Vidhimargaprapa 27

Vidhimārgaprapā 27

Language: Sanskrit

27.1

§ 29. pavaieṇa ya ubhayakālaṃ paḍikkamaṇaṃ viheyaṃ | tavihī ya sāvayakiccāhigāre vutto | jao sāhūṇaṃ
sāvayāṇa paḍikkamaṇavihī tullo ceva | nāṇattaṃ puṇa imaṃ - sāhuṇo sasūrie ceva cauvvihāhāraṃ paccakkhiya, jalāi
ujjhiya, jalabhaṃḍāi saṃṭhaviya, sammaṃ iriyaṃ paḍikkamiya, cauvīsaṃ thaṃḍile jahannao bihatthamite bāhiṃ aṃto ya
ahiyāsi-aṇahiyāsijugge āsanne majjhime dūre ya daṃḍāuṃchaṇeṇaṃ pehiya gurupurao khamāsamaṇeṇa 'goyaracariyaṃ
paḍikkamemo'; bīyakhamāsamaṇeṇa 'goyaracariyapaḍikkamaṇatthaṃ kāussaggaṃ karemo'tti bhaṇittā, annatthūsasieṇamiccāi
bhaṇittā, navakkāraṃ ciṃtiya paḍhittā ya imaṃ gāhaṃ ghosaṃtikālo goyaracariyā thaṃḍillā vatthapattapaḍilehā
saṃbharaū so sāhū jassavi jaṃ kiṃci aṇuvauttaṃ
tao ahārāyaṇiyāe sāhū vaṃdittā, tahā devasiyapaḍikkamaṇamāramaṃti, jahā ceiyavaṃdaṇāṇaṃtaraṃ addhanivuḍḍhe sūrie sāmāiyasuttaṃ phaḍuṃti | sāvayā puṇa vāvārabāhulleṇa atthamie vi paḍikkamaṃti | tahā sāhuṇo
rayaṇīcaramajāme jāgariya, sattaṭṭha navakāre bhaṇiya, iriyaṃ paḍikkamiya, kusumiṇa-dussimiṇussagge ujjoyacaukkaṃ ciṃtiya, sakatthaeṇa ceie vaṃdiya, muhapottiṃ paḍilehiya, khamāsamaṇadugeṇa sajjhāyaṃ saṃdisāviya,
navakkāraṃ sāmāiyaṃ ca tikkhutto kahiya, ahārāyaṇiyāe sāhū vaṃdiya, sajjhāyaṃ kāuṃ, paḍikkamaṇāṃtaraṃ muhapottī-rayaharaṇa-nisijjā-dugacolapaṭṭa-kappatiga-saṃthāruttarapaṭṭesu paḍilehiesu jahā sūro uḍḍei tahā velaṃ
tulittā rāiyaṃ paḍikkamaṃti | tahā ceiyavaṃdaṇāṇaṃtaraṃ sāhuṇo khamāsamaṇadugeṇa 'bahuvelaṃ saṃdisāvemi, bahuvelaṃ
karemi' tti bhaṇittā, āyariyāī vaṃdaṃti | sāvayā puṇa bahuvelaṃ na saṃdisāveyaṃti aposahiyā | tahā sāhuṇo
'āyariyauvajjhāe' iccāigāhātigaṃ na bhaṇaṃti | paḍikkamaṇasuttaṃ ca sāhūṇaṃ 'cattārimaṃgala'miccāi
sāvayāṇaṃ tu 'vaṃdittu savvasiddhe' iccāi | tahā pakkhie pajjaṃtiyakhāmaṇāṇaṃtaraṃ causu chāmavaṃdaṇaesu sāhuṇo
bhūmihinnasirā 'piyaṃ ca me jaṃ me' iccāidaṃḍage bhaṇaṃti | sāvayā puṇa tinni tinni navakkāre paḍhaṃti | paḍhame
chāmavaṃdaṇae 'sāhūhiṃ samaṃ'; bīe 'ahamavi ceiyāiṃ vaṃde'; taie 'gacchassa saṃtiyaṃ'; cautthe 'nitthārapāragā
hoha'tti jahakkamaṃ guruvayaṇāiṃ | pakkhiyasuttaṃ ca sāhūṇaṃ 'titthaṃ karei titthe' iccāi | sāvayāṇaṃ puṇaṃ paḍikkamaṇasuttameva | tahā sāhuṇo suddovaddavakāussaggāṇaṃtaraṃ pakkhie cāummāsie vā 'asajjhāiya aṇāuttaohuḍāvaṇiyaṃ karemi kāussaggaṃ annatthūsasieṇa' miccāi bhaṇiya, cauguṇaṃ paṃcanīmussāsaṃ kāussaggaṃ kuṇaṃti
sāvayā na kuṇaṃti
sāhuṇo vaṃdai | ajjiyā sāvayā sāviyāo vi taṃ vaṃdaṃti | puṇo khamāsamaṇaṃ dāuṃ bhaṇai - 'icchākāreṇa
tumhe amhaṃ disibaṃdhaṃ kareha' | gurū bhaṇai - 'karemo' | tao sīsassa āyariovajjhāyarūvo duviho disibaṃdho kīrai | jahā-caṃdāḍhayaṃ kulaṃ, koḍiyāio gaṇo, vairāiyā sāhā, appaṇiccayā guruṇo āyariyā
uvajjhāyā ya | gacche ya uvajjhāyābhāve āyariyā ceva uvajjhāyā | sāhuṇīe amugā pavattiṇīya tti
tiviho | tammi diṇe jahāsattīe āyāmanivihāi tavo kārijjai | tao khamāsamaṇapuvvaṃ sīso guruṃ bhaṇai -
'tubbhe amhaṃ dhammovaesaṃ deha' | puṇo khamāsamaṇaṃ dāuṃ jāṇūhiṃ ṭhio sīso suṇai | gurū ya nāyādhammakahāaṃga-paḍhamasuyakkhaṃdha-sattamajjhayaṇassa rohiṇīnāyassa atthao vakkhāṇaṃ karei | so vi saṃvegāisayao
tahā suṇei, jahā anno vi ko vi pavvayai | rohiṇīnāyaṃ puṇa supasiddhaṃ | tassa ya atthovaṇao evaṃ -
§ 33. jaha siṭṭhī taha guruṇo jaha nāhajaṇo tahā samaṇasaṃgho
jaha bahuyā taha bhavvā jaha sālikaṇā taha vayāī

Vidhimargaprapa 27

27.1

27.2

27.3

27.4

27.5

27.6

27.7

27.8

27.9

27.10

27.11

27.12

27.13