Vidhimargaprapa 18

Vidhimārgaprapā 18

Language: Sanskrit

18.1

āṇa' tti vayaṇāo kāyavvo ceva | jahā thuitigabhaṇaṇānaṃtaraṃ sakkatthaya-thutta-pacchitta-ussaggā | 'puvvaṃ hi
guruṇuiggahaṇe thuītinni tti pajjaṃtameva paḍikkamaṇamāsi | ao ceva thuitige kahie chiṃdaṇe vi na doso
chiṃdaṇaṃ ti vā aṃtaraṇi tti vā aggali tti vā egaṭṭhā | chiṃdaṇaṃ ca duhā-appakayaṃ, parakayaṃ ca | tattha appakayaṃ
appaṇo aṃgapariyattaṇeṇa bhavai | parakayaṃ jayā paro chiṃdai | pakkhiyapaḍikkamaṇe patteyakhāmaṇaṃ kuṇaṃtāṇaṃ puvvo5 kayaāloyaṇaṃ muttuṃ natthi chiṃdaṇadoso | ao ceva amha sāmāyārīe muhapottiyā patteyakhāmaṇāṃtaraṃ na
paḍilehijjai tti | jayā ya majjāriyā chiṃdai tayājā sā karaḍī kavarī akkhihiṃ kakkaḍiyāri
maṃḍaliyāhiṃ saṃcarīya haya paḍihaya majjāri-tti

18.1-2

cautthapayaṃ vāratigaṃ bhaṇiya, khuddopaddavaohaḍāvaṇiyaṃ kāussaggo kāyavvo | sirisaṃtināhanamokkāro ghoseyavvo
10 kāraṇaṃtareṇa puvvopaḍikkaṃtā puvvokayaāloyaṇā vā paḍikkamaṇānaṃtaraṃ guruṇo vaṃdaṇaṃ dāuṃ, āloyaṇa-khāmaṇapaccakkhāṇāī kuṇaṃti | paḍikkamaṇaṃ ca puvvābhimuheṇa uttarābhimuheṇa vā
āyariyā iha purao, do pacchā tinni tayaṇu do tatto
tehiṃ pi puṇo ikko, navagaṇamāṇā imā rayaṇā

18.1-3

iigāhābhaṇiyasirivacchākāramaṃḍalīe kāyavvaṃ | śrīvatsasthāpanāceyam15 tattha devasiyaṃ paḍikkamaṇaṃ rayaṇipaḍhamapaharaṃ jāva sujjhai | rāiyaṃ puṇa āvassayacuṇṇiabhippāeṇa
rayaṇāḍaporisiṃ jāva, vavahārābhippāeṇa puṇa purimaḍḍhaṃ jāva sujjhai
jo vaddhamāṇamāso tassa ya māsassa hoi jo taio
tannāmayanakkhatte sīsatthe gosapaḍikamaṇaṃ

18.13

rāiyapaḍikkamaṇe puṇa āyariyāī vaṃdiya bhūmihiyasiro 'savvassa vi rāiya' iccāidaṃḍagaṃ paḍhiya,
20 sakkatthayaṃ bhaṇittā, uṭṭhiya, sāmāiya-ussaggasuttāiṃ paḍhiya, ussagge ujjoyaṃ ciṃtiya pāriya, tameva paḍhittā,
bīye ussagge tameva ciṃtittā, suyatthayaṃ paḍhittā; taīe jahakkamaṃ nisāḍhayāraṃ ciṃtittā, siddhatthayaṃ paḍhittā,
saṃhāsaṇa pamajjiya, uvavisiya, putti pehiya, vaṃdaṇaṃ dāuṃ, puvvi va āloyaṇasuttapaḍhaṇa-vaṃdaṇaya-khāmaṇayavaṃdaṇaya-gāhātigapaḍhaṇa-ummaggasuttauccāraṇāī kāuṃ, chammāsiyakāussaggaṃ karei | tattha ya imaṃ ciṃtei'sirivaddhamāṇatitthe chammāsio tavo vaṭṭai | taṃ tāva kāuṃ ahaṃ na sakuṇāmi | evaṃ egāiegūṇatīsaṃtadi25 ṇūṇaṃ pi na sakuṇāmi | evaṃ paṃca-cau-ti-du-māse vi na sakuṇāmi | evaṃ egamāsaṃ pi jāva terasadiṇūṇaṃ
na sakuṇāmi | tao cautīsa-battīmamāikameṇa hāritto jāva cautthaṃ āyaṃbilaṃ nivigaṃ egāsaṇāi porisi
namokkārasahiyaṃ vā jaṃ sakei teṇa pārei | tao ujjoyaṃ paḍhiya, putti pehiya, vaṃdaṇaṃ dāuṃ, kāussagge jaṃ
ciṃtiyaṃ taṃ ciya guruvayaṇamaṇubhaṇino sayaṃ vā paccakkhāi | to 'icchāmoṇusaṭṭhi'ti bhaṇaṃto jāṇūhiṃ ṭhāuṃ
tinni vaḍḍhamāṇathuīo paḍhittā, miusareṃṇaṃ sakkatthayaṃ paḍhiya, uṭṭhiya, 'arahaṃtaceiyāṇaṃ' iccāipaḍhiya, thuicau30 kkeṇaṃ ceie vaṃdei | 'jāvaṃti ceiyāiṃ' iccāigāhādugajuttaṃ paṇihāṇagāhāo na bhaṇei | tao āyariyāī
vaṃdei | tao velāe paḍilehaṇāi karei tti
rāiyapaḍikkamaṇavihī
paḍikkamaṇasāmāyārī samattā

18.21

tahā sattasu bhaddavaesu paidiṇaṃ navanavanevajjaḍhovaṇeṇa jiṇajaṇaṇipūyāpuvvaṃ sukkasattamīe ārabbha
terasipajjaṃtaṃ egāsaṇasattagaṃ kīrai jattha sa māyaratavo | bhaddavayasuddhacauddasīe paivarisaṃ ujjāvaṇaṃ kāyavvaṃ
bali-duddha-dahi-ghiya-khīra-karaṃbaya-ruppasiyā-gheḍara-pūrīo cauvīsaṃ khīcaḍīthālaṃ, dāḍimāhaphalāṇi
ya saputtasāviyāṇaṃ dāyavvāiṃ | pīyalīvatthaṃ ca taṃbolāi ūsavo ya

18.22

tahā bhaddavae kiṇhacautthīe egāsaṇa-nivvigaiya-āyaṃbila-uvavāsehiṃ parivāḍīcaukkeṇa jahāsattirūehiṃ samavasaraṇapūyājuttaṃ causu bhaddavaesu samavasaraṇaduvāracaukkassārāhaṇeṇa samavasaraṇatavo causaṭṭhidiṇamāṇo hoi | ujjāvaṇe nevajjathālāiṃ cattāri bhaddavayasuddhacautthīe dāyavvāiṃ

18.23

tahā jiṇapurao kalaso paidio muṭṭhīhiṃ paidiṇakhippamāṇataṃdulehiṃ jāvaiyadiṇehiṃ pūrijjai,
tāvaiyadiṇāṇi egāsaṇagāiṃ akkhayanihitavo

18.24

tahā āyaṃbilavaddhamāṇatavo jattha alavaṇa-kaṃjiya-saṃsaṭṭhabhattamoyaṇamittarūvamegamāyaṃbilaṃ, tao uvavāso; dunni āyaṃbilāṇi, puṇo uvavāso; tinni āyaṃbilāṇi, uvavāso; cattāri āyaṃbilāṇi, uvavāso;
evaṃ egegāyaṃbilavuḍḍhīe cautthaṃ kuṇaṃtassa jāva aṃbilasayapajjaṃte cautthaṃ | tao paḍipunno hoi | etthāyaṃbilāṇaṃ paṃcasahassā paṃcāsāhiyā, uvavāsāṇaṃ sayaṃ | eyassa kālamāṇaṃ varisacauddasagaṃ, māsatigaṃ, vīsaṃ ca
diṇāṇi tti

18.25

tahā therāiṇo vaddhamāṇatavo-jattha āititthagarassa egaṃ, duijjassa dunni, jāva vīrassa cauvīsaṃ
āyaṃbilanivviyaīṇi tassa visesapūyāpuvvaṃ kīraṃti | puṇo vīrassa egaṃ jāva usahassa cauvīsaṃ, tao paḍipunno
hoi tti

18.26

tahā egegatitthagaramaṇusariya vīsa-vīsa-āyaṃbilāṇi pāraṇayarahiyāṇi | egaṃ cāyaṃbilaṃ sāsaṇadevayāe | ujjāvaṇe visesapūyāpuvvaṃ titthayarāṇaṃ cauvīsatitthayarāṇaṃ ca jattha so davadaṃtītavo

18.27

nāṇāvaraṇijjassa uttarapayaḍīo paṃca; daṃsaṇāvaraṇijjassa nava, veyaṇīyassa do, mohaṇīyassa
aṭṭhāvīsaṃ, āussa cattāri, nāmassa teṇauī, goyassa do, aṃtarāyassa paṃca;-evaṃ aḍayālasaeṇa uvavāsāṇaṃ
aṭṭhakammauttarapayaḍītavo

18.28

caṃdāyaṇatavo duhā-javamajjho, vajjamajjho ya | tattha javamajjho sukkapaḍivayāe egadattiyaṃ egakavalaṃ
vā | tao egottaravuḍḍhīe jāva punnimāe kiṇhapaḍivayāe ya paṃcadasa | tao egegahāṇīe jāva amābasāe egadattiyaṃ egakavalaṃ vā | iya javamajjho | vajjamajjhe kiṇhapaḍivayāe paṃcadasa | tao egegahāṇīe
jāva amāvasāe sukkapaḍivayāe ya ego | tao egegavuḍḍhīe jāva punnimāe paṃcadasa | iya vajjamajjho
dosu vi ujjāvaṇe ruppamayacaṃdadāṇaṃ; javamajjhe battīsaṃ suvannamayajavā ya, vajjamajjhe vajjaṃ ca

18.29

tahā aṭṭha-duvālasa-solasa-cauvīsapurisāṇa ekattīsaṃ, thīṇaṃ sattāvīsaṃ kavalā | jahakkamaṃ paṃcahiṃ
diṇehiṃ ūṇoyariyātavo | jadāhaappāhāra avaḍḍhā dubhāgapattā taheva kiṃcūṇā
aṭṭha-duvālasa-solasa-cauvīsa-tahikkatīsā ya || iti
ujjāvaṇe puṇa mīliṃya savvadiṇakavalaparimiyamoyagā pūyāpuvvaṃ titthanāhassa doeyavvā