Vidhimargaprapa 67
Vidhimārgaprapā 67
- Language
- Sanskrit
67.1
troṭakāḥ samāptāḥ
śrījinaprabhasūrikṛtā prābhātikanāmāvalī
saubhāgyabhājanamabhaṅgurabhāgyabhaṅgīsaṅgītadhāmanijadhāma nirākṛtārkam
arcāmi kāmitaphalaṃ hṛtikalpavṛkṣaṃ śrīmantamastaghṛjinaṃ jinasiṃhasūrim
kevalajñānī 1 nirvāṇī 2 [ ityādi ] 24 atītajinanāmāni
ṛṣabha 1 ajita 2 [ ityādi ] 24 vartamānajinanāmāni
padmanābha 1 sūradeva 2 [ ityādi ] 24 bhaviṣyajjinanāmāni
sīmaṃdhara svāmī 1 yugaṃdhara svāmī 2 [ ityādi ] 20 viharamānajinanāmāni
oṃ namo arihaṃtāṇaṃ, namo siddhāṇaṃ [ ityādi ] paṃcanamaskārāḥ
iṃdrabhūti 1 agnibhūti 2 [ ityādi ] 11 gaṇadharanāmāni
rohiṇī 1 prajñapti 2 [ ityādi ] 16 vidyādevīnāmāni
apratikṣakrā 1 ajitabalā 2 [ ityādi ] 24 jinayakṣiṇīnāmāni
gomukha 1 mahāyakṣa 2 [ ityādi ] 24 jinayakṣanāmāni
nābhi 1 jitaśatru 2 [ ityādi ] 24 jinapitṛnāmāni
marudevā 1 vijayā 2 [ ityādi ] 24 jinamātṛnāmāni
bharata 1 sagara 2 [ ityādi ] 12 cakravartināmāni
tripṛṣṭha 1 dvipṛṣṭha 2 [ ityādi ] 9 arddhacakrināmāni
acala 1 vijaya 2 [ ityādi ] 9 baladevanāmāni
aśvagrīva 1 tāraka 2 [ ityādi ] 9 prativāsudevanāmāni
samudravijaya 1 akṣobha 2 [ ityādi ] 10 daśārhanāmāni
yudhiṣṭhira 1 bhīma 2 [ ityādi ] 5 pāṃḍavanāmāni
brāhmī | sundarī | rohiṇī | davadaṃtī | sītā | aṃjanā | rājīvatī [ityādi] satīnāmāni
bāhubalī | sugrīva | vibhīṣaṇa | hanūmaṃta | daśārṇabhadra | prasannacandra [ ityādi ] satpuruṣanāmāni
siddhārtha | jaṃbūsāmi | prabhava | śayyaṃbhava | yaśobhadra | saṃbhūtavijaya | bhadrabāhu | sthūlabhadra | āryasuhasti
siṃhagiri | dhanagiri | āryasamita | vèrasvāmi | āryarakṣita | duvvalikāpuṣyamitra | ghṛtapuṣyamitra | vastrāpuṣyamitra | vajrasena | nāgendra | candra | nirvṛti | uddehika | koṭhyācārya | jinabhadragaṇi kṣamāśramaṇa | siddhasena divākara | umāsvāti vācaka | āryaśyāma vācaka | goviṃda vācaka | revatī | nāgārjuna | āryakhapaṭa
yaśobhadrasūri | mallavādī | vṛddhavādī | bappahaṭṭi | kālakasūri | śīlāṃkasūri | haribhadrasūri | siddhaṛṣi
pādaliptasūri | devasūri | nemicaṃdrasūri | udyotanasūri | varddhamānasūri | jinaneśvarasūri | jinacaṃdrasūri
jinabhadrasūri (!) abhayadevasūri | jinavallabhasūri | jinadattasūri | jinacaṃdrasūri | jinapatisūri | jineśvarasūri | śrījinasiṃhasūri | śrījinaprabhasūri | śrījinadevasūri
iti prābhātikanāmāvalī samāptā | viraciteyaṃ śrīmajjinaprabhasūribhaṭṭārakamiśraiḥ
śrījinaprabhasūrikṛtaṃ mathurāyātrāstotram
surācalaśrījiti devanirmite stūpe'bhirūpe varado(de) kṛtāspadau
suvarṇanīlopalakomalacchavī supārśva-pārśvoṃ mudita[:] stavīmi vām
67.2
pṛthvīsuto'pi trijagajjanānāṃ kṣemaṃkarastvaṃ bhagavān supārśva !
api pratiṣṭhāṅkurahastamīśa kathaṃ ca loke janitapratiṣṭhaḥ
67.3
pārśvaprabho ye'tra manobhirāmātvannāmamantrasmaraṇaikatānāḥ
uttañcalaccañcalatāguṇāyā bhavanti te mandiramindirāyāḥ
67.4
mahītalāsphālanaghṛṣṭabhālaḥ supārśva ! sarpatpulakairviśālaḥ
kadā tvadaṃghri praṇipātakarmapramodamedasvimanā [namā]mi
67.5
yātrotsaveṣu prabhupārśva ! te'trāgatasya saṃghasya caturvidhasya
utkṣipyamāṇāgurudhūpadhūmavyājena niryānti tamaḥsamūhāḥ
67.6
samuccaraddhūmaśikhapradīpacchalena vāṃ sevitumāgatā amī
śiraścakāśanmaṇayaḥ phaṇābhṛto nijaṃ kṛtārthāḥ pratiyānti mandiram
67.7
rujā bhujaṅgārṇavadāvadantino mṛgādhipastena narendrasaṃyugāḥ
piśācaśākinyarayaśca tanvato bhayaṃ na tasya smaratīha yo yuvām
67.8
pādāravindaṃ suravṛndavandyaṃ vandāravo ye yuvayoranindyam
devī kuverā vipadastadīyā samūlakāṣaṃ kaṣati prasannā
67.9
yauṣmākavīkṣārasamagnanetraprasāriharṣāśrubhirāmrbhasīkāḥ
jvalantamantarnicitāghavahriṃ nirvāpayante jagatīha dhanyāḥ
67.10
iti stutiṃ śrīmathurāpurīsthayoḥ paṭhanti ye vāṃ śaṭhatāṃ vinākṛtāḥ
supārśvatīrtheśvara pārśvanātha vā jinaprabhadraṃ padamāpnuvanti te