Vidhimargaprapa 53
Vidhimārgaprapā 53
- Language
- Sanskrit
53.1
śrīcandrasūrikṛtapratiṣṭhāsaṃgrahakāvyāni
ghoṣāvijja amāriṃ raṇṇo saṃghassa taha ya ṇāharaṇaṃ
viṇṇāṇiyasaṃmāṇaṃ kujjā khittassa suddhiṃ ca
53.2
taha ya disipālaṭhavaṇaṃ takkiriyaṃgāṇa saṃnihāraṇaṃ ca
duvihasuī posahio veīe ṭhavijja jiṇabiṃbaṃ
53.3
navaraṃ sumuhuttaṃmī pubuttaradisimuhaṃ sauṇapubaṃ
vajjaṃtesu cauvihamaṃgalatūresu pauresu
53.4
to savasaṃghasahio ṭhavaṇāyariyaṃ ṭhavittu paḍimapuro
deve vaṃdai sūrī parihiyanivāhimuhayattho
53.5
saṃtisupadevayāṇaṃ karei ussaggaṃ suhapayāṇaṃ ca
sahiraṇadāhiṇakaro sayalīkaraṇaṃ tao kujjā
53.6
to suddhobhayapakkhā dakkhā kheyannuyā vihiyarakkhā
ṇavadaṇagarāo khivaṃtī disāsu savāsu siddhayaliṃ
53.7
tayaṇaṃtaraṃ ca suiya kalasacaukkeṇa te ṇhavaṃti jiṇaṃ
paṃcarayaṇodageṇaṃ kasāyasalileṇa tatto ya