Vidhimargaprapa 15
Vidhimārgaprapā 15
- Language
- Sanskrit
15.1
'khāmemi savvajīve' iccāigāhāo bhaṇiūṇa vāmavāhūvahāṇo niddāsokkhaṃ karei | jai uvacai to
sarīrasaṃthārae pamajjiya, aha sarīraciṃtāe uṭṭhei, to sarīraciṃtaṃ kāūṇa, iriyāvahiyaṃ paḍikkamiya, jahanneṇa
vi gāhātigaṃ guṇiya suyai | sutto vi jāva na niddā ei tāva dhammajāgariyaṃ jāgaraṃto thūlabhaddāimaharisicariyāīṃ paribhāvei | tao pacchimarayaṇīe uṭṭhiya, iriyāvahiyaṃ paḍikkamiya, kusumiṇa-dussumiṇakāussaggaṃ
sayaussāsaṃ mehuṇasumiṇe aṭṭhattarasayaussāsaṃ kariya, sakkatthayaṃ bhaṇiya, puvvuttavihīe sāmāiyaṃ kāuṃ, sajjhāyaṃ
saṃdisāviya, tāva karei jāva paḍikkamaṇavelā | tao vihiṇā paḍikkamiya, jāyāe paḍilehaṇāe, puvvavihiṇā kāūṇa paḍilehaṇaṃ, jahannao vi muhuttamittaṃ sajjhāyaṃ kariya, posahapāraṇaṭṭhī khamāsamaṇadugeṇa muhapottiṃ paḍilehiya, khamāsamaṇapuvvaṃ bhaṇai-'icchākāreṇa saṃdisaha posahaṃ pārāveha' | gurū bhaṇai-'puṇo vi
kāyavvo' | bīyakhamāsamaṇeṇa 'posahaṃ pāremi'tti | gurū bhaṇai-'āyāro na motavvo'tti | tao namokāratigaṃ
uddhaṭṭhio bhaṇai | puṇo muhapottiṃ paḍilehiya, puvvavihiṇā sāmāiyaṃ pārei | posahe pārie niyamā sai
saṃbhave sāhū paḍilābhiya, pāriyavvaṃ ti | jo puṇa rattiṃ posahaṃ lei so saṃjhāe uvahiṃ paḍilehiya, to posahe
ṭhāuṃ, thaṃḍillapehaṇāī savvaṃ karei | navaraṃ jāva divasasesaṃ rattiṃ vā pajjuvāsāmi tti uccarai | pabhāe puṇa jāva
ahorattaṃ divasaṃ vā pajjuvāsāmi tti uccarai | bhaṇiyattha saṃgāhiyāo imāo gāhāo' -
catthāia paḍilehiya, sahno gosaṃmi pehiuṃ pottiṃ
navakāratigaṃ kahiumiya posahasuttamuccarai
15.2
'karemi bhaṃte posahaṃ miccāi'
sāmāiyaṃ pagiṇhiya kayapaḍikkamaṇo ya kuṇai paḍilehaṃ
aṃgapaḍilehaṇaṃ piya kaḍipaṭṭaya-ṭhāvaṇāyarie
15.3
uvahimuhapotti-uvahīposahasālāipehasajjhāo
puttībhaṃḍuvagaraṇassa pehaṇaṃ pauṇapaharammi
15.4
ceiyaciyavaṃdaṇa-puttipehaṇaṃ bhattapāṇapāravaṇaṃ
sakkatthaya-bhoyaṇa-sakkatthayaga-caṃdaṇaya-saṃvaraṇe
15.5
āvassiyāigamaṇaṃ sarīraciṃtāi-āgamanisīhī
kāuṃ gamaṇāgamaṇāloyaṇamaha kuṇai sajjhāyaṃ
15.6
taha carimaporisīe vihīi paḍilehaṇaṃgapaḍilehe
kaḍipaṭṭa-vasahipehā-ṭhavaṇāyariuvahimuhapottī
15.7
to uvahithaṃḍile saṃdisāyai kayalāi paḍilehe
puṇa muhapottiya-sajjhāya-āsaṇe saṃdisāvei
15.8
paḍhai suṇei jāva kālavelamaha thaṃḍile cauvvīsaṃ
pehiya paḍikkamiuṃ jāmamittamiha guṇai vihiṇāu
15.9
rāiyasaṃthāraya-puttipeha-sakkatthaeṇa u suvittā
suttuṭṭhio u iriyaṃ sakkathayaṃ kahiya muhapottiṃ
15.10
pehiya vihiṇā sāmāiyaṃ pi kāuṃ tao paḍikkamai
paḍilehaṇāipuvvaṃ ca kuṇai savvaṃ pi kāyavvaṃ