Vidhimargaprapa 29

Vidhimārgaprapā 29

Language: Sanskrit

29.1-2 — 4 parts

29.1

piyadhammā suviṇīyā lajjāluiyā tahā mahāsattā
ujjuttā ya virattā daḍhadhammā suṭṭhiyacarittā

29.2

jiyakoha-māṇa-māyā jiyalohā jiyaparīsahā niruyā
maṇa-vayaṇa-kāyaguttā erisayā jogavāhīo

29.3

thovovahiovagaraṇā niddajayāhārajayapahāṇā ya
āloyaṇasalileṇaṃ pakkhāliyapāvamalapaḍalā

29.4

kayakappatippakiriyā sannihicāī gurūṇa āṇarayā
aṇagāḍhajogiṇo vihu agāḍhajogī viseseṇa

kāussaggaṃ karei | aha kālakāussaggāṇaṃtaraṃ gacchaṃtassa paveyaṇasamae vā bhajjai to mūlao gacchei
egammi kālamaṃḍale jai tinni velā bhajjai to tammi gahaṇaṃ na kappai | ao duie kālamaṃḍale imāe
vihīe mūlāo gheppai | tammi vi tinni velā; evaṃ taie vi | ahavā annammi kālamaṃḍale jai geṇhiuṃ na
jāi to egaṃmi ceva navavelā gheppai | taduvari na kappai
§ 38. ahuṇā viseseṇa kālagahaṇavihī bhaṇṇai - tattha pābhāiyassa tāva jahā pacchimadisi ṭhavaṇāyariyaṃ
ṭhavittā, daṃḍagaṃ ca tassa samīve dhariya kālagagāhī vāmapāsaṭṭhiyadaṃḍadharasameo kālamaṃḍale ṭhāuṃ namokkāraṃ bhaṇai
tao dovi āvassiṃ kāūṇa, asajja 3. nisīhī 3. namo khamāsamaṇāṇaṃ ti bhaṇaṃtā ṭhavaṇāyariyaṃmaṃḍale
gaṃtūṇa khamāsamaṇaṃ dāuṃ bhaṇaṃti - 'icchākāreṇa saṃdisaha pābhāiu kālu paḍiyarahaṃ; icchaṃ matthaeṇa vaṃdāmi'
āvassī asajja 3. nisīhī 3. namo khamāsamaṇāṇaṃ ti bhaṇiya kālamaṃḍalasagāse dovi ṭhaṃti | tao daṃḍadharo
disāloyaṃ kariya, āvassiyāi puccottaṃ bhaṇaṃto ṭhavaṇāyariyaṃmaṃḍalamāgamya, iriyaṃ paḍikkamiya, aṭṭhassāsaṃ kāussaggaṃ
karittā, namokkāraṃ bhaṇai | tao muhapottiṃ paḍilehiya, duvālasāvattavaṃdaṇaṃ dāūṇa, khamāsamaṇapuvvaṃ 'icchākāreṇa
pābhāiyakālavelā vaṭṭai, sāhuṇo uvauttā hoha tti' bhaṇiya, daṃḍaṃ giṇhiya, āvassiyāiṃ kuṇaṃto kālagagāhisamīvamāgamya pacchimāmuho ciṭṭhai | tao kālagagāhī āvassiṃ asajja 3. nisīhī 3. namo khamāsamaṇāṇaṃ ti
bhaṇaṃto ṭhavaṇāyariyaṃmaṃḍale gaṃtūṇa, iriyaṃ paḍikkamiya, aṭṭhasāsussaggaṃ kariya, pāriya, paṃcamaṃgalaṃ bhaṇiya, muhapottiṃ

29.1-2.2

paḍilehiya, duvālasāvattavaṃdaṇaṃ dāūṇa, khamāsamaṇadugeṇa bhaṇai - 'pābhāiu kālu saṃdisāvahaṃ, pābhāiu kālu
lehaṃ |' jau suddhu, tau moṇeṇaṃ āvassī asajja 3. nisīhī 3. namo khamāsamaṇāṇaṃ ti bhaṇaṃto kālamaṃḍale jāi | tadāgamaṇe daṃḍadharo hatthasaṃṭhiyaṃ daṃḍaṃ tassaṃmuhaṃ ṭhavei | tao kālagagāhī tayagge uḍḍhaṭṭhio
iriyaṃ paḍikkamiya, aṭṭhassāsussaggaṃ kariya pāriya, namokkāraṃ bhaṇiya, saṃḍāsage paḍilehiya, uvavisiya, puttitigapaḍilehaṇeṇa akkhaliyāivihiṇā rayaharaṇeṇa vāratigaṃ kālamaṃḍalaṃ paḍilehei | ittha kālamaṃḍalakaraṇe uvaogahatthaparāvattāivihī gurumuhāo sikkhiyavvo | na lihiuṃ pārijjai | tao daṃḍayaṃ namokkārapuvvaṃ daṃḍadharakare samappei | aṇaṃtaraṃ pāe hatthesu lāpayaṃto nisīhī namokhamāsamaṇāṇaṃ ti bhaṇaṃto, kālamaṃḍale pavisiya,
colapaṭṭaṃ veḍyāaṃto paḍilehiya, uḍḍho hoūṇa bhaṇai - 'uvauttā hoha | pābhāiyakālaliyāvaṇiyaṃ karemikāussaggaṃ, annatthūsasieṇamittāi' jāvaaṭṭhassāsaṃ kāussaggaṃ uḍḍhaṭṭhiya daṃḍadharadhariya daṃḍaagge kariya
pārittā saṇiyaṃ bāhāo samāhaṭṭu rayaharaṇasaṇāhaṃ muhapottiyaṃ muhe dāuṃ, joḍiyākarasaṃpuḍo cauvīsatayaṃ bhaṇiya,
dumapupphiya - sāmannapubbiyaajjhayaṇe taiyaajjhayaṇasilogaṃ ca ciṃtei | ṇavaraṃ ajjhayaṇasamattiālāyage na
uccārei | uccāraṇe kālavaho | evaṃ puvvāe ciṃtiya, dāhiṇāe pacchimāe uttarāe ya siloga 17 ciṃtei

29.1-2.3

daṃḍadharo vi jattha jattha so paḍidisaṃ pāe ṭhāvissai, tattha tattha rayaharaṇeṇa aggaṃ paḍilehei | puṇo puvvadisāe bāhāo avalaṃbiya, namukkāraṃ ciṃtiya, pārittā namokkāraṃ kahittā, 'matthaeṇa vaṃdāmi āvassiṃ asajja
3. nisīhī 3. namo khamāsamaṇāṇaṃ' ti bhaṇaṃto, ṭhavaṇāyariyaṃmaṃḍalasamīve pavisiya, khamāsamaṇapuvvaṃ iriyaṃ paḍikkamai | kāussagge namukkāraṃ ciṃtiya pārittā bhaṇittā ya, khamāsamaṇamuhapottipuvvaṃ vaṃdaṇaṃ dāūṇa-'icchākāreṇa
saṃdisaha pābhāiu kāla paveyahaṃ | icchākāri tapasiyahu pābhāiu kālu sujhai' | savve bhaṇaṃti sujhati tti
tao dovi jāṇuṭṭiyā dumapupphiyaajjhayaṇeṇa sajjhāyaṃ kareṃti | tao kāluggāhī duvālasāvattavaṃdaṇaṃ dāuṃ
bhaṇai 'icchakāri tapasiyahu dinnaṃ suyaṃ ?' | savve bhaṇaṃti na kiṃci | evaṃ vāghāiya-addharattiya-verattiyā vi tattayaṇābhilāveṇa ghippaṃti | navaraṃ pābhāiyakālo pabhāe vasahipaveyaṇāṇaṃtaraṃ paveijjai | sesā gahaṇāṇaṃtaraṃ ceva
paveijjaṃti | tahā pābhāiyakālo avaraṇhe paḍilehaṇāe kayāe sajjhāyaṃ paṭṭaviya, kālamaṃḍalāī dukkhutto
kāuṃ, paccakkhāṇe vaṃdaṇaṃ dāūṇa, sajjhāyapaḍikkamaṇāṇaṃtaraṃ ca paḍikkamijjai | abbhasapaḍāisu uduvaddhe gajjiceva rāīe sesaṃ pariharijjai | sūre uggae sajjhāo havai | āiccagahaṇe puṇa ukkoseṇa solasapaharā asajjhāo | kahaṃ ? - uppāyagahaṇe uggamaṃto ceva gahio, sesaṃ diṇaṃ ṭhāuṇa gahio ceva atthamio | tao
ee cattāri diṇapaharā, cattāri rāīpaharā, annaṃ ca ahorattaṃ - evaṃ solasa | ahavā abbhacchanne sāhū na yāṇai

29.1-2.4

kevaivelāe gahaṇaṃ bhavissai; tahāvihapariṇṇāṇābhāvāo | tao taṃ divasaṃ sūragamāo ārabbha parihariyaṃ
atthamaṇasamae gahio atthamaṃto diṭṭho, tao sā rāī ya parihariyā; annaṃ ca ahorattaṃ - evaṃ solasa
jahanneṇaṃ puṇa bārasa | kahaṃ ? - atthamaṃto āicco gahio, taha ceva atthamio, tao āgāmirāitaṇayā
cattāri paharā annaṃ ca ahorattaṃ - evaṃ bārasa | solasa-bārasaṇhamaṃtarāle majjhimo asajjhāo | saggahaṇibuḍḍhe
evaṃ | jai puṇa diṇamajjhe gahio mukko ya, to gahaṇāo ārabbha ahorattaṃ pariharijjai
jadāha - ukkoseṇa duvālasa caṃdo jahanneṇa porisī aṭṭha
sūro jahannabārasa porasi ukkosa do aṭṭha

29.2-2

saggahaṇibuḍḍa evaṃ sūrāī jeṇa hoṃta 'horattā
āinnaṃ diṇamukko so ciya divaso ya rāī ya

29.21

saṃpayaṃ buṭṭhīasajjhāo - bārasasu vi māsesu bubbuyavarise ahorattā uḍuṃpi jai varisai to asajjhāo, jāva varisai | bubbuyavajjavarise doṇhamahorattāṇamuvari jāva paḍai, tāva asajjhāo | phusiyavarise sattaṇhamahorattāṇamuvari saṃtayaṃ paḍaṃte jāva paḍai, tāva asajjhāo, na parao | aṇudie sūre,
majjhanne atthamaṇe addharatte ya tti causu saṃjñāsu asajjhāo | sukkapakkhassa paḍivayaṃ bīyaṃ vā ārabbha diṇatigaṃ
jūvao tattha vāghāiyakālo na ghippai | evaṃ pakkhiyadiṇe vi
aṇajjhāyavihī samatto