Vidhimargaprapa 39
Vidhimārgaprapā 39
- Language
- Sanskrit
39.1
§ 76. evaṃ mūlagurū kayakicco harisabharanibbharo pajjaṃtārāhaṇaṃ karei, annassa vā kārei | ao tavvihī
bhaṇṇai-paḍhamaṃ ca vihiyapūyāvisesassa jiṇabiṃbassa darisaṇaṃ gilāṇo kāravijjai | caubihasaṃghaṃ mīlīya
gilāṇeṇa samaṃ saṃghasahio gurū ahigayajiṇathuīe deve vaṃdei | tao sirisaṃtināha-saṃtidevayā-khettadevayābhavaṇadevayā-samattaveyāvaccagarāṇaṃ kāussaggā thuīo ya | tao sakkatthaya-saṃtitthayabhaṇaṇāṃtaraṃ ārāhaṇādevayāe kāussaggo, ujjoyacaukkaciṃtaṇaṃ, pāriya ujjoyabhaṇaṇaṃ tīse vā thuidāṇaṃ | sā ya imāyasyāḥ sānnidhyato bhavyā vāñchitārthaprasādhakāḥ
śrīmadārādhanādevī vighnavrātāpahā'stu vaḥ
39.1-2
tao sūri nisijjāe uvavisiya gaṃdhe abhimaṃtiya 'uttamaṭṭhaārāhaṇatthaṃ vāsanikkhevaṃ kareha' tti
bhaṇiya, ārāhayasirasi vāsacaṃdaṇakkhae khivai | tao bālakālāo ārabbha āloyaṇadāvaṇaṃ
je me jāṇaṃti jiṇā avarāhe jesu jesu ṭhāṇesu
te'haṃ āloemī uvaṭṭhio savvabhāveṇa
39.2
chaumattho mūḍhamaṇo kittiyamittaṃ ca saṃbharai jīvo
jaṃ ca na sumarāmi ahaṃ micchā me dukkaḍaṃ tassa
39.3
jaṃ jaṃ maṇeṇa baddhaṃ asuhaṃ vāyāi bhāsiyaṃ jaṃ jaṃ
jaṃ jaṃ kāeṇa kayaṃ micchā me dukkaḍaṃ tassa
39.4
hā duṭṭha kayaṃ hā duṭṭha kāriyaṃ aṇumayaṃ pi hā duṭṭha
aṃtoaṃto ḍajjhai hiyayaṃ pacchāṇutāveṇaṃ
39.5
jaṃ pi sarīraṃ iṭṭhaṃ kuḍuṃba-uvagaraṇa-rūva-vinnāṇaṃ
jīvovaghāyajaṇayaṃ saṃjāyaṃ taṃ pi niṃdāmi
39.6
gahiūṇa ya mokkhāī jaṃmaṇa-maraṇesu jāī dehāī
pāvesu pavattāī vosiriyāī mae tāī
39.7
ii gāhāo bhāṇijjai | tao saṃghakhāmaṇāsāhū ya sāhuṇīo sāvaya-sāvīo cauviho saṃgho
je maṇa-vai-kāehiṃ āsāio taṃ pi khāmemi
39.8
āyariya uvajjhāe sīse sāhammiṇa kulavaṇe ya
je me kayā kasāyā savve tiviheṇa khāmemi
39.9
khāmemi savvajīye savve jīvā khamaṃtu me
mittī me savvabhūesu veraṃ majjhaṃ na keṇai
39.33
sadvāṇāo ceva niyattiyavvaṃ | jeṇeva paheṇa gayā teṇeva ya na niyattiyavvaṃ | tahā ciraṃtaṇakāle avaropparamasaṃbaddhā hatthacauraṃgulappamāṇā samaccheyā dabbhakusā gīyattho vikirai tti āsi | gahiyasaṃkiyaṭṭhāṇe kappamuccārittā kappavāṇiyabhāyaṇaṃ dorayaṃ ca tattheva paridvāviya, pacchā navakāratigaṃ bhaṇiūṇa daṃḍayaṃ ṭhaviya iriyaṃ
paḍikkaṃtā sakkatthayaṃ bhaṇaṃti, uvasaggaharaṃ ti thuttaṃ | tao mahāpāriṭṭhāvaṇiyā pāriṭṭhāvāvaṇiyaṃ kāussaggaṃ kareṃti
ujjoyacaukkaṃ navakāraṃ vā ciṃtittā pārittā ujjoyagaraṃ navakāraṃ vā bhaṇaṃti | tivihaṃ tiviheṇaṃ vosirio 3 5
iti bhaṇaṃti | tao khuddovaddavaohaḍāvaṇiyaṃ kāussaggaṃ kareṃti | ujjoyacaukkaṃ ciṃtiya pāriya cauvīsatthayaṃ
bhaṇaṃti | pacchā bīyaṃ kappaṃ gāmassa samīve āgaṃtumuccāriṃti, kappavāṇiyaṃ mattagaṃ ca paridvaveṃti | tao parāhuttaṃ
paṃgurittā ahārāyaṇiyakkamaṃ pariharittā sammuhaceīhare gaṃtuṃ ummatthagasaṃkeliyarayaharaṇa-muhapottīhiṃ gamaṇāgamaṇamāloiya iriyaṃ paḍikkamiya upparāhuttaṃ ceiyavaṃdaṇaṃ kāuṃ saṃtinimittaṃ ajiyasaṃtitthayaṃ bhaṇaṃti | tao ummatthagavesaparihāreṇa paṃguriya, jahāvihi ceiyāiṃ vaṃdiya, vasahīe āgamma, khaṃdhiyā taīyaṃ kappaṃ uccāriṃti | tao 10
āyariyasagāse avihipāriṭṭhāvaṇiyāe ohaḍāvaṇiyaṃ kāussaggaṃ kareṃti, ujjoyacaukkaṃ navakāraṃ vā ciṃtiya
pārittā ujjoyaṃ navakāraṃ vā bhaṇaṃti | jaṃ tālayamajjhe nikkhittaṃ bhaṃḍovagaraṇaṃ taṃ aṇāuttaṃ na bhavai, sesaṃ savvaṃ
tippijjai | āyariya-bhattapaccakkhāya-khavagāie bahujaṇasaṃsae mae asajjhāo khamaṇaṃ ca kīrai, na savvattha
esa sivavihī | asive khamaṇaṃ asajjhāo avihivigiṃcaṇakāussaggo ya na kīrai | tao gihatthehiṃ
āyaraṇāvasāo aggisakāre kae jaṃ tassa bhoyaṇaṃ royaṃtagaṃ taṃ tasseva pattiyāe chottuṃ tahiṃ diṇe tattheva dhāri- 15
jjai | kāga-caḍaya-kavoḍhāiyaṃ khaṇaṃ tattheva ciṃtijjai | seyajīve devagaī, kasiṇajīve kugaī, annesu majjhimagaī
tumaṃ amhekarapariggahāo uciṇṇo, bahuāṇaṃ pariggahe saṃvutto - iti bhāṇiūṇa aṇujāṇāvijjai tti
mahāpāriṭṭhāvaṇiyāvihī samatto