Vidhimargaprapa 75
Vidhimārgaprapā 75
- Language
- Sanskrit
75.1
trayodaśaḥ sargaḥ
dadanmudaṃ daśārhāṇāṃ, tasyāṃ haliyuto hariḥ | ciraṃ cikrīḍa sahito, yādavairdviṅgalatārdaiḥ
75.2
tadantarneminātho'pi, bālyaṃ sāphalyamānayat | trijjñānavānapi krīḍārasairyaṅmumadapradaḥ
75.3
ājanma manmathajayī, nirvikāramanāḥ kramāt | śrīnemiryauvanaṃ prāpa, daśacāponnatākṛtiḥ
75.4
pitṛ-bhrātṛ-suhṛdvargaiḥ, prārthyamāno'pyaharniśam | na mene nemināthastu, pāṇigrahamahotsavam
75.5
anyedyuḥ kelivallīnāṃ, nīrado nārado muniḥ | paryaṭannetya govindārśvito bhāmāgṛhaṃ yayau
75.6
tatrānabhyutthitāyāṃ tu, darpaṇālokakautukāt | kruddho dadhyau dadāmyasyāḥ, sāpatnyamiti nāradaḥ
75.7
atha bhīṣmakabhūpālasutāyai kuṇḍine pure
rukmiṇyai rukmisodaryai, vyākhyāt kṛṣṇaguṇān muniḥ
75.8
tasyāḥ kṛṣṇānuraktāyā, rūpaṃ citrapaṭasthitam | kṛṣṇāya darśayāmāsa, netrapātrāmṛtaṃ muniḥ
75.9
kṛṣṇastadanurakto'tha, satkṛtya munipuṅgavam | rukmiṇe rukmiṇīyācñā-hetordūtaṃ niyuktavān
75.10
dūtena rukmiṇīṃ rukmī, prārthito'bhidadhau hasan | śiśupālāya deyā'sau, na tu gokularakṣiṇe
75.11
ityuktvā'smin gate dūte, rukmiṇī kṛṣṇarāgiṇī
pitṛṣvasrā sahā''locya, nyuyuṅka haraye caram
75.12
māghe māsi sitāṣṭamyāṃ, vane nāgārcanacchalāt | māmabhyupeyuṣīṃ hartumāgantavyaṃ tvayā rathāt
75.13
vacaḥ śrutveti rukmiṇyāḥ, dūtāt prīto janārdanaḥ
āhūtaḥ śiśupālastu, rukmiṇā rukmiṇīkṛte
75.14
rāmeṇa saha saṅketadine garuḍaketanaḥ | āyayau kuṇḍinodyāne, tatrātha rathinā rathī
75.15
ito'pi rukmiṇī nāgapūjāvyājaina niḥsṛtā | pitṛṣvasrā'pyanumatā, ram̐thaṃ kṛṣṇasya śiśriye
75.16
atha svadoṣamopāya, sapūtakāraṃ pitṛṣvasā | rukmiṇe'kathayajjahre, rukmiṇī hariṇā haṭhāt
75.17
pāñcajanya-sughoṣākhyau, śaṅkhāvāpūrya nirbharam | ham̐tvā ca rukmiṇīṃ kṛṣṇa-rāmāvacalattāṃ tataḥ
75.18
apahāraṃ svasuḥ śrutvā, rukmī ropāruṇekṣaṇaḥ | śiśupālānvito'cālīt, kṛṣṇasyānupadaṃ tam̐dā
75.19
tasthau rāmo'tha yuddhāya, yayau tūrṇaṃ tu keśavaḥ | rathena rukmiṇīnetrasparddhātitaralavājinā
75.20
rāmastadanu saṅgrāmakuśalo muśaloddhataḥ | mamandhāribalaṃ śuṇḍācaṇḍo hṛdamiva dvipaḥ
75.222
tat pīte vāsasī muktāmālāṃ mukuṭa-kaustubhau| garuḍāṅkaṃ rathaṃ śāṅgaṃ, dhanva kaumodakīṃ gadām
75.223
akṣayyabāṇau śaradhī, nandakāsiṃ ca viṣṇave | dadau śrīdo'tha rāmāya, vanamālāṃ halaṃ dhanuḥ
75.224
tāladhvajaṃ rathaṃ tūṇau, muśalaṃ nīlavāsasī | arhāṇi ca daśārhebhyo, ratnānyābharaṇāni ca
75.225
matvā'tha yadavo yuddhe, balavantaṃ balānujam | aparodadhiparyante'bhyaṣiñcan harṣanirbharāḥ
75.226
rathāvāruhya siddhārtha-dārukābhidhasārathī | praviṣṭyāvṛtsavoddāmrāṃ, rāma-dāmodarau purīm
75.227
āseduḥ sadanānyatho nijanijānyete javād yādavā,
yakṣādhīśvaradarśitāni maṇibhiḥ kṛptāni lakṣmīmayaiḥ
ratnastambhatalārpitapratikṛtīn yantrāvalokya prabhūn,
muhyantaḥ praṇamanti jalpitaravairjñātvā paraṃ sevakāḥ
Linked texts (2)
- Dharmābhyudaya — Udayaprabhā Sūri, Sanskrit
- Dharmābhyudayamahākāvya — Udayaprabha, Sanskrit