Vidhimargaprapa 54
Vidhimārgaprapā 54
- Language
- Sanskrit
54.1
atha śāstroditasthāne pīṭhaṃ śāstroktalakṣaṇam
saṃsthāpya niścalaṃ tatra samīpaṃ pratimāṃ nayet
54.2
sauvarṇaṃ rājataṃ tāmraṃ śailaṃ vā caturasrakam
ramyaṃ patraṃ vinirmmāpya sadalaṃ masṛṇaṃ tathā
54.3
evaṃ vilikhya saṃsnāpya patraṃ kṣīreṇa cāmbunā
sugandhidravyamiśreṇa candanenānulepayet
54.4
saṃtyuṣpākṣatanaivedyadhūpadīpaphalairjapet
sugandhaprasavaistatra jāpyamaṣṭottaraṃ śatam
54.5
saṃsthāpya mātṛkāvarṇaṃ mālāmantreṇa tattvataḥ
patramadhye ca yatpadmaṃ pīṭhe gandhena tallikhet
karpūrakuṅkumaṃ gandhaṃ pāradaṃ ratnapañcakam
54.6
kṣiptvā ca patramāropya pratimāṃ sthāpayettataḥ
pṛthvītattvaṃ ca dhātavyamityājñāpa iti dhruvam