Pramāṇa · Search · About · API

Vidhimargaprapa 37

Vidhimārgaprapā 37

Language
Sanskrit

37.1

§ 74. evaṃ mūlagurū sammattārovaṇadikkhāikkajjāī vakkhamāṇāī ca paiṭṭhāīṇi kāūṇa kyāi āuṣajjantaṃ
jāṇiya, tasseva kayaaṇujogāṇuṇṇassa annassa vā ahiyaguṇassa gaṇāṇuṇṇaṃ karei | jadāhasutatathe nimmāo piyadaḍhadhammo'ṇuvattaṇākusalo
jāīkulasaṃpanno gaṃbhīro laddhimaṃto ya

37.2

saṃgahauggahaṇirao kayakaraṇo pavayaṇāṇurāgī ya
evaṃ viho u bhaṇio gaṇasāmī' jiṇavariṃdehiṃ

37.3

tahā-gīyatthā kayakaraṇā kulajā pariṇāmiyā ya gaṃbhīrā
ciradikkhiyā ya buḍḍhā ajjā ya 'pavattiṇī bhaṇiyā

37.4

eyaguṇavippamukke jo dei gaṇaṃ 'pavattiṇipayaṃ vā
jo vi' paḍicchai navaraṃ so pāvai āṇamāīṇi

37.5

jao-vūḍho gaṇaharasaddo goyamamāīhiṃ dhīrapurisehiṃ
jo taṃ ṭhavai apatte jāṇaṃto so mahāpāvo

37.6

eva pavattiṇisaddo vūḍho jo ajjacaṃdaṇāīhiṃ
jo taṃ ṭhavai apatte jāṇaṃto so mahāpāvo

37.7

logammi uḍḍāhī jattha gurū erisā tahiṃ sīsā
laṭṭaparā annesiṃ aṇāyaro hoi aguṇesu

37.8

tamhā titthayarāṇaṃ ārāhaṃto jahoiyaguṇesu
dijja gaṇaṃ gīyattho nāūṇa pavittiṇipayaṃ ca

37.10

§ 75. gaṇāṇuṇṇāvihī ya imo-suhatihi-karaṇāesu gurū khamāsamaṇapuvvaṃ-'icchākāreṇa tumbhe amhaṃ
digāiaṇujāṇāvaṇatthaṃ vāsanikkhevaṃ kareha'- tti sīsaṃ bhāṇiya, kāūṇa ya vāsakkhevaṃ, puṇo khamāsamaṇapuvvaṃ-'icchākāreṇa tumbhe amhaṃ digāiaṇujāṇāvaṇiyaṃ naṃdikaṭṭhāvaṇiyaṃ deve vaṃdāveha'- tti bhāṇiya vāmapāse taṃ kariya, vaḍḍhaṃtiyāhiṃ thuīhiṃ deve vaṃdai | tao sīso vaṃdittā bhaṇai-'icchākāreṇa tumbhe amhaṃ
digāiaṇujāṇāvaṇiyaṃ naṃdikaṭṭhāvaṇiyaṃ kāussaggaṃ kāreha' | tao dovi digāiaṇujāṇaṇatthaṃ kāussaggaṃ
kariti | tattha cauvīsatthayaṃ ciṃtittā, namokāreṇa pārittā, cauvīsatthayaṃ bhaṇittā, namokkāratigapuvvaṃ gurū
tao-arihaṃ devo guruṇo susāhuṇo jiṇamayaṃ maha pamāṇaṃ
jiṇapannattaṃ tattaṃ iya sammattaṃ mae gahiyaṃ

Linked texts (1)