Vidhimargaprapa 30.1
Vidhimārgaprapā 30.1
- Language
- Sanskrit
30.1.1
§ 37. aha kālagahaṇavihī - tattha sāmanneṇa kālo duviho - vāghāio avāghāio ya | tattha jo
vāghāio so ghaṃghasālāe gheppai, jo uṇa avāghāio so majjhe bāhire vā | jai majjhe ghippai to
niyamā sohaggo ṭhāveyavvo | aha bāhire, to ṭhāvijjai vā navā | daṃḍadharo ceva sohai | viseso, jahā -
cattāri kālā | taṃ jahā-pāosio vāghāio vā 1. aḍḍharattio 2. verattio 3. pābhāio 4 | tattha
pāosio paosavelāe gheppai | tīe ya velāe chīyakalayaladda aṇege vāghāyā hoṃti | ao ghaṃghasālāe
gheppai | ao ceva pāosio vāghāio bhaṇṇai 1 | aḍḍharattio aḍḍharattuvariṃ gheppai 2 | verattiya-pābhāiyā cautthapahare ghippaṃti | pāosiya-aḍḍharattiesu niyamā uttaradisāe kālagahaṇaṃ puvvaṃ kāyavvaṃ | verattie
bhayaṇā uttarā vā puvvā vā | pābhāie puvvā ceva | kālaṃ geṇhamāṇassa vāṇāriyassa daṃḍadharassa vā vaccaṃtassa
kālaussagge vā vaṃdaṇāṇaṃtaraṃ saṃdisāvaṇa-paveyaṇasamae vā jai chīya-khaliya-joi-nigghāya-vijjukkagajjiyāīṇi bhavaṃti tao cauro vi hammaṃti | pāosiya-aḍḍharattiya-verattiyā jai uvahayā to uvahayā
ceva | pāosio egaṃ vāraṃ ghippai na suddho to uvahammai | aḍḍharattio do tinni vārā, verattio cattāri
paṃca vā, pābhāio nava vāretti | ao ceva pābhāie asuddhe yogavāhīṇaṃ jāva kālā na pujjaṃti tāva diṇaṃ
gacchai tti | evaṃ pi payāo suvai tti - pābhāio uṇa puṇo puṇo niyattiya gheppai navavelā jāva | imiṇā
vihiṇā jai saṃdimāvaṇāpuvviṃ bhajjai to mūlāo gheppai; aha saṃdisāvaṇāṇaṃtaraṃ vaccaṃtassa kālamaṃḍalassa
30.1.2
paḍilehaṇāe puvvaṃ vā bhajjai, to evameva niyattiūṇa kālagoṇhago ṭhavaṇāyariyāsamīve khamāsamaṇapuvvaṃ saṃdisāviūṇa vihiṇā kālamaṃḍale āgacchai | aha kālapaḍilehaṇāṇaṃtaraṃ kālakāussaggo, kālakāussaggāṇaṃtaraṃ
kālamaṃḍale ṭhiyamma, to tattheva ṭhio ṭhavaṇāyariyāsaṃmuhaṃ ṭhāūṇa khamāsamaṇapuvvaṃ saṃdisāviūṇa puṇo mūlāo
aṇuogo pavattai, kiṃ āvassagassa uddeso samuddeso aṇuṇṇā aṇuogo pavattai ?; āvassagavairittassa
uddeso samuddeso aṇuṇṇā aṇuogo pavattai ? | āvassagassa vi uddeso samuddeso aṇuṇṇā aṇuogo pavattai;
āvassagavairittassa vi uddeso samuddeso aṇuṇṇā aṇuogo pavattai | jai āvassagassa uddeso samuddeso
aṇuṇṇā aṇuogo pavattai; kiṃ sāmāiyassa, cauvīsatthayassa, vaṃdaṇassa, paḍikkamaṇassa, kāussagassa, paccakkhāṇassa savvesiṃ pi eesiṃ uddeso samuddeso aṇuṇṇā aṇuogo pavattai ? | jai āvassagavairittassa uddeso samuddeso
aṇuṇṇā aṇuogo pavattai, kiṃ kāliyassa uddeso samuddeso aṇuṇṇā aṇuogo pavattai ?; ukkāliyassa uddeso
samuddeso aṇuṇṇā aṇuogo pavattai ? | kāliyassa vi uddeso samuddeso aṇuṇṇā aṇuogo pavattai; ukkāliyassa vi uddeso samuddeso aṇuṇṇā aṇuogo pavattai | jai ukkāliyassa uddeso samuddeso aṇuṇṇā aṇuogo
30.1.3
pavattai, kiṃ dasaveyāliyassa, kappiyākappiyassa, cullukappasuyassa, mahākappasuyassa, pamāyappamāyassa, ovāiyassa, rāyapaseṇaīyassa, jīvābhigamassa, paṇṇavaṇāe, mahāpaṇṇavaṇāe, naṃdīe, aṇuogadārāṇaṃ deviṃdatthayassa, taṃdulaveyāliyassa, caṃdāvijjhayassa, porisīmaṃḍalassa, maṃḍalapavesassa, gaṇivijjāe, vijjācaraṇaviṇicchiyassa, jhāṇavibhattīe, maraṇavibhattīe, āyavisohīe, maraṇavisohīe, | 'saṃlehaṇāsuyassa, vīyarāyasuyassa, vihārakappassa, caraṇavihīe, āurapaccakkhāṇassa, mahāpaccakkhāṇassa, savvesiṃ pi eesiṃ uddeso
samuddeso aṇuṇṇā aṇuogo pavattai | jai kāliyassa uddeso samuddeso aṇuṇṇā aṇuogo pavattai; kiṃ
uttarajjhayaṇāṇaṃ, dasāṇaṃ, kappassa, vavahārassa, isibhāsiyāṇaṃ, nisīhassa, jaṃbuddīvapaṇṇattīe, caṃdapaṇṇattīe,
sūrapaṇṇattīe, dīvasāgarapaṇṇattīe, khuḍḍiyāvimāṇapavibhattīe, mahalliyāvimāṇapavibhattīe, aṃgacūliyāe,
vaggacūliyāe, vivāhacūliyāe, aruṇovavāyassa, garulovavāyassa, dharaṇovavāyassa, velaṃdharovavāyassa,
vesamaṇovavāyassa, deviṃdovavāyassa, uṭṭhāṇasuyassa, samuṭṭhāṇasuyassa, nāgapariyāvaliyāṇaṃ, nirayāvaliyāṇaṃ, kappiyāṇaṃ, kappavaḍiṃsiyāṇaṃ, pupphiyāṇaṃ, pupphacūliyāṇaṃ, vaṇhīdasāṇaṃ, āsīvisabhāvaṇāṇaṃ, diṭṭhivisabhāvaṇāṇaṃ, cāraṇabhāvaṇāṇaṃ, mahāsumiṇagabhāvaṇāṇaṃ, teyaganisaggāṇaṃ, savvesiṃ pi eesiṃ uddeso samuddeso aṇuṇṇā aṇuogo pavattai | jai aṃgapaviṭṭhassa uddeso samuddeso aṇuṇṇā aṇuogo pavattai, kiṃ
30.1.4
āyārassa, sūyagaḍassa, ṭhāṇassa, samavāyassa, vivāhapaṇṇattīe, nāyādhammakahāṇaṃ, uvāsagadasāṇaṃ, aṃtagaḍadasāṇaṃ, aṇuttarovavāiyadasāṇaṃ, paṇhāvāgaraṇāṇaṃ, vivāgasuyassa diṭṭhivāyassa | savvesiṃ pi eesiṃ uddeso
samuddeso aṇuṇṇā aṇuogo pavattai
imaṃ puṇa paṭṭavaṇaṃ paḍucca-imassa sāhussa imāe sāhuṇīe vā amugassa aṃgassa, suyakkhaṃdhassa
vā uddesanaṃdī aṇuṇṇānaṃdī vā payaṭṭai | tao gaṃdhābhimaṃtaṇaṃ titthayarapāesu gaṃdhakkhevo ahāsannihiyāṇaṃ
vāsadāṇaṃ | tao bārasāvattavaṃdaṇayapuvvaṃ khamāsamaṇaṃ dāuṃ bhaṇaṃti-'icchākāreṇa tubbhe amhaṃ aṃgaṃ
suyakkhaṃdhaṃ vā uddisaha' | gurū bhaṇai-'uddisāmo'