Vidhimargaprapa 60
Vidhimārgaprapā 60
- Language
- Sanskrit
60.1
§ 113. saṃpayaṃ aṃgavijjāsiddhivihī jahāsaṃpadāyaṃ bhaṇṇai | bhagavaie aṃgavijjāe saṭṭhiajjhāyamaīe
mahāpurisadiṇṇāe bhūmikammavijjā kiṇhacauddasīe cautthaṃ kāūṇa gahiyavvā | tīe uvayāro uṃbararukkhacchāyāe uvanisiya māsāikālaṃ jāva aṭṭhamabhatteṇa khīrannapāraṇeṇa uḍidinnāi āhāreṇa vā kāyavvo
60.2
tao annā vijjā chaṭṭheṇa gahiyā ahayavattheṇa kusasattharovaviṭṭheṇa chaṭṭhabhattaṃ kāuṃ aṭṭhasayajāveṇa sāhiyavvā
60.3
avarā ya chaṭṭheṇa gahiyā aṭṭhamabhatteṇa aṭṭhasayaṃ jāveṇa sāhiyavvā
60.41
evaṃ sāhio daṃḍaparīhāravijjaṃ pauṃjiuṃ cauvvihāhāranisehaṃ kāuṃ egaṃte pavittadese itthīṇaṃ adaṃsaṇaṭṭhāṇe tikkālaṃ āmakappūreṇaṃ putthayaṃ pūiya agarudhūvamuggāhiya maṇa-vayaṇa-kāyasuddhabaṃbhaceraparāyaṇo pavittadehavattho itthīṇaṃ muhamaṇavaloiṃto tāsiṃ saddaṃ ca asuṇiṃto taiyaajjhāyauvakkhāyaguṇagaṇālaṃkio gurusamīve sayaṃ vā avicchinnaṃ muhapottiyāṭhaiyamuhakamalo vāijjā | evaṃ siddhā saṃtī bhagavaī aṃgavijjā egūṇasolasaāese
avitahe karijja tti | avihivāyaṇe ummāyāī dosā paramapurisāṇaṃ ca āsāyaṇākayā hoi tti
vihiṇā puṇa ārāhiya eyaṃ sijjhaṃta avitahāeso
chaumattho vi hu jāyai bhuvaṇesu jiṇappabhāyario1
aṃgavijjārāhaṇāvihī siddhaṃtiyasiriviṇayacaṃdasūriuvaesāo lihio
aṃgavijjāsiddhivihī