Vidhimargaprapa 17

Vidhimārgaprapā 17

Language: Sanskrit

17.1

§ 22. bhaṇio pasaṃgāṇuppasaṃgasahio uvahāṇavihī | uvahāṇaṃ ca tavo | ao tavovisesā anne vi
uvadaṃsijjaṃti
tattha kallāṇagatavo cavaṇa-jammesu jiṇāṇaṃ tāsu tāsu tihīsu uvavāsā kīraṃti

17.1-2

dikkhā-nāṇoppatti-mokkhagamaṇesu jo tavo usabhāīhiṃ jiṇehiṃ kao so ceva jahāsatti kāyavvo
so ya imosumahattha niccabhatteṇa niggao vāsupujjo jiṇo cauttheṇaṃ
pāso mallī viya aṭṭameṇa, sesāu chaṭṭeṇaṃ

17.2

niccabhatte vi uvavāso kīrai tti sāmāyārī
aṭṭamataveṇa nāṇaṃ pāsosabha-malli-riṭṭhanemīṇaṃ
vasupujjassa cauttheṇa chaṭṭhabhatteṇa sesāṇaṃ

17.3

nivāṇamantakiriyā sā caudasameṇa paḍhamanāhassa
sesāṇa māsieṇaṃ vīrajiṇiṃdassa chaṭṭeṇaṃ

egaṃtarāikaraṇe vi tahā kāyavvāiṃ nikkhamaṇāitavāiṃ, jahā tīe kallāṇagatihīe uvavāso paḍai tti
saga7 terasa13 dasa10 coddasa,14 panarasa15 terasa13 ya sattarasa17 dasa10 cha6
nava9 cau4 ti3 kattiyāisu, jiṇakallāṇāī jaha saṃkhkhaṃ

17.4-2

pratimāsakalyāṇakasaṃkhyāsaṃgrahaḥ, sarvāgreṇa 121
tahā sukkapakkhe aṭṭhovavāsā egaṃtaraāyaṃbilapāraṇeṇa savvaṃgasuṃdaro khamāmiggahajiṇapūyāmuṇidāṇapareṇa
viheo

17.5

evaṃ ciya kiṇhapakkhe gilāṇapaḍijāgaraṇābhiggahasāro nirujasiṃho

17.6

tahā egāsaṇapāraṇeṇa battīsaṃ āyaṃbilāṇi paramabhūsaṇo | itthujjamaṇe tilaga-mauḍāi jahāsatti
jiṇabhūsaṇadāṇaṃ

17.7

āyaijaṇago vi evaṃ ciya | navaraṃ vaṃdaṇaga-paḍikkamaṇa-sajjhāyakaraṇa-sāhusāhuṇiveyāvaccāisaccakajjesu aṇigūhiyabalaviriyassa accaṃtaparisuddho havai

17.8

ege puṇa evamāhaṃsu-'aṇigūhiyabalaviriyassa niraṃtarabattīsāyaṃbilapamāṇo egāsaṇaṃtariyabattīsovavāsapamāṇo vā āyaijaṇago tti
tahā sohakagapparukkho citte egaṃtarovavāsā gurudāṇavihipuvvaṃ sacarasaṃ pāraṇagaṃ ca | ujjamaṇaṃ puṇa
suvaṇṇataṃdulāimayassa nāṇāvihaphalabharoṇayassa jiṇanāhapurao kapparukkhassa kappaṇeṇa cārittapavittamuṇijaṇadāṇeṇa ya viheyaṃ