Vidhimargaprapa 36
Vidhimārgaprapā 36
- Language
- Sanskrit
36.1
tadaṇuṇṇāo anno vā tahāviho aṇuṇṇatthaṃ naṃdiṃ kaṭṭai | sīso uvautto bhāviyappā tayatthaparibhāvaṇāparo
suṇei | tayante gurū uvavisiya, gaṃdhe abhimaṃtiya, jiṇapāe pūiya sāhumāīṇaṃ dei | tao vaṃdittā sīso
bhaṇai-'icchākāreṇa tumbhe amhaṃ digāi aṇujāṇaha' | gurū āha-'khamāsamaṇāṇaṃ hattheṇaṃ imassa sāhussa
digāi aṇunnāyaṃ 3' | puṇo vaṃdittā bhaṇai-'saṃdisaha kiṃ bhaṇāmo ?' gurū āha-'vaṃdittā paveyaha' | tao
vaṃdittā bhaṇai-'icchākāreṇa tumbhehi amhaṃ digāi aṇunnāyaṃ | icchāmo aṇusaṭṭhiṃ' | gurū āha-'gurūguṇehiṃ vaḍḍhahi' | puṇo vaṃdittā bhaṇai-'tumhāṇaṃ paveiyaṃ, saṃdisaha sāhūṇaṃ paveemi' | gurū āha-'paveehi'
tao khamāsamaṇapuvvaṃ namokāramuccaraṃto guruṃ payakkhiṇīkarei | gurū sīse vāse khivaṃto-'guruguṇehiṃ vaḍḍhahi'tti
bhaṇai | evaṃ tinni velā | tao-'tumhāṇaṃ paveiyaṃ, sāhūṇaṃ paveiyaṃ, saṃdisaha kāussaggaṃ karemi'-tti bhaṇiya
digāiaṇuṇṇatthaṃ karemi kāussaggaṃ, annatthūsasieṇamiccāi kāussaggaṃ kariya sūrisamīve uvavisai
sīsāiyā tassa vaṃdaṇaṃ diṃti | tao mūlagurū gaṇaharagacchāṇusaṭṭhiṃ dei | jahādhanno'si tumaṃ nāyaṃ jiṇavayaṇaṃ jeṇa sayaladukkhaharaṃ
to sammamimaṃ bhavayā paḍaṃjiyavvaṃ sayākālaṃ
36.2
iharā u riṇaṃ paramaṃ asammajogo ajogao avaro
to taha iha jaiyavvaṃ jaha itto kevalaṃ hoi
36.3
paramo ya esa heū kevalanāṇassa annapāṇīṇaṃ
mohāvaṇayaṇao taha saṃvegāi sayabhāveṇa
36.4
uttamamimaṃ0......gāhā
36.5
dhaṇṇāṇa0......gāhā
36.6
saṃpāviūṇa parame nāṇāī duhiyatādaṇasamatthe
bhavabhayabhīyāṇa daḍhaṃ tāṇaṃ jo kuṇai so dhanno
36.7
annāṇavāhigahiyā jaivi na sammaṃ ihāurā hoṃti
tahavi puṇa bhāvavijjā tesiṃ avaṇiṃti taṃ vāhiṃ
36.8
tā taṃsi bhāvavijjo bhavadukkhanivīḍiyā tuhaṃ ee
huṃdi saraṇaṃ pavannā moeyavvā payatteṇaṃ
36.9
taṃ puṇa erisao ciya tahavi hu bhaṇiosi samayanīīe
niyayāvatthāsarisaṃ bhavayā niccaṃ pi kāyavvaṃ
36.10
tumbhehiṃ pi na eso saṃsārāḍavimahākuḍillammi
siddhipurasatthavāho jatteṇa khaṇaṃ pi mottavvo
36.11
naya paḍikūleyavvaṃ vayaṇaṃ eyassa ṇāṇarāsissa
eva gihavāsacāo jaṃ saphalaṃ hoi tumhāṇaṃ
36.12
iharā paramagurūṇaṃ āṇābhaṃgo nisevio hoi
vihalā ya hoṃti tammi niyamā ihaloga-paralogā
36.13
tā kulavahunāeṇaṃ kanne nibbhacchiehiṃ vi kahiṃvi
eyassa pāyamūlaṃ āmaraṇantaṃ na mottavvaṃ
36.14
nāṇassa hoi bhāgī thirayarao daṃsaṇe caritte ya
dhannā āvakahāe gurukulavāsaṃ na muṃcaṃti
36.28
taha nihuyaṃ caṃkamaṇaṃ nihuyaṃ hasaṇaṃ payaṃpiyaṃ nihuyaṃ
savvaṃ pi ciṭṭhiyaṃ nihuyamaiva tumhehiṃ kāyavvaṃ
36.29
vāhiṃ uvassayāo payaṃ pi negāgiṇīhiṃ dāyavvaṃ
buḍḍhajjiājuyāhi ya jiṇa-jaigehesu gaṃtavvaṃ
36.30
tao aṇuṇṇāyamahattarāpayā caṃdaṇaṃ dāūṇa paccakkhāṇaṃ niruddhāi karei | savvalogo vaṃdai, thījaṇo
baṃdaṇayaṃ ca dei tīe | jiṇahare gurūṇaṃ samosaraṇe ya pūyā kāyavvā | pavattiṇīpae mahattarāpae ya aṇuṇṇāe
vatthapattāigahaṇaṃ sayaṃ pi tīse kāuṃ kappai
mahattarāpayaṭṭhāvaṇāvihī