Vidhimargaprapa 46
Vidhimārgaprapā 46
- Language
- Sanskrit
46.1
sahadevī-balā-śatamūlī-śatāvarī-kumārī-guhā-siṃhī-vyāghrīsaddauṣadhisnānam 6darśanaṃ ca | tataḥ priyaṃgukarpūragorocanāhastalepo haste dīyate | adhivāsanāmaṃtreṇa kare pārśvata ṛddhivṛddhisametaṃviddhamadanaphalākhyakaṃkaṇabandhanam | sa cāyam - 'oṃ namo khīrāsavaladdhīṇaṃ, oṃ namo mahuyāsavaladdhīṇaṃ,
oṃ namo saṃbhinnasoīṇaṃ, oṃ namo payāṇusārīṇaṃ, oṃ namo kuṭṭhabuddhīṇaṃ, jamiyaṃ vijjaṃ pauṃjāmi sā me vijjā
pasijjau, oṃ avatara avatara some some kuru kuru oṃ vaggu vaggu nivaggu sumaṇe somaṇase madhumahure kavila
oṃ kakṣaḥ svāhā' -- adhivāsanāmaṃtraḥ | yadvā - 'oṃ namaḥ śāntaye hūṃ kṣūṃ hūṃ saḥ' -- kaṃkaṇamaṃtraḥ | adhivāsanāmaṃtreṇaiva- 'oṃ sthāvare tiṣṭha tiṣṭha svāhā'-- iti sthirīkaraṇamaṃtreṇa vā muktāśuktyā bimbe pañcāṃgasparśaḥ
mastaka 1 skandha 2 jānu 2 vārasapta sapta cakramudrayā vā | dhūpaśca niraṃtaraṃ dātavyaḥ | parameṣṭhimudrāṃ sūriḥ
karoti | punarapi jināhvānam | tato niṣadyāyāmupaviśyāsanamudrayā madhyātprabhṛti nandyāvarttanāmakapūreṇa
pūjayet | vakṣyamāṇakrameṇa sadaśāvyaṃgavastreṇa tamācchādayet | tadupari nālikerapradānam | tadupari saṃkalpamātreṇa pratiṣṭhāpya bimbasthāpanaṃ calapratiṣṭhākhyāpanāya | tataḥ pradhānaphalairnandyāvarttasya pūjanaṃ caturviṃśatyā patraiḥ
pūgaiśca pūjanīyaḥ | tato vicitrabalividhānam | yathā- jaṃbīra-bījapūraka-panasāmra-dāḍimekṣuvṛkṣa-ityādiphalaḍhaukanam | tataścatuḥkoṇakeṣu vedikāyāḥ pūrvaṃ nyastāyāścatustantuveṣṭanam, caturdiśaṃ śvetavārakopari godhūmavrīhi-yavānāṃ yavabārakāḥ sthāpyāḥ | tato drākṣā-kharjūra-varrpolaka-uttatī-akṣoṭaka-vāyamba-ityādiḍhaukanam
tato cāṭu-khīri-karaṃjuḍa-kaisari-kūra-sīṃdhaivaḍi-pūyalī-sarāvu 7 dīyante | kākariyā mugasatkā 5, yavasatka 5
gohū 5 ciṇā 5 tilasatka 5 suṃhālī khājā lāḍū māṃḍī murakī ityādi pracurabaliḍhaukanam | punaḥ sūtrasahitasahiraṇyacaṃdanacarcitakalaśāścatvāraḥ pratimātikaṭe sthāpyante | ghṛtaguḍasametamaṃgalapradīpa 4 svastikapaṭṭasya catasṛṣvapi dikṣu sakapardaka-sahiraṇya-sajala-sadhānya-caturvārakasthāpanam | teṣu ca sukumālikākaṃkaṇāni
karaṇīyāni, yavavārāśca sthāpyāḥ | pūrṇakausumbharaktavastrasūtreṇa caturguṇaṃ veṣṭanaṃ vārakāṇām | tataḥ śakrastavena
caityavandanaṃ kṛtvā adhivāsanālamasamaye kaṇṭhe kusumbhasūtreṇa puṣpamālāsametaṛddhivṛddhiyutamadanaphalāropaṇapūrvakaṃ
candanayuktena puṣpavāsadhūpapratyakṣādhivāsitena vastreṇa sadaśena vadanācchādanaṃ māisāḍī cāropyate | tadupari
candanacchaṭā sūriṇā sūrimaṃtreṇādhivāsanaṃ ca vāratrayaṃ kāryam | tato gandhapuṣpayuktasaptadhānyakṣapanamañjalibhiḥ
taccedam-śāli-yava-godhūma-mudga-valla-caṇaka-cavalā iti | tataḥ puṣpāropaṇaṃ dhūpotpāṭanam | tataḥstrībhiravidhavāmiśratasubhiradhikābhirvā prokṣaṇakam, yathāśakti hiraṇyadānaṃ ca | tābhireva punaḥ pracuralḍukādivalikaraṇam | tataḥ puṭikā 360 dīyante | sāmprataṃ krayāṇakāni 360 saṃmīlya ekaiva puṭikā śarāve kṛtvā
pratimāgre dīyate, iti dṛśyate | tataḥ śrāddhā āratrikāvatāraṇaṃ maṃgalapradīpaṃ ca kurvanti | caityavandanaṃ kāyotsargo'dhivāsanādevyāścaturviṃśatistavacintanam | tasyā eva stutiḥviśvāśeṣeṣu vastuṣu mantrairyā'jasramadhivasati vasattau
semāmavataratu śrījinatanumadhivāsanādevī
46.2
yadvā - pātālamantarikṣaṃ bhavanaṃ vā yā samāśritā nityam
sā'trāvataratu jainīṃ pratimāmadhivāsanādevī
46.1-2
tataḥ śrutadevī 1 śānti 2 ambā 3 kṣetra 4 śāsanadevī 5 samastavaiyyāvṛttya 6 kāyotsargaḥ
yā pāti śāsanaṃ jainaṃ sadyaḥ pratyūhanāśinī
sā'bhimetasamṛddhayarthaṃ bhūyācchāsanadevatā
46.12
punarapi dhāraṇepaviśya kāryā sūriṇā- 'svāgatā jināḥ siddhā-' ityādineti | adhivāsanāvidhirayam
indramagniṃ yamaṃ caiva naiṛtaṃ varuṇaṃ tathā
vāyuṃ kuberamīśānaṃ nāgān brahmāṇameva ca
46.13
adhivāsitaṃ sumantraiḥ sumanaḥ kiṃjalkarājitaṃ toyam
tīrthajalādisu pṛktaṃ kalaśonmuktaṃ patatu bimbe
46.14
gandhāṅgasnānikāyā sanmṛṣṭaṃ tadudakasya dhārābhiḥ
snapayāmi jainabimbaṃ karmaughocchittaye śivadam
46.15
hṛdyairālhādakaraiḥ spṛhaṇīyairmantrasaṃskṛtairjanam
snapayāmi sugatihetorbimbaṃ adhivāsitaṃ vāsaiḥ
46.16
śītalasarasasugandhirmanomataścandanadrumasamutthaḥ
candanakalkaḥ sajalo mantrayutaḥ patatu jinabimbe
46.17
kāśmīrajasuviliptaṃ bimbaṃ tannīradhārayā'bhinavam
sanmantrayuktayā śuci jainaṃ snapayāmi siddhyartham
46.18
jaladhinadīhṛdakuṇḍeṣu yāni tīrthodakāni śuddhāni
tairmantrasaṃskṛtairiha bimbaṃ snapayāmi siddhyartham
46.19
śaśikaratuṣāradhavlā ujjvalagandhā sutīrthajalamiśrā
karpūrodakadhārā sumantrapūtā patatu bimbe
46.20
nānāsugandhapuṣpaugharañjitā cañcarīkakṛtanādā
dhūpāmodavimiśrā patatāt puṣpāñjalirbimbe
46.19-2
cakre devendrarājaiḥ suragiriśikhare yo'bhiṣekaḥ payobhirnṛtyantībhiḥ surībhirlalitapadagamaṃ tūryanādaiḥ sudīptaiḥ
kartuṃ tasyānukāraṃ śivasukhajanakaṃ mantrapūtaiḥ sukumbhairjainaṃ bimbaṃ pratiṣṭhāvidhividyanaparaḥ snāpayāmyatra kāle
Linked texts (1)
- Pratiṣṭhākalpa (Sakalacandra Upādhyāya) — Sakalacandra Upādhyāya 1578, Sanskrit