Vidhimargaprapa 35

Vidhimārgaprapā 35

Language: Sanskrit

35.1

gurū vi tassa uvavūhaṇaṃ kāuṃ sūripayaṭhaviyasīsassa sāhuvaggassa sāhuṇīvaggassa ya aṇusaṭṭhiṃ dei | aṇuogavisajjaṇatthaṃ kāussaggaṃ duve vi kareṃti | kālassa paḍikkamaṃti | tao avihavasāviāo ārattiyāiavatāraṇaṃ kubaṃti | tao saṃghasahio chatteṇaṃ dharijñamāṇeṇaṃ mahūsaveṇaṃ vasahīe jāi | aṇuṇṇāyāṇuogo sūrī niruddhaṃ uvavāsaṃ vā karei | jahāsattīe saṃghadāṇaṃ karei | ittha saṃghapūyā-jiṇabhavaṇaṭṭhāhiyāikaraṇaṃ ca sāvayāhiyāro | bhoyaṇe purao caukkiyāidhāraṇaṃ, āsaṇe ya kaṃbalavatthakhaṃḍapaḍicchanno
puṭṭhipaṭṭo ya tassa aṇuṇṇāo
§ 71. uvavūhaṇā puṇa evaṃnijjāmao bhavaṣṇavatāraṇasaddhammajāṇavattaṃmi
mokkhapahasatthavāho annāṇaṃdhāṇa cakkhū ya

35.2

attāṇaṇaṃtāṇaṃ nāho'nāhāṇa bhavasattāṇaṃ
teṇa tumaṃ supurisa ! garuyaṃgacchabhāre niutto'si

35.3

aha aṇusaṭṭhīchattīṃsaguṇadhurādharaṇadhīradhavalehiṃ purisasīhehiṃ
goyamapāmukkhehiṃ jaṃ akkhayasokkhamokkhakae

35.4

savvottamaphalajaṇayaṃ savvottamapayamimaṃ samubbūḍhaṃ
tumae vi taya daḍhamasaḍhabuddhiṇā dhīra ! dharaṇīyaṃ

35.5

na io vi paraṃ paramaṃ payamatthi jae vi kāladosāo
volīṇesu jiṇesuṃ jamiṇaṃ pavayaṇapayāsakaraṃ

35.6

ao - nāṇāviṇeyavaggāṇusārisirijiṇavarāgamaṇugayaṃ
agilāṇīe'ṇuvajīghaṇāe vihiṇā paṭṭadiṇaṃ pi

35.7

kāyavvaṃ vakkavāṇaṃ jeṇa paratyojjaehiṃ dhīrehiṃ
āroviyaṃ tumamimaṃ nittharasi payaṃ gaṇaharāṇaṃ

35.8

saparovayāragaruyaṃ pasatthatitthayaranāmanimmavaṇaṃ
jiṇabhaṇiyāgamavakkhāṇakaraṇamiva aṇaṇuguṇajaṇagaṃ

35.9

agaṇipaparissamo to paresimuvayārakaraṇadullalio
suṃdara ! darisijja tumaṃ sammaṃ rammaṃ arihadhammaṃ

35.10

tahā - niccaṃ pi appamāo kāyavvo savvahā vi dhīra ! tume
ujjhamapare paṭṭaṃmi sīsā vi samujjhamaṃti jao

35.11

mahaṃsao vihāro kāyavvo savvahā tahā tumae
he suṃdara ! darisaṇa-nāṇa-caraṇaguṇapayarisanimittaṃ

35.12

saṃsittā vi hu mūle jaha vahui vitthareṇa vadhaṃtī
udahiṃ teṇa paranaī taha sīlaguṇehiṃ vaḍḍhāhi

35.46

therassa tavassissa vi subahusuyassa vi pamāṇabhūyassa
annāsaṃsaggīe nicaḍai vayaṇijjadaḍhavajjaṃ

35.47

kiṃ puṇa taruṇo appassuo ya avigidvatavapasatto ya
saddāiguṇapasatto na lahai jaṇajaṃpaṇaṃ loe

35.48

eso ya mae tumhe maggamajāṇāṇa maggadesayaro
cakkhū va acakkhūṇaṃ suvāhivihurāṇa vijjo va

35.49

asahāyāṇa sahāo bhavagattagayāṇa hatthadāyā ya
dinno gurū guṇagurū ahaṃ ca parimukkalo iṇhiṃ

35.50

eyammi sāraṇāvāraṇāidāṇe vi neva kuviyavvaṃ
ko hi sakaṇṇo kovaṃ karijja hiyakāriṇi jaṇammi

35.51

eso tumhāṇa pahū pabhūyaguṇarayaṇasāyaro dhīro
neyā esa mahappā tumhe bhavāḍavinivaḍiyāṇaṃ

35.52

omo samarāyaṇio appayarasuo hava tti dhīramimaṃ
paribhavihiha mā tumbhe gaṇi tti eṇhiṃ daḍhaṃ pujjo

35.53

mokkhatthiṇo hu tumbhe naya taduvāo guruṃ viṇā anno
tā guṇanahī imo ciya seveyavvo hu tumhāṇaṃ

35.54

tā kulavahunāeṇaṃ kajje nibbhacchiehi vi kahiṃ pi1
eyassa pāyamūlaṃ āmaraṇaṃtaṃ na mottavvaṃ

35.55

kiṃ bahuṇā bhaṇiyavve jimiyavve savvaciṭṭhiyavve ya
hojjaha aīva nihuyā eso uvaesasāro tti

35.29

āyariyapayaṭṭhāvaṇāvihī samatto

35.30

§ 72. saṃpayaṃ pavattiṇīpayaṭṭhāvaṇā | sā ya pavattiṇīpayābhilāveṇa vāyaṇāyariyapayaṭṭhavaṇātullā, maṃto
so ceva; navaraṃ khaṃdhakaraṇī laggavelāe dijjai | sesaṃ savvaṃ nisijjāi tahe va
§ 73. aha mahattarāpayaṭṭhāvaṇāvihī bhaṇṇai | jahāsattīe saṃghapūyāpurassaraṃ pasatthatihi-karaṇa-muhuttanakkhatta-jogalaggajutte divase mahattarājoggā nisijjā kīrai | tao sissiṇīe kayaloyāe sarīrapakkhālaṇaṃ
kāuṃ jiṇāyayaṇanivesiyasamosaraṇasamīve gurū ahīyasuyaṃ sissiṇiṃ vāmapāse ṭhavittā-'tumbhe amhaṃ puvvaajjācaṃdaṇāinivesiyamahayara-pavattiṇīpayassa aṇujāṇāvaṇiyaṃ naṃdikaṭṭhāvaṇiyaṃ vāsanikkhevaṃ kareha tti-'
bhaṇāvitto sissiṇīe sirasi vāse khivai | vaḍḍhaṃtiyāhiṃ thuīhiṃ ceiāīṃ vaṃdai, jāva arihāṇādiyuttabhaṇaṇaṃ | tao 'mahattarāpayaaṇujāṇāvaṇiyaṃ kāussaggaṃ kareha' tti bhaṇaṃtī sattāvīsossāsaṃ kāussaggaṃ guruṇā
saha karei | pārittā cauvīsatatthayaṃ bhaṇittā uḍḍhaṭṭhio sūrī namokkāratigaṃ bhaṇittā, 'nāṇaṃ paṃcavihaṃ pannattaṃ taṃ
jahā-ābhiṇibohiyanāṇaṃ, suyanāṇaṃ, ohināṇaṃ, maṇapajjavanāṇaṃ, kevalanāṇaṃ' ti maṃgalatthaṃ bhaṇiya, imaṃ puṇa
paṭṭavaṇaṃ paḍhucca-imīse sāhuṇīe mahattarāpayassa aṇuṇṇānaṃdī payaṭṭai-tti sirasi vāse khivei | tao uvavitaha maṇa-vai-kāehiṃ karaṃtu vippiyasayāiṃ tuha samaṇā
tesu tumaṃ tu piyaṃ ciya karijja mā vippiyalavaṃ ti

35.31

niggahiūṇa aṇakkhe akuṇaṃto taha ya egapakkhittaṃ
sāhammiesu samacittayāi savesu vaṭṭijjā

35.32

savajaṇabaṃdhubhācārihaṃ pi ikkassa ceva paḍibaddhaṃ
jo appāṇaṃ kuṇaī tao vimūḍho hu ko anno

35.33

evaṃ ca kīramāṇe hohī tuha bhuvaṇabhūsaṇā kittī
etto ceva ya caṃdaṃ paḍucca keṇāvi jaṃ bhaṇiyaṃ

35.34

'gayaṇaṃgaṇaparisakkaṇakhaṃḍaṇadukkhāī sahasu aṇavarayaṃ
na suheṇa hariṇalaṃchaṇa ! kīrai jayapāyaḍo appā'

35.35

aviṇīe sāsiṃto kārimakove vi mā hu muṃcijjā
bhadda ! pariṇāmasuddhiṃ rahassamesā hi savattha

35.36

uppāiyapīḍāṇa vi pariṇāmavaseṇa gaiviseso jaṃ
jaha govaṃ-kharaya-siddhatthayāṇa vīraṃ samāsajja

35.37

aitikkho kheyakaro hohisi paribhavapayaṃ aimiū ya
parivāraṃmi suṃdara ! majjhattho teṇa hojja tumaṃ

35.38

sa-parāvāyanimittaṃ saṃbhavai jahā asīa parivāro
evaṃ pahū vi tā tayaṇuvattaṇāe jaejja tumaṃ

35.39

aṇuvattaṇāi sehā pāyaṃ pāvaṃti joggayaṃ paramaṃ
rayaṇaṃ pi guṇokkarisaṃ pāvai parikammaṇaguṇeṇa

35.40

ittha u pamāyakhaliyā puvabbhāseṇa kassa va na hoṃti
jo' te'vaṇei sammaṃ guruttaṇaṃ tassa sahalaṃ ti

35.41

ko nāma sārahī ṇaṃ sa hojja jo bhaddavāhaṇo damae
duṭṭe vi hu jo āse damei taṃ sārahiṃ ciṃti

35.42

ko nāma bhaṇiikusalo vi ittha accabbhuyappabhāvammi
gaṇaharapae paivayaṃ sahuvaese khamo vuttuṃ

35.43

paramittiyaṃ bhaṇāmo jāyai jeṇunnaī pavayaṇassa
taṃ taṃ viciṃtiūṇaṃ tumae sayameva kāyavaṃ

35.44

sīsāṇusāsaṇe vi hu pāraddhe aha imaṃ tumaṃ pi khaṇaṃ
ghaṇiṇajjaṃtaṃ jaipahū ! pahiṭṭhacitto nisāmehi

35.45

vajjeha appamattā annāsaṃsaggimaggivisasarisaṃ
annāṇuyaro sāhū pāvai vayaṇijjamacireṇa

35.12-2

annaṃ ca vihumalayā muttāsuttīoṃ rayaṇarāsīoṃ
aimaṇaharāu dhārai na kealāoṃ jalahivelā

35.13

kiṃ tu jaha sippiṇīo bherīo tahā varāḍiyāo vi
jalajoṇi tti samattā asuṃdarāo vi dhārei

35.14

evaṃ rāīsarasiṭṭhipamuhaputtīoṃ pauṃraśayaṇāo
bahupaḍhiyapaṃḍiyāo savagga-sayaṇīoṃ jāo ya

35.15

mā tāo ceva tumaṃ dhārijjasu kiṃ tu tadiyarāo vi
saṃjamabharavahaṇaguṇeṇa jeṇa savvāoṃ tullāo

35.16

avi nāma jalahivelā tāo dhariuṃ kayāi ujjhai vi
niccaṃ pi tumaṃ tu dharijña ceva eyāo dhannāo

35.17

annaṃ ca dutthiyāṇaṃ dīṇāṇamaṇakkharāṇa vigalāṇaṃ
ūṇahiyayāṇa nibaṃdhavāṇa taha laddhirahiyāṇaṃ

35.18

payainirādeyāṇaṃ vinnāṇavivajjiyāṇa asuhāṇaṃ
asahāyāṇa jarāparigayāṇa nibuddhiyāṇaṃ ca

35.19

bhaggavilluggaṃgīṇa vi visamāvatthagayakhaṃḍakharaḍāṇaṃ
iyarūvāṇa vi saṃjamaguṇikkarasiyāṇa samaṇīṇaṃ

35.20

guruṇīva aṃgapaḍicāriga va dhāvīva piyavayaṃsi va
hujja bhagiṇīva jaṇaṇīva ahava piyamāimāyā' va

35.21

taha daḍhaphaliyamahādumasāha va tumaṃ pi uciyaguṇasahalā
samaṇijaṇasauṇisāharaṇā daḍhaṃ hujja kiṃ bahuṇā

35.22

evamaṇusāsiūṇaṃ pavattiṇiṃ; ajjipāoṃ aṇusāse
jaha eso tumhe gurū baṃdhū va piyā va māyā va

35.23

ee vi mahāmuṇiṇo sahoyarā jeṭṭhabhāyaro va sayā
tumhaṃ devāṇuppiyāṇa paramavacchallatallicchā

35.24

tā guruṇo muṇiṇo vi ya maṇasā vayasā taheva kāeṇaṃ
naya paḍikūleyavvā avi ya subahumanniyavvāo

35.25

evaṃ pavattiṇī vi hu akhaliyatavayaṇakaraṇao ceva
sammamaṇuyattaṇijjā na kovaṇijjā maṇāgaṃ pi

35.26

kuviyā vi kahavi tumhaṃ sadosapaḍivattipuvvamaṇuvelaṃ
khāmeyavvā esā migāvaī iva niyaguruṇī

35.27

esā sivapuragamaṇe supasatthā satthavāhiṇī jaṃ bhe
esā pamāyaparacakkavilluṇe paṭṭayapaḍiseṇā

35.3-2

siya gaṃdhābhimaṃtaṇaṃ saṃghavāsadāṇaṃ jiṇacalaṇesu gaṃdhakkhevo | tao paḍhamakhamāsamaṇe-'icchākāreṇa tumbhe amhaṃ
mahattarāpayaṃ aṇujāṇaha -' tti bhaṇie, gurū bhaṇai-'aṇujāṇāmi' | bīe-'saṃdisaha kiṃ bhaṇāmi ?' gurū
āha-'vaṃdittā paveyaha' | taie-'tumhehiṃ amhaṃ mahattarāpayamaṇuṇṇāyaṃ ?' gurū āha-'aṇuṇṇāyaṃ'

35.1-2

khamāsamaṇāṇaṃ hattheṇaṃ0, 'icchāmi aṇusaṭṭhiṃ' ti; gurū bhaṇai-nitthāragapāragā hohi, guruguṇehiṃ vaḍḍhāhi
cautthe-'tumhāṇaṃ paveiyaṃ saṃdisaha sāhūṇaṃ paveemi' | paṃcamaṃ khamāsamaṇaṃ dei | tao namokāramuccarantī
saguruṃ samavasaraṇaṃ payakkhiṇī karei vāratigaṃ | chaṭṭhe-'tumhāṇaṃ paveiyaṃ, sāhūṇaṃ paveiyaṃ, saṃdisaha karemi' tti
bhaṇittā, sattame aṇuṇṇāyamahattarāpayathirīkaraṇatthaṃ karemi kāussagamiti kāussaggo kīrai | ujjoyaciṃtaṇapuvvayaṃ kāussaggaṃ pārittā, cauvīsatthayaṃ bhaṇittā, vaṃdittā uvavisai | tao pacchāe laggavelāe
khaṃdhakaraṇīkhaṃdhe nisijjai | dukaṃbalā nisijjā ya hatthe dijjai | taduttaraṃ caṃdaṇacacciyadāhiṇakaṇṇāe
uvajjhāyamaṃto dijjai vāratigaṃ, nāmaṭṭhavaṇaṃ ca kīrai | taduttaraṃ ajjacaṃdaṇā-migāvaīṇa paramaguṇe sāhiṃto
mahattarāe vaiṇīṇaṃ ca gurū aṇusaṭṭhiṃ dei | jahāuttamamimaṃ payaṃ jiṇavarehiṃ logottamehiṃ paṇṇattaṃ
uttamaphalasaṃjaṇayaṃ uttamajaṇaseviyaṃ loe