9
sesaṃ tu pamāṇatteṇa kittiyaṃ goṭṭhamāhilluttaṃ pi
iga-dugapabheyae' ciya jaṃ sutte niṇhavā vuttā
14.10
kiṃca na goṭṭhāmāhilakayameyaṃ naṃdiseṇacarie jaṃ
kaha bhogaphalaṃ bhaṇihī avaddhio yaddhapuṭṭhaṃ so
14.44
prakṣepaḥ
maṃtaṃmi puvvasevā jai tucchaphale vi jujjai ihaṃ tā
mukkhaphale vi uvahāṇalakkhaṇā kiṃ na kīrai sā
14.45
eīi paramasiddhī jāyai jaṃ tā daḍhaṃ tao ahigā
jattaṃmi vi ahigattaṃ bhavasseyāṇusāreṇa
14.46
aha sakkavirayaṇāo sakkathae novahāṇamuvavannaṃ
eyaṃ pi keṇa siṭṭhaṃ jamesa sakkeṇa raio tti
14.47
sakkassa avirayattā jiṇathuī jai aṇeṇaṇunnāyā
tā takkau tti so juttumevamuciyaṃ kahaṃ tamhā
14.48
kevaliṇā diṭṭhāṇaṃ uvaiṭṭhāṇaṃ ca ciraiyāṇaṃ ca
navakāramāiyāṇaṃ mahappabhāvo ya veyāṇaṃ
14.49
tikkāliyamahavā sattakāliyaṃ sumaraṇe niuttāṇaṃ
juttaṃ ciya uvahāṇaṃ mahānisīhe nibaddhāṇaṃ
14.50
uvahāṇavihīṇāṇa vi marudevāīṇa sivagamo diṭṭho
evaṃ ca jujjamāṇe tavadikkhāīṇa vi niseho
14.51
iya bhūriheujuttījuyaṃmi bahukusalasalahie magge
kuggahaviraheṇujjamaha mahaha jai mokkhasuhamaṇahaṃ
14.9-2
uvahāṇapaiṭṭhāpaṃcāsagapayaraṇaṃ samattaṃ
14.27
vīyajjhayaṇasarūvo cauvīsathao vi jaṃ viṇiddiṭhṭho
āvassayāu na piho jujjai tā tesimuvahāṇaṃ
14.28
āvassaovahāṇe tāṇuvahāṇaṃ kayaṃ samavaseyaṃ
kayaovahāṇe ya piho takkaraṇe hoi aṇavatthā
14.29
bhaṇṇai uttaramihahaṃ navakāro āimaṃgalatteṇaṃ
vuccai jayā tayacciya sāmaiya'ṇuppaveso se
14.30
jahyā ya sayaṇa-bhoyaṇanijjaraheuṃ paḍhijjae eso
tahyā sataṃta eva hi gijjhai anno suyakkhaṃdho
14.31
iha-paraloyatthīṇaṃ sāmāiyavirahio vi cāvāro
dīsai navakāragao tadatthasatthāṇi ya bahūṇi
14.32
navakārapaḍala-navakārapaṃjiyā-siddhacakkamāīṇi
sāmāiyaṃgabhāvo imassa ṇegaṃtio tamhā
14.33
paḍhamuccāraṇamitte vi 'ṇuppaveso havijja sāmaie
eyassa savvahā jai tā naṃdaṇuogadārāṇaṃ
14.34
tadaṇuppavesao cciya tavacaraṇaṃ neya jujjai vibhinnaṃ
dīsai ya kīramāṇaṃ jogavihīe ya bhannaṃtaṃ (bhinnattaṃ)
14.35
kiṃ vā bhinnatte savvahā vi sāmāiyāu eyassa
kāūṇa paṃcamaṃgalamiccāī aṇuciyaṃ vayaṇaṃ
14.36
iya bheyapakkhamaṇusariya jaha tavo kīraī namokkāre
tā ko doso naṃdaṇuogadāresu va havijja
14.37
iriyāvahiyāīyaṃ suyaṃ pi āvassayassa karaṇammi
aṇupavisai tammi tayannayā ya bhinnaṃ hi teṇeva
14.38
bhatte pāṇe sayaṇāsaṇāisuttaṃ pi jāyai kayatthaṃ
tinni vi kahai tisiloiyatthuiccāisuttaṃ pi
14.39
āvassae paveso jai esiṃ savvahāvi ya havijja
to pihupaḍhaṇaṃ esiṃ savvesiṃ kaha ghaḍijja tti
14.40
jaṃ ca iyareyarāsayadūsaṇameyaṃ ca vuccai imāṇa
pāṭheṇa viṇā ṇa tavo tavaṃ viṇā nesiṃ pāṭho ti
14.41
taṃ pi hu adūsaṇaṃ jaha pavaḍḍamuvaṭṭhiyassa'ṇunnāyaṃ
sāmāiyāiyāṇaṃ ālāvagadāṇamatthave vi
14.42
evaṃ jaha paḍhiesu vi navakārāīsu tāṇamuvahāṇaṃ
savisesaguṇanimittaṃ kārijjai ko ṇu tā doso
14.43
niyamaivigappiyaṃ pi hu kārijjai sukayadaṃḍapāitayaṃ
mattuttaṃ pi nisijjai uvahāṇaṃ hī mahāmoho