Vidhimargaprapa 63

Vidhimārgaprapā 63

Language: Sanskrit

63.1

§ 112. saṃpayaṃ tihivihī - pakkhiya-cāummāsiya-aṭṭhami-paṃcamī-kallāṇayāitihīsu tavapūyāīe udahayatihī appayaramuttāvi ghettavvā na bahutaramuttā vi iyarā | jayā ya pakkhiyāipavvatihī paḍai tayā puvvatihī
ceva tavamuttibahullā paccakkhāṇapūyāisu ghippai na uttarā | tanbhoge gaṃdhassa vi abhāvāo | pavvatihivuddhīe
puṇa paḍhamā ceva pamāṇaṃ saṃpuṇṇa tti kāuṃ | navaraṃ cāummāsie cauddasīhāse puṇṇimā jujjai | terasīgahaṇe
āgamaāyaraṇāṇaṃ annayaraṃ pi nārāhiyaṃ hojjā | saṃvacchariyaṃ puṇa āsāḍhacāummāsiyāo niyamā paṇṇāsaime
diṇe kāyavvaṃ, na ikkavannāsaime | jayā vi hoiyaṭippaṇayāṇusāreṇa do sāvaṇā do bhaddavayā bhavaṃti,
saṃpayaṃ jahāsaṃpadāyaṃ devapūyāvihī bhaṇṇai-tattha sāvao baṃbhamuhutte paṃcanamokkāraṃ sumaṃrato sijjaṃ
muttūṇa appaṇo kuladhammavayāiṃ saṃbhariya, sarīraciṃtāi kāūṇa, phāsueṇaṃ aphāsueṇaṃ vā galiyajaleṇaṃ desao 5
savvao vā ṇhāṇaṃ kāūṇa, kaḍillavatthaṃ caiya parihiyadhoyavatthajugalo nisīhiyātigapuvvaṃ gharadevālae pavisejjā | tattha muha-kara-caraṇapakkhālaṇaṃ desaṇhāṇaṃ, siramāisavvaṃgapakkhālaṇaṃ savvaṇhāṇaṃ | tao bhagavao
āloyamitto ceva bhālayale aṃjalimauliyagahattho 'namo jiṇāṇaṃ' ti paṇāmaṃ kāuṃ jaya jaya saddaṃ bhaṇiya
muhakosaṃ kāūṇa, gihapaḍimāo nimmallamavaṇittu uvautto lomahatthayāiṇā nimajjiya, jaleṇa pakkhāliya
sarasasurahicaṃdaṇeṇa devassa dāhiṇajāṇu-dāhiṇakhaṃdha-nilāḍa-vāmakhaṃdha-vāmajāṇulakkhaṇesu paṃcasu, 10
hiyaeṇa saha chasu vā aṃgesu pūyaṃ kāūṇa paccaggakusumehiṃ ca pūiya, tao vāmahattheṇa ghaṃṭaṃ vāiyaṃto
dāhiṇakaragahiyadhūvakaḍucchuo kālāguru-pavarakuṃduruka-turukka-malayajamīsasugaṃdhadhūrva devassa purobhāgādārabbha
'asuriṃdasuriṃdāṇaṃ' iccāidhūmāvalīgāhāo paḍhaṃto siṭṭīe dasadisaṃ uggāhiya puro dhārei | tao caṃdaṇavāsakkhayāhi vāsiyaṃ kusubhaṃjaliṃ karayalasaṃpuḍeṇa giṇhittā 'namo'rhatsiddhācāryopādhyāyasarvasādhubhyaḥ'
iti bhaṇiya, 'osaraṇe jiṇapurao' iccāicitteṇa devassaṃ uvari khivei | tao 'loṇatta'iccāicittaṃ 15
paḍhaṃto siṭṭīe oyāriya dāhiṇapāsadhariyapaḍiggahiyāṭhiyajalaṇe khivei | evaṃ anne vi do vāre viccadugeṇaṃ
tao dhārāghaḍiāo jalaṃ ghettūṇa 'unnayapayapabbhaṭṭhassa' iccāicittatigeṇaṃ teṇeva kameṇa bhagavao oyāriya taheva jalaṇe khivei | tao thālayamsa uvari paṃca-sattaivisamavaṭṭivohiyadīvasīhāvamāliyagāraciyaṃ
dohiṃ hatthehiṃ gahiya 'gīyatthagaṇāḍaṇṇaṃ' iccāicittatigaṃ bhaṇiya vāre tiṇṇi ārattiyamuccārei | ego
ya dāhiṇapāsaṭṭhio ārattiyaṃmi uccaraṃte tiṇṇivāre jaladhārāo paḍiggahiyāṭhiyajalaṇe dei | annā- 20
bhāve ārattiyauccāraṇāṇaṃtaraṃ sayameva vā dhārāo dei | uccaraṃte ārattie ubhao pāsesu sāvayaniyacelaṃcalehiṃ cāmarehiṃ vā bhagavao cāmarukkhevaṃ kuṇaṃti | eyaṃ ca savvagaiuccāraṇaṃ pālicayasūrimāhapuvvapurisehiṃ saṃhāreṇa aṇuṇṇāyaṃ vi saṃpayaṃ siṭṭīe kārijjai | visamo khu gaḍḍariyāpavāho | tao paḍiggahiyāṭhiyaṃgārajalāi bāhiṃ ujjhiya thāliyaṃ pakkhāliya, tattha caṃdaṇeṇa satthiyaṃ naṃdāvattaṃ vā kāuṃ tassuvari
pupphasayavāso khiviya osaggao avihavanārīvohiyaṃ tadabhāve mayaṃ vā pattohiyaṃ rattavaṭṭi-maṃgaladīvayaṃ 25
ṭhāviya caṃdaṇapupphavāsāīhiṃ pūiya maṃgalaṭhappayāi paḍhaṇāṇaṃtaraṃ 'namo'rhatsiddhācāryo0' iccāi bhaṇiya,
'jeṇego jiṇanāho' iccāicittatigaṃ paḍhittā maṃgaladīvaṃ ujjhaviya, savvesu taduvari kusumāī nikhitesu
paṃcasare vajjaṃte sanirmitto bhagavao puro dhārei | tao sakkathayaṃ bhaṇittā vāmapasseṇaṃ kāuṃ maṃgaladīvayamaṇujjhiya egadese muṃcai, na uṇa ārattiyaṃ va khivei tti-gharapaḍimāpūyā[vihī]samatto

Vidhimargaprapa 63

63.1

63.7

63.8

63.9

63.10

63.11

63.12

63.13

63.14

63.15

63.16